Аԥсныи Урыстәылеи акультура аусхк аҟны русеицура апрограмма шьақәдырӷәӷәеит

25
Урыстәыла акультура аминистр Владимир Мединскии Аԥсны акультура аминистр Ельвира Арсалиаԥҳаи 2020 шықәсанӡатәи аусеицуратә программа рнапы аҵарҩит Санкт-Петербурге, абҵара 14 рзы.

АҞӘА, абҵара 18 - Sputnik, Асмаҭ Ҵәыџьԥҳа. Аԥснытәи аделегациа VIII Санкт-Петербургтәи афорум иалахәын. Афорум аҳәаақәа ирҭагӡаны Аԥсныи Урыстәылеи акультура аминистррақәа рнапы аҵарҩит 2020 шықәсазтәи аусеицуратә план ҳәа еиҭалҳәеит Аԥсны акультура аминистр Ельвира Арсалиаԥҳа апресс-конференциаҿ.

"Аԥсны фынтәуп Санкт-Петербург имҩаԥысуа Жәларбжьаратәи акультуратә форум ахы аланархәуеижьҭеи. Афорум аҵак ду амоуп, аусутә программа иалоуп апленартә еилатәарақәа, астол гьыжьқәа, адунеитә культура актуалтә хырхарҭақәа рганахьала амастер-классқәа. Ҽааназы иазыԥхьагәаҭоуп аҭоурых-культуратә ҭынха аиқәырхара атемала жәларбжьаратәи аконференциа амҩаԥгара", - лҳәеит лара.

Сынтәазгьы акультура аминистрра акультура аусхк аҟны арккаратә хырхарҭа адгалара ҟанаҵеит.

"Абри ахырхарҭала Аԥсны имҩаԥгахоит амастер-классқәа, амузыкатәи асахьаҭыхратәи ҵараиурҭақәа рҿы асеминарқәа. Акультуратә сезонқәа ирылахәхоит ареспублика абиблиотекақәа. Дара рзы ихазу аиԥыларақәеи асеминарқәеи мҩаԥгахоит", - лҳәоит аминистр.

Апрограмма инақәыршәаны иазыԥхьагәаҭоуп аԥснытәи атеатрқәа ргострольтә турқәа Урыстәыла ақалақьқәа рахь, иара убасгьы урыстәылатәи арҿиаратә коллективқәа Аԥсныҟа раара.

Иара убас шәаԥхьар ҟалоит:

25

COVID-19 рзықәыргылоуп даҽа 26-ҩык Аԥсны ауааԥсыра

12
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

12
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

4
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

4