архив

Урыстәыла атәылауаҩ 20 шықәса иқәырҵар алшоит анаркотикқәа рыҭиразы

21
(ирҿыцуп 09:56 12.11.2019)
Аметадони кокаини рымазаареи рыҭиреи рзы аӡбамҭа аднакылеит Шәача ақалақь Адлертәи араионтә ӡбарҭа.

АҞӘА, абҵара 12 – Sputnik. Краснодартәи атәылаҿацә апрокуратура 42-шықәса зхыҵуа Урыстәыла атәылауҩ, Аԥсныҟа анаркотикатә маҭәашьарқәа алазгалоз иганахь ала ашьаус нанашьҭит аӡбарҭахьы.

"Аусҭҵаара аверсиала Х. 2018 шықәса лаҵарамзазы Санкт-Петербург 38,5 нызқьмааҭ рыхә анаркотикатә маҭәашьарқәа ааихәеит ишьақәыргылам ахаҿы иҿы. Иааихәеит 20 грамм аметадони граммк акокаини. Иара убри аҽны ҳаирпланла Шәачаҟа дааит. Аҳаиртә баӷәаза аҟынтәи Аԥсныи Урыстәылеи рҳәаа ахысырҭатә ҭыԥ "Адлер" ахь днеиит, Аԥсныҟа аҳәаа ахысра игәҭакны", - аҳәоит Краснодартәи апрокуратура адырраҭараҿы.

Ахаҵа ахылаԥшра апункт ахь даннеи дгәарҭеит, иагьидырбалеит анаркотикатә маҭәашьарқәа. Иара ахара идҵоуп УА АЗ ахәҭаҷ 229.1 ахәҭа 3еи УА АЗ ахәҭаҷ 228 ахәҭа 2 инарықәыршәаны.

Атәылауаҩ ахара идырҵаз дақәшаҳаҭхеит.

Урыстәылатәи афедерациа Ашьауӷатә Закәанеидкыла инақәыршәаны иара 10 шықәса инаркны 20 шықәса рҟынӡа аҭакра иқәшәар алшоит.

Иара убас шәаԥхьар ҟалоит:

21

COVID-19 рзықәыргылоуп даҽа 26-ҩык Аԥсны ауааԥсыра

15
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

15
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

4
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

4