Энри Агрба

Аԥсуа спортсменцәа алахәхоит анапышьашәалатә қәԥарақәа рзы адунеи ахраҿа аиура

18
(ирҿыцуп 13:29 08.11.2019)
Еиныррала анапышьашәалатә қәԥарақәа рзы XI адунеи Ахраҿа FCF-MMA мҩаԥысуеит абҵара 16-17 рзы Кисловодск.

АҞӘА, абҵара 8– Sputnik, Бадраҟ Аҩӡба. Аԥсуа спортсменцәа Енри Агрбеи Ҭамаз Тарбеи алахәхоит еиныррала анапышьашәалатә қәԥарақәа рзы XI адунеи Ахраҿа FCF-MMA агаразы ақәгылара. Еиныррала анапышьашәалатә қәԥарақәа рзы XI адунеи Ахраҿа FCF-MMA мҩаԥысуеит абҵара 16-17 рзы Кисловодск ҳәа Sputnik иазеиҭеиҳәеит Енри Агрба иазыҟаҵаҩ Асҭамыр Арсҭаа.

"Ҭамаз Ҭарба 28 шықәса ихыҵуеит, Шәача аҽазыҟаҵарақәа мҩаԥигоит. 61 кьыла иҟоу рыбжьара дықәгылоит. Енри Агрба 77 кьыла иҟоу рыбжьара дықәгылоит. Ҭамаз уажә икапан иагирхоит", - иҳәоит азыҟаҵаҩ.

Аԥсуа спортсменцәа ирындаҭлараны иҟоу рыхьӡқәа рҳәоит абҵара 16 рзы аҵәҭаԥсарашьҭахь.

"Абҵара 16 рзы Кисловодск ҳнеиуеит. Иара убри аҽны имҩаԥгахоит аҵәҭаԥсареи акапангәаҭареи. Аицлабрақәа ирылахәхар ҟалоит Франциа, Киргизиа, Таџьикистан уҳәа атәылақәа рҟынтәи акомандақәа", - иҳәеит азыҟаҵаҩ.

Асҭамыр Арсҭаа иажәақәа рыла, Енри Агрбеи Ҭамаз Ҭарбеи аиааира рыгәҭакуп.

Енри Агрба еилаԥсоу ақәԥарақәа рзы жәларбжьаратәи атурнир Fight Nights Global аҿы Ислам Картлыков диҵахеит.

"Енри Агрба атурнир аҿы адунеи ачемпион ихьӡала дықәгылоит убри азы ититул ихьчароуп. Ҵыԥх адунеи ачемпионат аҿы Ахраҿаз аиааира игеит", - иҳәоит Асҭамыр Арсҭаа.

Атурнир FCF-MMA – иахықәкуп иреиӷьу аспортсменцәа ралкаара. Атурнир аиҿкааҩ: еиныррала напышьашәалатәи ақәԥара Афедерациа IF FCF.

Иара убас шәаԥхьар ҟалоит:

18
Заур Кишмария

Қьышьмариа Тҟәарчалтәи атеатр иазкны: аџьа иалҵыз ауп

8
(ирҿыцуп 19:59 15.07.2020)
Шәарах Ԥачалиа ихьӡ зху Тҟәарчалтәи аҳәынҭқарратә акомедиатә театр аиҳабы Заур Қьышьмариа арадио Sputnik аефир аҿы атәыла акультура аминистри атеатр аусзуҩцәа реиԥылара ахҳәаа азыҟаиҵеит.
Раионк аԥсҭазаараҟынтә: Кьышьмариа Тҟәарчалтәи атеатр иазкны

"Атеатр иахьа еиҭашьақәнаргыло аспекталькқәа ртәы еиҭаҳҳәеит, еиҭа ус еиԥш алшара ҳауа-иаҳмауа ҳәа сымҵааӡеит, избанзар аҳәынҭқарра зҭагылоу аҭагылазаашьа атәы аадыруеит. Иҳамоу алшарақәа еицырхырааны иҭҳажьуеит ҳәа ахҳәаа ҟасҵеит. Аиԥылара аибадырратә ҟазшьа аман, аха аминистр аус шутәу инықәшьны иаҳирдырит, аҳәынҭқарра рԥара аус муӡакәа аӡәгьы иоур шыҟамло атәы, уи уажәраанӡагьы ҳара иаадыруан", - ҳәа иҳәеит Қьышьмариа.

Тҟәарчалтәи атеатр аус ауан, аринахысгьы аус аулоит, избанзар иара аџьа иалҵыз театруп, аусзуҩцәа ирылҵыз театруп ҳәа азгәеиҭеит Қьышьмариа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

8
Учредительный съезд благотворительного движения Послы доброй воли Абхазии в Международном мультимедийном пресс-центре МИА Россия сегодня

"Аԥсны Агәыҳалалра ацҳаражәҳәаҩцәа" реилазаара дырҿыцуеит

7
Агәыҳалалратә еиҿкаара "Агәыҳалалра Ацҳаражәҳәаҩцәа" аԥҵан 2017 шықәса рзы, Москва, аԥсуа диаспора раԥшьгарала. Актәи аилазаара иалахәын актиорцәа, арежиссиорцәа, аспортсменцәа, ауаажәларратәи аполитикатәи усзуҩцәа.

АҞӘА, ԥхынгәы 15 – Sputnik, Асмаҭ Ҵәыџьԥҳа. "Агәыҳалалра ацҳаражәҳәаҩцәа" реилазаара ҿыц ӡыргахоит ԥхынгәы 17 рзы ҳәа арадио Sputnik иазеиҭеиҳәеит ацҳаражәҳәаҩ Едгар Ӷәазаа.

Иара иажәақәа рыла, аилазаара ҿыц иалахәхоит аполитикатәи ауаажәларратәи усзуҩцәа, аспортсменцәа, артистцәа Аԥсни Урыстәылеи рҟынтәи. Аиҿкаара афонд адиректор ҿыцс дҟалоит Едгар Ӷәазаа.

"Аилазаара ҿыц аус аулоит 2023 шықәсанӡа. Иазԥхьагәаҭоуп аԥсуа бызшәа, акультура, аспорт рыҿиаразы, абаҩхатәра зоу аҿарацәа рыцхрааразы апроектқәа. Иус хаданы иҟоу Аԥсны иҵоуроу ахыԥша аҳәаанырцә рырдырроуп. Аилазаара ҿыц уи алшап ҳәа сгәы иаанагоит", - ҳәа иҳәоит иара.

"Аԥсны Агәыҳалалра ацҳаражәҳәаҩцәа" аԥҵан Москва, аԥсуа диаспора аԥшьгарала, 2017 шықәса рзы. Иара имҩаԥнагоит агуманитартә проектқәа агәабзиарахьчара, аҵарадырра, аспорт русхк аҿы. Агәыҳалалра ацҳаражәҳәаҩцәас иҟоуп акинорежиссиор Емир Кустурица, "Мисс мира" Ксениа Сухинова, ақәԥаҩ Денис Царгәыш, актиор Егор Бероев иара иԥшәмаԥҳәыс Ксениа Алфиорова, Аԥсни Урыстәылеи руаажәларратәи рполитикатәи усзуҩцәа.

7