Акультура аминистррақәа рнапы аҵарҩит 2020 шықәсазтәи аусеицуратә план

10
(ирҿыцуп 10:39 15.11.2019)
Аԥснытәи аделегациа VIII Санкт-Петербургтәи афорум иалахәуп. Афорум аҳәаақәа ирҭагӡаны Аԥсни Урыстәылеи акультура аминистррақәа рнапы аҵарҩит 2020 шықәсазтәи аусеицуратә план.

АҞӘА, абҵара 15 - Sputnik. Аԥсны Аҳәынҭқарра акультура аминистр Ельвира Арсалиаԥҳаи Урыстәыла Афедерациа акультура аминистр Владимир Мединскии рнапы аҵарҩит 2020 шықәсазтәи аусеицуратә план. Абри атәы Facebook аҿтәи лдаҟьаҿы иазгәалҭеит Ельвира Арсалиаԥҳа.

Афорум сынтәи аимҩаԥысуеит "Культурные коды в условиях глобализации" атемала.

Аԥсны фынтәуп Санкт-Петербург имҩаԥысуа Жәларбжьаратәи акультуратә форум ахы аланархәуеижьҭеи. Афорум аҵак ду амоуп, аусутә программа иалоуп апленартә еилатәарақәа, астол гьыжьқәа, адунеитә культура актуалтә хырхарҭақәа рганахьала амастер-классқәа.

Афорум еиҿыркааит Урыстәыла аиҳабыра, Урыстәыла акультура аминистрра, Санкт-Петербург аиҳабыра. Сынтәа иара иатема хаданы иҟоуп: "Культурные коды в условиях глобализации".

Иара убас шәаԥхьар ҟалоит:

 

10