Акультуратә код: Аԥснытәи аделегациа Санкт-Петербургтәи афорум иалахәхоит

"Акультуратә код": Аԥснытәи аделегациа Санкт-Петербургтәи афорум иалахәуп

20
Санкт-Петербургтәи Жәларбжьаратәи акультуратә форум есышықәса еизнагоит зықьҩык рҟынӡа аекспертцәа адунеи атәылақәа рҟынтә.

АҞӘА, абҵара 14 – Sputnik, Бадраҟ Аҩӡба. Аԥснытәи аделегациа VIII Санкт-Петербургтәи афорум иалахәхоит. Афорум сынтәи аимҩаԥысуеит "Культурные коды в условиях глобализации" атемала. Абри атәы радио Sputnik иазеиҭалҳәеит ареспублика Акультура аминистр Ельвира Арсалиаԥҳа.

"Аԥсны фынтәуп Санкт-Петербург имҩаԥысуа Жәларбжьаратәи акультуратә форум ахы аланархәуеижьҭеи. Афорум аҵак ду амоуп, аусутә программа иалоуп апленартә еилатәарақәа, астол гьыжьқәа, адунеитә культура актуалтә хырхарҭақәа рганахьала амастер-классқәа", - еиҭалҳәоит аминистр.

Санкт-Петербург имҩаԥысуа Жәларбжьаратәи акультуратә форум алахәхара иаҳнаҭоит алшара акультура аусхк аҟны еиуеиԥшым адыррақәа роура ҳәа лҳәоит Ельвира Арсалиаԥҳа.

"Афорум – хра змоу ҭыԥуп ҳколлегацәеи ҳареи ҳаиԥыларазы, ҳаилацәажәаразы, ҽаантәи ҳапланқәа рызхәыцразы", - лҳәоит Арсалиаԥҳа.

Арсалиаԥҳа иазгәалҭеит ишазыԥхьагәаҭоу хышықәсатәи апрограмма аус адулара.

"2019 шықәсазтәи ҳусеицура аплан афорум аҿы ҳазлацәажәаз аплан ауп. Ишыжәдыруеиԥш сынтәи иаҳҭан москватәи атеатр МХТ, Зыкина лыхьӡ зху ансамбль, ҳара ҳ-Капелла Чаиковски ихьӡ зху азал аҿы иқәгылан. Имҩаԥысит ҳсахьаҭыхыҩцәа рцәыргақәҵақәа", - лҳәоит Ельвира Арсалиаԥҳа.

Аԥсны аҽазышәара мҩаԥнагоит хырхарҭа рацәала Урыстәылаа ус адуларазы.

"Афорум иалахәхоит акультура аминистрцәа, адипломатиатә миссиақәа рхадацәа, акультуратә усҳәарҭақәа рнапхгаҩцәа, аҟазара аусзуҩцәа, акультуратә усеицура аусхк аҟны аекспертцәа. Афорум аусутә программа иалоуп апленартә еилатәарақәа, астол гьыжьқәа, адунеитә культура актуалтә хырхарҭақәа рганахьала амастер-классқәа. Ишьақәшәыргыло аимадарақәа акыр хра рымоуп. Акультуратә еимадарақәа рҵакы дууп ", - лҳәоит аминистр.

Афорум еиҿыркааит Урыстәыла аиҳабыра, Урыстәыла акультура аминистрра, Санкт-Петербург аиҳабыра. Сынтәа иара иатема хаданы иҟоуп: "Культурные коды в условиях глобализации".

Иара убас шәаԥхьар ҟалоит:

 

20

COVID-19 рзықәыргылоуп даҽа 26-ҩык Аԥсны ауааԥсыра

15
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

15
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

4
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

4