Ҭырқәтәыла имҩаԥгахоит Лев Аҩӡба игәалашәара иазку ацәыргақәҵа-конференциа

26
(ирҿыцуп 16:49 08.11.2019)
Аԥсны ауаажәларратәи аполитикатәи усзуҩ Лев Аҩӡба иԥсҭазаара далҵит ԥхынгәы 25 2018 шықәса рзы Стампыл. Иара илшамҭақәа рацәоуп аԥсуа диаспора рҭоурыхтә ԥсадгьыл разхьарԥшреи радҳәалареи рус аҟны.

АҞӘА, абҵара 8– Sputnik, Бадри Есиава. Ҭырқәтәыла аҳҭнықалақь Стампыл имҩаԥгахоит Лев Аҩӡба игәалашәара иазку ацәыргақәҵа-конференциа ҳәа Sputnik иазеиҭеиҳәеит Ҭырқәтәыла иҟоу аԥсуа культуратә центрқәа Рфедерациа ахантәаҩы Аҭанур Аҟәысба.

"Ҵыԥх Стампыл иааҳартит Лев Аҩӡба игәалашәара иазку арҿиаратә ҟазарҭа. Аҟазауаҩ Митын Чқәуа инапхгарала ара иҟарҵоит асаркьа, акерамика, аиха, амҿы ирылху акымҭақәа. Абҵара 8 рзы Ҭырқәтәыла аҳҭнықалақь Стампыл имҩаԥгахоит Лев Аҩӡба игәалашәара иазку ацәыргақәҵа-конференциа. Аконференциахь инагахоит арҭ анапкымҭақәагьы", - еиҭеиҳәоит Аҟәысба.

Иара иазгәеиҭеит Лев Аҩӡба акультуратә центр аҿы активла аусура шымҩаԥигоз. Аԥсныи аԥсуа диаспореи рыбжьара аинырразы илшамҭақәа акыр ирацәоу, иҳаҭыр дун, бзиа дырбон ҳәа иҳәоит Аҟәысба.

Ацәыргақәҵа аартра иаҭаауеит Лев Аҩӡба иԥшәмаԥҳәыс Диана Ԥлиаԥҳа, иҩызцәа, иуацәа. Лев Аҩӡба аԥсуаа рыԥсадгьыл разхьарԥшразы иусура атәы далацәажәеит Аԥсны Афырхаҵа Фениа Аҩӡыԥҳа.

© Foto / Омар Авидзба
Лев Авидзба

"Дпатриот иашан. Еснагь иҽазишәон нырцәи-аарцәи аԥсуаа реимадара. Ҭырқәтәыла акәзаргьы еснагь бзиа ибон. Идыруан уа еснагь ауаа гәыблыла ишизыҟаз", - лҳәоит лара.

Лев Аҩӡба диит ажьырныҳәа 1 1953 шықәса рзы Ешыра ақыҭан.

© Foto / Омар Авидзба
Лев Авидзба

1980-тәи ашықәсқәа раан Аԥсны амилаҭ-хақәиҭратә қәԥара иҽалаирхәит. Аԥсны жәлар Рџьынџьтәылатә еибашьра даветерануп. 1993, 2003 шықәсқәа рзы Аҟәа араион напхгара аиҭон. Изныкымкәа Аҟәатәи араионтә еизарахь депутатс далырххьан.

2007 - 2012 Аԥсны Апарламент адепутат.

Лев Аҩӡба иԥсҭазаара далҵит ԥхынгәы 25 2018 шықәса рзы Стампыл.

© Foto / Омар Авидзба
Лев Авидзба
26

Аԥсныҟа иааргараны иҟоуп хә-нызқь рҟынӡа атест-системақәа

3
(ирҿыцуп 15:04 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угартә иҟоуп.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
3
Атемақәа:
Ачымазара ҿкы – акоронавирус Аԥсни адунеи аҿи: иалкаау
Пограничный пункт Ингур в Гальском районе Абхазии

Ҩымш рыла 500-ҩык инарзынаԥшуа ауаа Аԥсныҟа ихынҳәит

4
(ирҿыцуп 15:03 07.08.2020)
Агуманитартә коридор аартуп нанҳәа 5-9 асааҭ 9:00 - 19:00 рзы аамҭала Қырҭтәыла иҟаз Аԥсны атәылауаа хынҳәырц азы.

АҞӘА, нанҳәа 7 - Sputnik. Қырҭтәылантәи Аԥсныҟа ихынҳәит 476-ҩык инареиҳаны агәаҭара-аушьҭратә ҭыԥ "Егры" аҟны иаартыз агуманитартә коридор ала, абри атәы Sputnik имҩаԥысыз апресс-конференциаҿ еиҭеиҳәеит Аҳәынҭқарратә шәарҭадаратә маҵзура аҳәаахьчаратә отриад аиҳабы ихаҭыԥуаҩ Рудольф Цыба.

Цыба, иажәақәа рыла нанҳәа 5 рзы Аԥсныҟа иааиит 188-ҩык, нанҳәа 6 рзы – 288-ҩык.

Агуманитартә коридор аус ауеит нанҳәа 5 - 9 рыбжьара асааҭ 9:00 инаркны 19:00 сааҭ рҟынӡа.

Аҳәынҭқарратә ҳәаа ахысра ҟалоит абарҭ адокументқәа умазар:

  • Атәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ, ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Аҳәаа иахысуа зегьы ргәабзиара аҭагылазаашьа амедико-санитартә хылаԥшра арҭоит.

Аамҭала Қырҭтәыла иҟаз Аԥсны атәылауаа хынҳәырц азы ԥхынгәы 13-17 рзы иаартыз агуманитартә коридор ала 1269-ҩык инареиҳаны ауаа хынҳәит.

4