Марина Пилия.

Марина Ԥлиаԥҳа аиустициа аминистрс дҟаҵоуп

41
(ирҿыцуп 17:47 12.11.2019)
Аԥсны ахада Аминистрцәа реилазаара уаанӡатәи аструктура аиҭакра маҷ иахигеит.

АҞӘА, абҵара 12 – Sputnik. Аԥсны аиустициа аминистр лзы Аусԥҟа анапы аҵаҩын иахьа, абҵара 12 рзы. Абри атәы аанацҳауеит ахада иофициалтә саит.

Аусԥҟаҿ иаҳәоит:

"Аԥсны Аҳәынҭқарра аиустициа аминистрс дҟаҵазааит Марина Шалуа-иԥҳа Ԥлиаԥҳа".

Аԥсны Аҳәынҭқарра Аиустициа аминистр Марина Шалуа-иԥҳа Ԥлиаԥҳа диит 1968 шықәса, нанҳәамза 19 рзы Аҟәа ақалақь аҟны

1985ш. – Аҟәатәи абжьаратә школ №17 аушьҭымҭа

1990ш. – Аԥснытәи Аҳәынҭқарратә Университет аҭоурых-зинтә факультет далгоит

1991-1993шш. – Аԥсны Ахәаахәҭра аминистрра аиурист хада

1993-1995шш. – Аԥсны Аҳәынҭқарра аҳәынҭқарратә мазареи ахатәтәреи рнапхгараҭаразы аҳәынҭқарратә еилакы аиурист

1995-2005шш. – Аԥсны Аҳәынҭқарра Ахада Иусбарҭа аекономикеи азини рыҟәша азинтә зҵаарақәа рсектор ареферент, ареферент аиҳабы, аиҳабы

2002-2005шш. – Аԥсны Аҳәынҭқарра Ахада ихаҭарнак Жәлар Реизара-Апарламент аҟны

2005-2010шш. –азинтә зҵаарақәа рзы Аԥсны Аҳәынҭқарра Актәи Ахада ицхырааҩ

2010-2014шш. – Аԥсны Аҳәынҭқарра Актәи Ахада Ифонд ахантәаҩы ицхырааҩ

2014 шықәса инаркны иахьанӡа – Аԥсны Аҳәынҭқарра Аиустициа аминистр

Уаанӡа Аԥсны Аҳәынҭқарра ахада Рауль Ҳаџьымба министррақәаки ҳәынҭеилакқәаки рнапхгаҩцәа раҭаразы аусԥҟақәа инапы рыҵаиҩхьан.

Убас, жьҭаарамза 31 рзы Аԥсны Аҳәынҭқарра Ахада Рауль Ҳаџьымба Аԥсны Аҳәынҭқарра Акультура аминистр Ельвира Арсалиаԥҳа лзы Аусԥҟа инапы аҵаиҩит. Аԥсны Аҳәынҭқарра Агәабзиарахьчареи асоциалтә еиқәыршәареи рминистрс дҟаҵоуп Ҭамаз Ҵахнакьиа. Аԥсны Аҳәынҭқарра Адемографиеи арепатриациеи рминистрс даҭоуп Беслан Дбар.

Аԥыза-министр ихаҭыԥуаҩыси Афинансқәа рминистрси дҟаҵоуп Џьансыхә Нанба. Ареспублика ашәахтәқәеи аизгақәеи рминистрс – Даур Кәырмазиа.

Аԥсны Аҭагылазаашьа ҷыдақәа рминистрс – Лев Кәыҵниа.

Аԥсны Аҵара аминистрс – Адгәыр Какоба.

Аԥсны Атәылахьчара аминистрс ихьӡ ҳәоуп Мираб Кьышьмариа. Аԥсны Аҩнуҵҟатәи аусқәа рминистрс дҟаҵоуп Гарри Аршба, Адәныҟатәи аусқәа рминистрс - Даур Ақаҩба.

Уаанӡа атәыла ахада Рауль Ҳаџьымба Аԥсны аԥыза-министрс Бганба Валери иҟаҵараз аусԥҟа инапы аҵаиҩхьан, аԥыза-министр актәи ихаҭыԥуаҩыс деиҭеит Даур Аршба.

Иара убас шәаԥхьар ҟалоит:

41
Кабинет министров республики Абхазия

Аминистрцәа Реилазаара ашколқәа акарантин азы иадыркуеит ҳәа ирҳәаз аԥнарҟәҟәааит

13
(ирҿыцуп 22:08 25.09.2020)
Акоронавирус азы атәылаҿы ишьақәгылаз аҭагылазаашьа иахҟьаны Аԥсны ашколқәа зегьы рҟны акарантин алагалоуп ҳәа аинформациа АИХқәа рҿы ирыладырҵәеит ахәаша, цәыббра 25 рзы СЕС аиҳабы Лиудмила Скорик иҟалҵаз аҳәамҭа ҵаҵӷәыс иҟаҵаны.

АҞӘА, цәыббра 25 – Sputnik. Аԥсны Аминистрцәа Реилазаара апресс-маҵзураҿы ииашам ҳәа ахырҳәааит Аԥсны ашколқәа зегьы рҟны цәыббра 25 инаркны жьҭаара 16 рҟынӡа акарантин аларгалоит ҳәа уаанӡа АИХқәа рҟны ицәырҵыз аинформациа.

"Аминистрцәа Реилазаара акәым, Ауааԥсыра акоронавирус рацәыхьчаразы акоординациатә штаб акәым ашколқәа рҟны аҵаратә процесс аанкыларазы азҵаара иалацәажәомызт, аӡбамҭа ҳәагьы акгьы рыдрымкылацт", - ҳәа аанацҳауеит Аминистрцәа Реилазаара асаит.

Акоординациатәи аоперативтәи штабқәа иааиԥмырҟьаӡакәа ичмазаҩхази згәы бзиахази ауаа ирыцклаԥшуеит, иара убасгьы аҵара аусҳәарҭақәа рҟны ачымазара зыхьыз рхыԥхьаӡара гәарҭоит ҳәа аарыцҳаит Аминистрцәа Реилазаара апресс-маҵзураҿы.

"Аиҳабыреи акоординациатә штаби ирыдыркыло аофициалтә ӡбамҭақәа зегьы Аминистрцәа Реилазаара аофициалтә саит аҟны иҟалоит", - ҳәа азгәарҭеит апресс-маҵзураҿы.

Уаанӡа цәыббра 25 ахәылбыҽха Агәабзиарахьчара аминистрра апресс-маҵзура Аԥсны асанитартә ҳақьым хада Лиудмила Скорик адырра ҟалҵеит атәыла ашколқәа зегьы рҟны жьҭаара 16 рҟынӡа акарантин алагалахоит ҳәа.

Скорик ишылҳәаз ала, ари аҩыза аӡбамҭа атәыла аиҳабыра иаднакылеит Агәабзиарахьчара аминистрреи Асанитартә епидемиологиатә маҵзуреи иҟарҵаз абжьгарақәа инрықәыршәаны.

13
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

10
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

10