Вакцинация

Аимҳәа иаҿагыло алаҵа аҟаҵара ахыркәшамҭахь инеиит

5
(ирҿыцуп 14:17 19.11.2019)
Аимҳәа иаҿагыло алаҵа Аԥсны амҩаԥгара иалагеит 2019 шықәса жьҭаарамзазы. Ареспубликахь иааргеит 15 000 рҟынӡа лаҵа.

АҞӘА, абҵара 19 – Sputnik, Сариа Кәарцхьиаԥҳа. Аимҳәа иаҿагыло алаҵа аҟаҵара ахыркәшамҭахь инеиит ҳәа Sputnik иазеиҭарҳәеит Аԥсны агәабзиарахьчареи асоциалтә хьчареи рминистрра апресс-маҵзураҿы.

Иазыԥхьагәаҭан алаҵаҟаҵара жьҭаарамзеи ԥхынҷкәынмзеи имҩаԥгахоит ҳәа, аха уажәазы ауааԥсыра активла алаҵаҟаҵара рҽаладырхәит азы иаагоу алаҵа нҵәарц егьагым.

"Ари иаҳнаҭоит агәрагара ачымазара аҿкра уадаҩхарым ҳәа. Иҟалоит уажәшьҭан иаҭахханы иҟалар еиҭахгьы иаагар", - азгәарҭеит аминистрраҿы.

Аимҳәа иаҿагыло алаҵа Аԥсны амҩаԥгара иалагеит 2019 шықәса жьҭаарамзазы. Ареспубликахь иааргеит 15 000 рҟынӡа лаҵа – хԥани ԥшьбани зеилазаара ыҟоу. Аҵыхәтәантәи еиҳа иҿыцу, аимҳәа аштаммқәа ԥшьба хызҽуа ҳәа иԥхьаӡоуп.

Алаҵаҟаҵара алшоит ареспублика аполиклиникақәеи ахәышәтәырҭақәеи зегьы рҿы хәыда-ԥсада.

Иара убас шәаԥхьар ҟалоит:

5