"Евразиатәи жәлар Реидгыла" апланқәа ирылацәажәеит Аҟәа

25
"Евразиатәи жәлар Реидгылеи" Аԥсны иҟоу "Россотрудничество" ахаҭарнакреи еицымҩаԥырго астол гьежьқәа рҿы ирылацәажәоит агуманитартә зҵаарақәа.

АҞӘА, абҵара 13 – Sputnik, Бадраҟ Аҩӡба. Ауаажәларратә регионалбжьаратә еиҿкаара "Евразиатәи жәлар Реидгылеи" Аԥсны иҟоу "Россотрудничество" ахаҭарнакреи ргуманитартә проектқәа ирылацәажәеит Sputnik аҿы имҩаԥыргаз апресс-конференциаҿ.

Агуманитартә усеицура аҳәаақәа ирҭагӡаны абҵара 12 рзы Аҟәа имҩаԥысит астол гьежь "Асовет аамҭазы Аԥсны анаплакратә ус: ҳаамҭазы аурокқәа".

Абҵара 13 рзы Тҟәарчал араион ахадараҿ имҩаԥысит атлетика лас арҿиаразы апроект анагӡара ацхыраара аҭара азҵаарақәа рзы аҿартә аԥшьгаратә гәыԥқәа алархәны астол гьыжь.

Абҵара 14 рзы Очамчыра араион ахадараҿы Аԥсны иҟоу "Россотрудничество" ахаҭарнакра алархәны имҩаԥысраны иҟоуп астол гьежь "Адоуҳатә еибаркыгақәа ауаажәларра рцәаҩашәа ашьаҭа аҳасабала" атемала. Астол гьежь иалахәхоит Очамчыра араион абыргцәа Рхеилак ахаҭарнакцәа, араион ахадареи аҵаратә еиҿкаарақәеи рхаҭарнакцәеи.

"Россотрудничество" ахаҭарнак Вадим Чеха иазгәеиҭеит икоммерциатәым аиҿкаарақәеи дареи реинырра алҵшәа бзиақәа аанарԥшуеит ҳәа.

Астол гьежьқәа рымҩаԥгара аԥсуа аудиториаҿ аинтерес ду цәырыргоит, еиуеиԥшым апроблематә усхкқәа иахьрылацәажәо инамаданы.

Ауаажәларратә регионалбжьаратә еиҿкаара "Евразиатәи жәлар Реидгыла" анапхгаҩы Татиана Полоскова иазгәалҭеит Аԥсны иазԥхьагәаҭоу ауснагӡатәқәа зегьы аамҭа-аамҭала имҩаԥысуеит ҳәа.

"Аӡбара ҳадаҳкылеит Тҟәарчал аспортсменцәеи абаҩрҵәыра арҵаҩцәеи ацхыраара раҳҭоит ҳәа. Ираҳҭараны иҟоу агрант араион аҿы аспорт аҿиара иацхраауеит. Ҳара иара убасгьы имҩаԥаагоит астол гьежь аҿари абыргцәеи еицалархәны. Ари формат бзиоуп ҳәа иаҳшьоит. Аҿар рморалтә ҭагылазаашьа аиӷьтәра иацхраауеит", - ҳәа азгәалҭеит Полоскова.

Асовет аамҭатәи анаплакра иазкыз аиԥылара далацәажәо Полоскова илҳәеит аемоциатә ҟазшьа шамаз. Лара лгәаанагарала, уи аԥышәа иахьагьы ахархәара ҟалоит.

"Ишеилыскааз ала, астол гьежь алахәылацәа Асовет еидгыла аилаҳара ашьҭахь еибамбацызт. Излацәажәашаз рыман", - лҳәеит лара.

Полоскова лажәақәа рыла, ԥхынҷкәынмзазы Аԥсныҟа Урыстәылантәи даараны дыҟоуп адокументалтә кино ахаҭарнак, Асовет аамҭатәи анаплакреи ҳаамҭазтәи аҭагылазаашьеи рзы афильм аҭыхра зыгәҭаку.

Иара убасгьы ԥхынҷкәынмзазы имҩаԥгахоит апроект "Школа молодого лидера".

Абҵара 12 рзы имҩаԥгаз астол гьежь аҿы имҩаԥысит Сергеи Долженко ишәҟәы "Шестой отдел. Борьба с организованной преступностью" аӡыргара. Ашәҟәы ӡырызгаз аполициа аполковник Алексеи Логунков ашәҟәы инарҭбааны далацәажәеит.

Иара убас шәаԥхьар ҟалоит:

25
Кабинет министров республики Абхазия

Аминистрцәа Реилазаара ашколқәа акарантин азы иадыркуеит ҳәа ирҳәаз аԥнарҟәҟәааит

15
(ирҿыцуп 22:08 25.09.2020)
Акоронавирус азы атәылаҿы ишьақәгылаз аҭагылазаашьа иахҟьаны Аԥсны ашколқәа зегьы рҟны акарантин алагалоуп ҳәа аинформациа АИХқәа рҿы ирыладырҵәеит ахәаша, цәыббра 25 рзы СЕС аиҳабы Лиудмила Скорик иҟалҵаз аҳәамҭа ҵаҵӷәыс иҟаҵаны.

АҞӘА, цәыббра 25 – Sputnik. Аԥсны Аминистрцәа Реилазаара апресс-маҵзураҿы ииашам ҳәа ахырҳәааит Аԥсны ашколқәа зегьы рҟны цәыббра 25 инаркны жьҭаара 16 рҟынӡа акарантин аларгалоит ҳәа уаанӡа АИХқәа рҟны ицәырҵыз аинформациа.

"Аминистрцәа Реилазаара акәым, Ауааԥсыра акоронавирус рацәыхьчаразы акоординациатә штаб акәым ашколқәа рҟны аҵаратә процесс аанкыларазы азҵаара иалацәажәомызт, аӡбамҭа ҳәагьы акгьы рыдрымкылацт", - ҳәа аанацҳауеит Аминистрцәа Реилазаара асаит.

Акоординациатәи аоперативтәи штабқәа иааиԥмырҟьаӡакәа ичмазаҩхази згәы бзиахази ауаа ирыцклаԥшуеит, иара убасгьы аҵара аусҳәарҭақәа рҟны ачымазара зыхьыз рхыԥхьаӡара гәарҭоит ҳәа аарыцҳаит Аминистрцәа Реилазаара апресс-маҵзураҿы.

"Аиҳабыреи акоординациатә штаби ирыдыркыло аофициалтә ӡбамҭақәа зегьы Аминистрцәа Реилазаара аофициалтә саит аҟны иҟалоит", - ҳәа азгәарҭеит апресс-маҵзураҿы.

Уаанӡа цәыббра 25 ахәылбыҽха Агәабзиарахьчара аминистрра апресс-маҵзура Аԥсны асанитартә ҳақьым хада Лиудмила Скорик адырра ҟалҵеит атәыла ашколқәа зегьы рҟны жьҭаара 16 рҟынӡа акарантин алагалахоит ҳәа.

Скорик ишылҳәаз ала, ари аҩыза аӡбамҭа атәыла аиҳабыра иаднакылеит Агәабзиарахьчара аминистрреи Асанитартә епидемиологиатә маҵзуреи иҟарҵаз абжьгарақәа инрықәыршәаны.

15
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

10
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

10