Ахор аныҳәа: афестиваль"Шьардаамҭа" алахәылацәа аконцерт хада мҩаԥыргеит

29
(ирҿыцуп 13:38 14.11.2019)
Актәи Жәларбжьаратәи ахортә фестиваль "Шьардаамҭа" аконцертқәа Аԥснытәи аҳәынҭқарратә филармониа имҩаԥнагоит, Акультура аминистрра ацхыраарала.

АҞӘА, абҵара 14– Sputnik, Асмаҭ Ҵәыџьԥҳа. Абҵара 13 асааҭ 18:00 рзы имҩаԥгахеит аконцерт хада Аԥснытәи аҳәынҭқарратә филармониаҿы.

© Sputnik / Томас Тхайцук
Ахор аныҳәа: афестиваль"Шьардаамҭа" алахәылацәа аконцерт хада мҩаԥыргеит

Аԥснытәи аҳәынҭқарратә филармониа асахьаркыратә напхгаҩы Есма Џьениаԥҳа еизаз раԥхьа дықәгыланы иазгәалҭеит раԥхьатәи ахортә фестиваль иамоу аҵак ду атәы.

"Асеиԥш иҟоу афестиваль аиҿкаара ахәҭаны иҟан, избанзар ареспубликаҿы ахортә ҟазара акыр ишьҭаханы иҟоуп. Ари ажанр ала афестивальқәа хымԥада имҩаԥгалатәуп. Иахьазы итрадициатәу аԥсуа шәаҳәара азхьаԥшра маҷхеит. Ааигәаӡа акәын аишәачарақәа рҟны ауаа неидгыланы ашәа анеицырҳәоз. Уажәы ус иҟам. Ҳара иҳаӡбеит уи аҳаҭыр ашьҭыхразы абасеиԥш ала ахортә шәаҳәара аларҵәара", - лҳәеит Џьениаԥҳа.

Лара лажәақәа рыла афестиваль ахьӡгьы машәыршәа иалхым. "Шьардаамҭа" иаанаго – акыршықәса ауп.

"Ҳгәыӷуеит ҳфестиваля аҭоурых ду аиуп ҳәа. Уи адагьы аԥсуа ашәа "Шьардаамҭа" лассы-лассы иҳаҳауеит. Абиԥара ҿа ракәзаргьы ари ашәа амотив ззымдыруа дмаҷуп", - лҳәеит лара.

Аконцерт хада апрограмма аадыртит "Шьардаамҭа" ала. Ашәа нанагӡеит аҳәынҭқарратә хортә капелла (адирижиор Нодар Ҷанба). Уи ашьҭахь иқәгылеит Уралтәи аҳәынҭқарратә камертә хор. Иара ахәаԥшцәа ирыднагалеит апрограмма "Пять веков русской духовной музыки".

Московатәи аконсерваториа акамертә хор адоуҳатәи, аклассикатәи, ҳаамҭазтәи музыка нанагӡеит.

Аурыс ашәақәа руак аккомпанемент азыҟаиҵон аԥсуа пианиноарҳәаҩы Бараса Кәыҿба.

Актәи Жәларбжьаратәи ахортә фестиваль "Шьардаамҭа" аҳәаақәа ирҭагӡаны абҵара 14 рзы имҩаԥгахоит Александр Соловьев имастер-класс.

Аинформациатә маҵзура Sputnik Аԥсны – афестиваль информацитә партниорны иазыҟоуп.

Иара убас шәаԥхьар ҟалоит:

29

COVID-19 рзықәыргылоуп даҽа 26-ҩык Аԥсны ауааԥсыра

8
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

1
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

1