"Аԥсны аҩызцәа рлига" Ҟрымтәи афорум азы: ҳинтересқәа адунеи иалаҳарҵәоит

15
"Ареспублика Ҟрым аҩызцәа V Жәларбжьаратәи рфорум" мҩаԥысуан Иалта абҵара 7 - 9 рзы. Уи иалахәын аиҿкаара "Аԥсны аҩызцәа рлига".

АҞӘА, абҵара 11 - Sputnik, Бадри Есиава. Аԥсны ахаҭарнакцәа "Ареспублика Ҟрым аҩызцәа V Жәларбжьаратәи рфорум" аҟны Индиеи Швеицариеи рхаҭарнакцәеи дареи аимадара рыбжьарҵеит ҳәа еиҭеиҳәеит Ареспубликатә уаажәларратә еиҿкаара "Аԥсны аҩызцәа рлига" анапхгаҩы, Апарламент адепутат Асҭамыр Логәуа.

Ареспубликатә уаажәларратә еиҿкаара "Аԥсны аҩызцәа рлигеи" Жәларбжьаратәи Ассоциациа "Ҟрым аҩызцәеи" аусеицуразы аиқәшаҳаҭра рнапы аҵарҩит нанҳәа 24 рзы. Логәуа иажәақәа рыла, ари аидеиа хықәкыс иамоу егьырҭ аҳәынҭқаррақәа рхаҭарнакцәа рыҽрымадароуп, урҭ рыла Аԥсны аинтересқәа адунеиаҿ раларҵәаразы.

"Ҟрымтәи афорум аҿы Индиа ахаҭарнакцәеи ҳареи ҳаилацәажәеит 2020 шықәса алагамҭазы Аԥсны индиатәи аделегациа аҭаарц азы. Иара убасгьы ҳалацәажәеит Индиа ҳхаҭарнакра ааҳартырц азы, Аԥсны аинвестициа адԥхьалара азҵаарақәа", - ҳәа еиҭеиҳәоит Логәуа.

Иара убасгьы иалыршахеит Швеицариатәи абизнесуааи ауаажәларра-политикатә усзуҩцәеи руаӡәк инырра. Иара хара имгакәа Аԥсны даҭаараны дыҟоуп, ибизнес проектқәа ҳадигалоит урҭ ареспубликаҿы ԥхьаҟазы рынагӡаразы.

Афорум иатема хаданы иҟан жәлар рдипломатиа, иара ацхыраарала ҳтәылақәа рҿы иҟоу аҭагылазаашьа иаша адунеи ауаажәларра рызнагара шалыршахо атәы.

"70-ҩык рҟынӡа асасцәа ыҟан адунеи атәылақәа жәпакы рҟынтәи. Дара ҟрымаа ридеиақәа рыцеиҩызшо роуп. Иҟан ЕАА, Австриа, Германиа, Индиа, Швеицариа, Ермантәыла рхаҭарнакцәагьы. Аиҳарак аполитикцәеи аекспертцәеи роуп иҟаз", - ҳәа еиҭеиҳәоит Логәуа.

Жәларбжьаратәи Ассоциациа "Ҟрым аҩызцәа" арегламент иалнаршоит афорумқәа Урыстәыла аҵакыраҿ еиԥш, анҭыҵгьы рымҩаԥгара.

Логәуа иажәақәа рыла, афорум ахыркәшаратә сессиаан ицәырган аԥхьаҟа уи амҩаԥгара иазыхиоу иарбан тәылоу ҳәа азҵаара.

"Ҳареи Ермантәылеи Израили рхаҭарнакцәеи иаҳҳәеит ари аус ҳшазыхиоу. Ҳаԥхьаҟа Аԥсны имҩаԥысыргьы алшоит ари аҩыза афорум. Макьаназ, 2020 шықәса рзы афорум мҩаԥгахоит Сербиа. Сгәы иаанагоит ҳаргьы уахь анаԥхьара ҳауп ҳәа", - азгәеиҭеит Логәуа.

Иара излеиԥхьаӡо ала, афорум Аԥсны имҩаԥысыр, уи иалнаршоит ауаа лабҿаба ҳҭагылазаашьа дырбара ҳәа.

Иара убас шәаԥхьар ҟалоит:

15

Ҿыц иалху Апарламент адепутатцәа рнапынҵақәа рынагӡарахь ианиасуа атәы рҳәеит

8
(ирҿыцуп 19:12 14.07.2020)
Аԥсны имҩаԥысит Апарламент ахь аиҭалхрақәа. Аҭыԥ хадақәа ԥшьба рҟынтәи руак аҿы ҩаԥхьа аиҭалхра мҩаԥысраны иҟоуп.

АҞӘА, ԥхынгәы 14 - Sputnik, Ренат Ԥачалиа. Аԥсны АКХ ахантәаҩы Ҭамаз Гогьиа Sputnik иазеиҭеиҳәеит иалырхыз адепутатцәа рнапынҵақәа рахь ииасыр анрылшо атәы.

Ацентртә алхратә комиссиаҿы абжьыҭара ашьҭахь бжьымш рыҩныҵҟала адепутатцәа ашәҟәы иҭарыҩуеит. Ашәҟәҭаҩра ашьҭахь адепутатцәа Аԥсны АКХ аӡбамҭаҟынтә алҩаа роуеит. Уи Апарламент ахь инаргоит. Уа имҩаԥгахоит иалху адепутатцәа азинԥҵаратә усбарҭа аилазаара ралаҵара апроцедура.

"Бзыԥҭатәи алхырҭатә ҭыԥ хадаҟны иҟалараны иҟоу аиҭалхра егьырҭ адепутатцәа русура анырра анаҭом", - ҳәа иҳәеит Гогьиа.

Гогьиа иҳәеит аус зуа азакәанԥҵара инақәыршәаны, Бзыԥҭатәи алхырҭатә ҭыԥ хада № 10 аҿы аиҭалхрақәа шымҩаԥысуа. Ҩымчыбжь рыҩныҵҟала АКХ алхрақәа ррыцхә шьақәнаргылоит.

Оҭҳаратәи ҭыԥ хадаҿы иалху Алмасхан Барцыц иҳәеит алхрақәа аиҩызаратә ҟазшьа рыманы имҩаԥган ҳәа.

"Алхраԥхьатә кампаниа зегьы соппоненти сареи еиҩызарыла имҩаԥаагеит. Аихшьаалақәа аныҟаҵаха Робестан Габлиа сиааира сыдиныҳәалеит, ақәҿиарақәа сзеиӷьеишьеит", - ҳәа иҳәеит иара.

Адепутат иҳәеит апандемиа инадҳәаланы Аԥсны ауааԥсыра ақыҭанхамҩахь ихьаԥшит, ари агәыгәҭажьра ҟалом ҳәа. Барцыц иажәақәа рыла,  Апарламент аҿы ақыҭанхамҩа аусхк иацхраауа апроектқәа адгылара риҭалоит.

Кындыӷтәи ҭыԥ хадаҿы иалырхыз Гарри Кокаиа иҳәеит ари аокруг аҿы егьырҭ ирҿырԥшны ауаа рнеира рекордтәын ҳәа. Иара изы зыбжьы зҭииз зегьы ҭабуп ҳәа реиҳәеит.

"Очамчыра идепрессиву раионуп ҳәа иԥхьаӡоуп, аха скомандеи сареи иаҳҭахуп иааҳарԥшырц араион иамоу алшара дуқәа", - ҳәа иҳәеит адепутат.

Аԥсны Жәлар Реизарахь алхрақәа мҩаԥысит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа.

Иара убас шәаԥхьар ҟалоит:

8

Какәыбаа: араион аҿы аспорттә секциақәа шаҟа ирацәоу аҟара, еиҳагьы еиӷьхоит

4
(ирҿыцуп 18:37 14.07.2020)
Гәылрыԥшь араион аспорткомплекс "Агәыӡера" аиҳабы Мурман Какәыбаа арадио Sputnik Аԥсны аефир аҿы еиҭеиҳәеит иарбан спортхкқәоу араион аҿы еиҳарак аҿиара змоу, насгьы ахәыҷқәа разыҟаҵаразы лшарақәас иҟоу атәы.
Раионк аԥсҭазаараҟынтә: Какәыбаа Гәылрыԥшь аспорткомплекс аусура иазкны

"Аспорткомплекс аус ауеит х-спортхкык рыла: ашьапылампыл, акарате, абокс. Ҳахәмарратә зал шьақәҳаргылеижьҭеи еиҭа ҩ-хкык ацаҳҵар ҳҭахуп - анапылампыли, амҵәышәымпыли. Ҳхәыҷқәа аихьӡарақәа рымоуп акарате аҿы, абокс аҿы. Ашьапылампыл акәзар, еиҳа ицәгьоуп, ахәыҷқәа макьана аԥышәа рымам. Рыхә-секциак анаартхалак 150-ҩык, 200-ҩык рҟынӡа ахәыҷқәа ҳадаҳкылартә еиԥш алшара ҳауеит. Асекциақәа шаҟа ирацәоу аҟара, ахәыҷқәа рзы еиҳа еиӷьхоит. Аспорткмплекс аҿы рҽазыҟарҵар ауеит 300-ҩык инарзынаԥшуа ахәыҷқәа сааҭ-сааҭла еихшаны. Азыҟаҵаҩцәа рганахьала ҳаиқәшәоуп, ахәыҷқәагьы бзиа ирбоит, рус иазҟазоуп", - ҳәа еиҭеиҳәеит Какәыбаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4