Рауль Ҳаџьымба аԥсуа бызшәа аҿиара иазку аилацәажәара мҩаԥигеит

46
Абҵарамза 11 рзы Аҧсны Аҳәынҭқарра Ахада Рауль Ҳаџьымба аилацәажәара мҩаҧигеит аҳәынҭқарратә бызшәа аҿиара азҵаарақәа ирызкны. Ирылацәажәан абызшәа аларҵәаразы хра змоу апроектқәеи апрограммақәеи.

АҞӘА, абҵара 12– Sputnik. Аҧсны Аҳәынҭқарра Ахада Рауль Ҳаџьымба аилацәажәара мҩаҧигеит аҳәынҭқарратә бызшәа аҿиара азҵаарақәа ирызкны ҳәа аанацҳауеит ахада иофициалтә саит.

"Аиҧылараан ирылацәажәан Аҧсны аҳәынҭқарратә бызшәа аҿиара амҩақәеи уи иацу иактуалтәу апроблемақәеи. Аҳәынҭқарра Ахада иазгәеиҭеит абызшәа арҵара шырҕәҕәатәу ҳазҭагылоу аамҭазтәи атехнологиақәа рхархәарала ахәыҷбаҳчақәа рыҟны, ашколқәа рыҟны, егьырҭ аҵараиуратә усҳәарҭақәа рыҟны", - аҳәоит адырраҭараҿы.

Аилацәажәараҟны иара убас ирзааҭгылан аҧсышәала ахәыҷтәы литература аҿиареи аларҵәареи ртема, арҵагатә литература аҧсшәахь аиҭагара, аҧсуа бызшәа арҵаразы ателедырраҭарақәа реиҭахацыркра, аҿар зҿлымҳара зырҭо аудио, авидеоматериалқәа аҳәынҭқарратә бызшәала раҧҵара.

Аиҧылара иалахәын Ахада Ихаҭыҧуаҩ Аслан Барцыц, Аҧсны Жәлар Реизара Аиҳабы Валери Кәарҷиа, Аҧыза-министр Валери Бганба, Аҧсны Жәлар рпоет Мушьни Лашәриа, акультуреи аҵарадырреи рзы атәыла ахада иабжьгаҩ Владимир Занҭариа, зынагӡара 2020-2022 шш. ҿҳәарас иамоу Аҧсны аҳәынҭқарратә бызшәа аҿиара хықәкылатәи апрограмма азырхиара акомиссиа алахәцәа.

Иара убас шәаԥхьар ҟалоит:

 

46

COVID-19 рзықәыргылоуп даҽа 26-ҩык Аԥсны ауааԥсыра

13
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

13
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

4
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

4