Урыстәыла АҶА авертолиот Аҟәатәи ахыҵырҭа амцарцәара иаҿуп

73
Авертолиот иамоуп аӡы атара зылшо иҷыдоу амыруга. Уи зныкала иаарту аӡеизгарҭаҟынтә хә-тоннак иреиҵамкәа аӡы атара алшоит. Уи аӡы азиа Амҭҟьал аҟынтәи иргоит.

АҞӘА, абҵара 16 – Sputnik, Асмаҭ Ҵәыџьԥҳа. Урыстәыла АҶА авертолиот асааҭ 16 аамҭазынӡа Аҟәатәи ахыҵырҭаҿы амца арцәаразы 20 хаԥраара имҩаԥнагахьеит, абри атәы аанацҳауеит Аԥсны АҶА апресс-маҵзура.

"Знык ала авертолиот хә-тоннак аӡы акәнаҭәар алшоит. Амцарцәара уаха ҵхыбжьонынӡа иара убас уаҵәгьы иаҿызаауеит", - рҳәеит аусбарҭаҿы.

Аәҟатәи ахыҵырҭаҿы амцакра шыҟалаз Аԥсны АҶА аиқәырхаҩцәа ирбеит амҽыша ашьыжь абҵара 10 рзы. Ԥсҳәы ақыҭа абылраҽацәыхьчаратә пост аусзуҩцәа рхала амца арцәара рылымшеит. Инықәырԥшу адыррақәа рыла, Аҟәатәи ахыҵырҭа шә-гектарк рҟынӡа амца акуп. Еиҳарак ибылуа иҩоу абыӷьқәеи аҳаскьыни роуп.

Аԥсны АҶ рзы аминистр Лев Кәыҵниа абҵара 11 рзы ибылуа аҭыԥ вертолиотла дахааԥрааны игәеиҭеит. Амца анеира ахьыуадаҩу ашьхара иамҽханакит, уи арцәара иҷыдоу авиациа мацарала ишалшо атәы иҳәеит.

Урыстәыла АҶА Аԥсныҟа иааит ахәаша, абҵара 15 рзы, раԥхьа ишьҭыԥрааит асабша, абҵара 16 рзы. Асааҭ 10:00 ҟалаанӡа уи иалшеит Гәылрыԥшь араион Азанҭа ақыҭа иазааигәаны амца арцәара.

 

73
Атемақәа:
Аҟәатәи ахыҵырҭаҿы абылра (26)

COVID-19 рзықәыргылоуп даҽа 26-ҩык Аԥсны ауааԥсыра

10
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

10
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

1
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

1