Аҳәынҭқарратә Дума Аԥсныҟа анефҭаалыҵқәа ралагалара иақәшаҳаҭуп

Аҳәынҭқарратә Дума Аԥсныҟа анефтаалыҵқәа ралагалара иақәшаҳаҭуп

23
(ирҿыцуп 18:05 14.11.2019)
2019 шықәса рзы ахәаахәҭра арежим азы Урыстәылеи Аԥсныи рыбжьара аиқәшаҳаҭра аԥҟарақәа ырмариоуп.

АҞӘА, абҵара 14 – Sputnik. Урыстәыла Аҳәынҭқарратә Думаҿ аратификациа азыруит Аԥсныи Урыстәылеи реиҳабырақәа рыбжьара аиқәшаҳаҭра аԥсахра алагаларазы аԥкаанҵа. Абри атәы аанацҳауеит РИА Новости.

"Аԥкаанҵа иазыԥхьагәанаҭоит анефтаалыҵқәа раагараан аҳазалхратә декларациа аамҭала аԥыхра", - аҳәоит адокумент аилыркааратә цҵа.

Аԥҟара ҿыцқәа рыла абылтәы, адизельтә былтәы, анефт Урыстәылантәи Аԥсныҟа ралагалара алшоит аҳазалхратә декларациа аамҭала аԥыхра. Убри аан адекларациа ззынашьҭыз, аха уи ала атауар алагаламыз аԥырххоит.

Адырранҵа цҵа инақәыршәаны Аԥсныи Урыстәылеи реиҳабырақәа рыбжьара 2012 шықәса лаҵара 28 рзы атауарқәа рыла ахәаахәҭра арежим азы аиқәшаҳаҭра аԥсахра алагаларазы аԥкаанҵа анапы аҵарҩит Санкт-Петербург, 2019 шықәса рашәара 7 рзы.

Иара убас шәаԥхьар ҟалоит:

  • Аҳәынҭқарратә усҳәарҭақәа рҿы абылтәы ахархәашьазы агәаҭарақәа мҩаԥысуеит

 

23

COVID-19 рзықәыргылоуп даҽа 26-ҩык Аԥсны ауааԥсыра

14
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

14
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

4
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

4