Рауль Ҳаџьымба

Аҳәынҭқарра ахада аҳәынҭусбарҭақәа рхадацәа аиҭеит

43
Аԥсны Аҳәынҭқарра Ахада Рауль Ҳаџьымба аҳәынҭқарратә усбарҭақәа реиҳабацәа рзы Аусԥҟа инапы аҵаиҩит.

АҞӘА, абҵара 13 – Sputnik. Абҵарамза 12 рзы Аԥсны Аҳәынҭқарра Ахада Рауль Ҳаџьымба аҳәынҭқарратә усбарҭақәа реиҳабацәа рзы Аусԥҟа инапы аҵаиҩит ҳәа аанацҳауеит ахада иофициалтә саит.

Аусԥҟа атекст аҟны иҳәоуп:

"Иаҭазааит:

Аҳәба Адамыр Мирон-иԥа - Аԥсны Аҳәынҭқарра Адгьылхархәареи акадастри рзы аҳәынҭқарратә усбарҭа аиҳабыс.

Агрба Ҭемыр Михаил-иԥа - Аргыларазы Аԥсны аҳәынҭқарратә усбарҭа аиҳабыс.

Ашьхацаа Анзор Николаи-иԥа - Аԥсны Аҳәынҭқарра Абнатә нхамҩазы аҳәынҭқарратә усбарҭа аиҳабыс.

Ӷәынџьиа Роман Ҳақыбеи-иԥа - Аԥсны Аҳәынҭқарратә архивтә маҵзура аиҳабыс.

Габлиа Рабсҭан Иуана-иԥа - Аԥсны Аҳәынҭқарра Афымцамчи, атранспорти, аимадареи рзы аҳәынҭқарратә усбарҭа аиҳабыс.

Амқәаб Игор Владимир-иԥа - Аԥсны Аҳәынҭқарра Архитектуреи, ақалақьргылареи, анхарҭа-коммуналтә нхамҩеи рзы аҳәынҭқарратә усбарҭа аиҳабыс.

Ҷыҭанаа Савели Михаил-иԥа - Аԥсны Аҳәынҭқарра Аекологиеи, аԥсабарахьчареи рзы аҳәынҭқарратә усбарҭа аиҳабыс.

Џьопуа Роман Владимир-иԥа – Аԥсны Аҳәынҭқарратә ветеринартә маҵзура аиҳабыс.

Џьынџьиа Аркади Ҷыҷыкәа-иԥа – Аҵиаақәа ркарантин азы Аԥсны Аҳәынҭқарратә инспекциа аиҳабыс."

Иара убас шәаԥхьар ҟалоит:

43

COVID-19 рзықәыргылоуп даҽа 26-ҩык Аԥсны ауааԥсыра

11
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

1
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

1