Баҭал Чежьиа Санкт-Петербург имҩаԥысыз еиндаҭлара ахҳәаа азыҟаиҵеит

26
(ирҿыцуп 15:45 15.11.2019)
Баҭал Чежьиа Абокс азы адунеизегьтәи аиҿкаара (WBO) аверсиала аҿар рыбжьара иреиӷьу ҳәа ахьӡ азы ақәгылара мҩаԥигеит абҵара 14, 2019 шықәса рзы Санкт-Петербург. Украинатәи аспортсмен Џьамал Усманови иареи рықәгылара еиҭахарала ихдыркәшеит.

АҞӘА, абҵара 15 – Sputnik, Бадри Есиава. Аԥснытәи абоксиор Баҭал Чежьиа радио Spunik амҩаԥгаҩ изеиҭеиҳәеит Абокс азы адунеизегьтәи аиҿкаара (WBO) аверсиала аҿар рыбжьара иреиӷьу ҳәа ахьӡ азы Санкт-Петербург иқәгылара аӡбаҩцәа ирыдыркылаз аӡбра дшақәшаҳаҭым.

© Sputnik / Александр Гальперин
Чежьиа дақәшаҳаҭым аӡбаҩцәа рылкаа

"Аҭагылазаашьа амзыз рацәа амоуп. Акы – сара аамзы инарзынаԥшуа сықәымгылацызт, иаразнакы жәа-раундк иҟаз ақәгылара салахәхеит. Ҩба – сзындаҭлоз сара сеиҳа икапан дуун. Ус шакәугьы сара саҵахеит ҳәа схы сшьом. Ирацәаҩуп усеиԥш агәаанагара змоу аналитикцәагьы", - иҳәоит иара.

Баҭал Чежьиа иҳәеит Усманави иареи реиндаҭлара аҭыхымҭа деиҭашахәаԥшыз. Ихы бзианы иааирԥшит ҳәа ишишьо. Аӡбара ахашшаара аҭахны иԥхьаӡом.

"Аӡбамҭа рыԥсахып ҳәа сыҟам. Аӡбамҭа аԥсахраан аӡәы аҭакԥхықәра идлароуп. Уи адагьы ахашшаара амҩаԥгаразы аԥара азшәатәуп", - азгәеиҭеит иара.

Аиҭахарагьы лҵшәа бзиоуп. Уи адагьы уи ԥышәоуп ҳәа азиҳәоит Чежьиа.

Ақәгылараан аԥсуа боксиор 76 кьыла рҟынӡа зкапануаз рыбжьара дықәгылараны дшыҟазгьы, Усманов абжьаратә капан азы ақәгылара мап ахьацәикыз азы 79 кьыла иҟоу ркатегориахь диасит. Уажәшьҭарнахыс скатегориа сыԥсахуам, исзаԥсам ҳәа азгәеиҭоит аспортсмен.

Чежьиа иара убасгьы иҳәеит аматч-реванш мҩаԥгазар шыцәгьамыз, аха Усманов икоманда уи мап ацәнакыр ҟалап, избанзар дара аиҭахара иааирак еиԥш иазнеиуеит.

22 шықәса зхыҵуа Баҭал Ҷежьиа иахьазы адунеитә реитинг аҿы 154-тәи апозициаҿ дыҟоуп, Урыстәыла – икапантә категориала аабатәи аҭыԥ аҿы дгылоуп.

Усманов 20 шықәса ихыҵуеит, адунеитә реитинг аҿы 190-тәи апозициаҿ дыҟоуп, Украина – ахәбатәи аҭыԥ ааникылоит.

Баҭал Ҷежьиа – ажурнал "Про Бокс" аверсиала ИАРи Аславиан тәылақәеи дырчемпионуп, 2017 шықәса рзы Анапа имҩаԥысуаз ашоу "Гладиаторы ринга" аҟны даиааит, Ростов-на-Дону ақалақь аҿы апрофессионалтә бокс ахәылԥаз далахәны Москва иқәгылараан акамерун Даниел Нигата дииааиуеит.

Иара убас шәаԥхьар ҟалоит:

 

26

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

17
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

17

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау