Акция Урок добра в 10 школе в Сухуме

Агәыҳалалра аҽарҭбаауеит: акциа "Агәыразра амш" алҵшәақәа еилкаахеит

23
(ирҿыцуп 14:37 15.11.2019)
Афонд "Ашана" акциа "Агәыҳалалра аурок" абҵара 13 рзы Аԥснытәи ашколқәа рҟны имҩаԥысит.

АҞӘА, абҵара 15 – Sputnik, Асмаҭ Ҵәыџьԥҳа. Афонд "Ашана" акциа "Агәыҳалалра аурок" еизнагаз аԥарақәа зегьы рзырхахоит афонд "Ашана" цхыраара знаҭо Елина Каленџьиан лыхәышәтәра ҳәа радио Sputnik иазеиҭалҳәеит афонд адиректор Мактина Џьынџьалԥҳа.

Ԥшьышықәса зхыҵуа Елина абҵара 18 рзы Ереван, Атравмоталогиеи аортопедиеи Рцентр "Сурб Аствацамайр" аҿы аоперациақәа ҩба лзуразы еизгатәуп 270 000 мааҭ Елина лыгра лыциит. Лыжәтәахқәа рыҩбагьы ҭԥаны диит.

"Иахьазы 100 нызқь мааҭ аԥара еизгоуп. Макьаназы иҵагьы аидкылақәа ҟалап ҳәа ҳгәыӷуеит", - лҳәоит афонд адиректор.

Лара лажәақәа рыла есышықәса акциа зҽалазырхәуа рхыԥхьаӡара еизҳауеит.

"Сынтәа ҵыԥх аасҭаа ҳарҵаҩцәа рацәан. Дара асоциалтә ҳақәа рҿы активла акциа аладырҵәон. Афотои авидеои ҭыхымҭақәа ӡырыргон", - азгәалҭеит лара.

Пицундатәи абжьаратә школ аҿы акциа мҩаԥыргеит дара афонд аусзуҩцәа рхаҭақәа.

"Ҳара оумашәа иаабеит ахәыҷқәа иҭырхыз асахьақәеи рысалам шәҟәқәеи ирыҵаз агәыблыра. Ҳара урҭ ззырхоу рҟынӡа инаагоит", - еиҭалҳәеит Џьынџьалԥҳа.

Адунеизегьтәи агәыҳалалра амш аҽны Аԥсны имҩаԥыргоит еиуеиԥшым акциақәа: ашколхәыҷқәа аҵлақәа, ашәҭқәа еиҭарҳауеит, иҟоуп зҭаацәа ирыцхрааны ахаа-мыхаа зӡуа, изҭиуа. Нас урҭ аԥарақәа афонд ахь инарышьҭуеит.

Акция "Агәыҳалалра аурок" акультура-гәыҳалалратә фонд "Ашана" фынтәуп Аԥсны имҩаԥнагоижьҭеи.

Адунеи зегьы аҿы агәыҳалалра Амш азгәарҭоит абҵара 13 рзы. Абри амш аҽны, 1998 шықәса рзы Токио иаатит Австралиа, Канада, Иапониа, Таиланд, Сингапур, Великобританиа, ЕАА злахәыз агәыҳалалраз Адунеизегьтәи аконференциа.

Иара убас шәаԥхьар ҟалоит:

23

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

14
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

14

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау