Аԥырҩцәа алацәажәеит амцарцәара иацыз ауадаҩрақәа

31
Аԥсны Аҭагылазаашьа ҷыдақәа рминистрраҿ имҩаԥысит абҵара 22 рзы апресс-конференциа. Аусбарҭа аусзуҩцәа еиҭарҳәеит Аԥсны аҭыԥ змаз амцакра арцәара амҩаԥысшьа.

Раԥхьаӡа акәны Аҟәатәи ахыҵырҭаҟны амцакра шыҟалаз АҶА аусзуҩцәа ирбеит абҵара 10 рзы. Ԥсҳәы абылреиқәырхаратә гәыԥ ахатәы мчқәа рыла идырцәарц иаҿын, аха ирылымшеит. Аԥсны АҶА Урыстәыла АҶА ахь адырра ҟарҵеит ацхыраара шырҭаху азы. Абҵара 15 рзы Аԥсныҟа иааит Урыстәыла АҶА авертолиот Ми-8, аԥхьатәи аԥырра мҩаԥнагеит абҵара 16 ашьыжь. Амҽыша амцарцәаратә усқәа аҽрыднакылеит Урыстәылатәи аҳаирплан-амфибиа Бе-200. Иара убас абнақәа былуан Тҟәарчал, Аҟәа, Гагра, Гәдоуҭа иахьрыҵанакуа ашьхарақәа.

Асмаҭ Ҵәыџьԥҳа, Sputnik

Апресс-конференциа аартуа Аԥсны АҶА аминистр ҭабуп ҳәа реиҳәеит урыстәылатәи амцарцәаҩцәа, иазгәеиҭеит асеиԥш мҽхакыҭбаалатәи амцакра ареспубликаҿы ишыҟамлацыз. Иара иажәақәа рыла амца ианаамҭаз идмырцәар Риҵатәи аҳәырԥсарреи ауаа реиланхарҭақәеи ааха ӷәӷәа рнаҭар алшон.

"Аҭагылазаашьа даара иуадаҩын. Амца арцәара знапы ианыз зегьы рымч еиуршәаны аус еицыруит", - иҳәеит иара.

Аминистр иҳәеит амца арцәаразы авиациа 266-нтә ишышьҭыԥрааз, амцакра ҭыԥқәа 1736 тонна аӡы шрықәҭәаз. Урыстәылатәи аган ацхыраара хәыда-ԥсадан.

Аҳаирплан Бе-200 акомандир Александр Маркохаи иажәақәа рыла ашьхақәеи аиҩхаақәеи ррельефи алҩақәчреи ирхырҟьаны ауадаҩрақәа рацәан ҳәа азгәеиҭеит.

"Амцакра ҭыԥқәа 500 - 1000 метра рҟынӡа иҳаракын. Уахь анеира уадаҩуп. Иҟан аҿҟьарақәа рҟынгьы амцакрақәа. Усеиԥш иахьыҟаз аӡы анақәуҭәалак иқәҵәраа ицон, амца арцәара иахьӡомызт. Убри азы изныкымкәа ҭыԥк аӡы анақәҭәатәыз ҟалон", - иҳәеит иара.

Аекологиеи аԥсабарахьчареи рзы аилак ахантәаҩы Савели Ҷыҭанаа иҳәеит иҟалаз катастрофоуп ҳәа аҳәара шиашам.

"Аҭагылазаашьа цәгьан. Аҳауатә ҭагылазаашьақәагьы амцарцәара иацхраауамызт", - иҳәеит иара.

Иара убасгьы иазгәеиҭеит аԥстәқәа кьыс шырмоуз.

"Иахьазы иблуаз абнарақәа ироуз аԥырхагара ахәшьара уадаҩуп. Анализ аҭыԥ аҿы иҟаҵатәхоит", - иҳәеит Ҷыҭанаа.

Ҷыҭанаа имцуп ҳәа ахиҳәааит Бе-200 амшынӡы аныҭнагоз аԥсыӡ аԥырхага рызун, Амшынеиқәаҿ аекосистема еилаган ҳәа игәарарҵаз ажәабжь.

Аԥсны АҶА аминистр апресс-конференциаҿ аҽазныкгьы ишьақәирӷәӷәеит абылра мзызны иаиуз ауаҩытәыҩсатә фактор шакәыз. Иара иажәақәа рыла ахаламцакра аҟалара аналшо +45С градус еиҵамкәа ианыҟоу ауп.

"Аԥсны ацәаакыра ҳаракуп, аҳауатә ҭагылазаашьа иаҿырԥшны ахаламцакра аҟалара даара иуадаҩуп", - иҳәеит Ҷыҭанаа.

Апресс-конференциаҟны Аԥсны АҶА аминистр Лев Кәыҵниа Урыстәыла АҶА ахаҭарнакцәа аҳаҭыртә шәҟәқәеи "За содружество во имя спасения" амедалқәеи ранеишьеит.

Иара убас шәаԥхьар ҟалоит:

 

31
Атемақәа:
Аҟәатәи ахыҵырҭаҿы абылра (26)
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

6
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Аԥсны ашколқәа рҟны акарантин рылаҳәоуп

10
(ирҿыцуп 20:05 25.09.2020)
Аԥсны Аҳәынҭқарра акоронавирус алаҵәареи аҽарҭбаара иахьалагази инамаданы ашколқәа зегьы рҟны акарантин рылаҳәоуп жьҭаара 16, 2020 шықәса рҟынӡа.

АҞӘА, цәыббра 25 – Sputnik. Аԥсны ашколқәа зегьы рҟны цәыббра 25 инаркны акарантин рылаҳәоуп ҳәа аанацҳауеит Аԥсны Агәабзиарахьчара аминистрра апресс-маҵзура.

Аԥсны асанитартә ҳақьым хада Лиудмила Скорик лажәақәа рыла, ари аҩыза аӡбамҭа Аминистрцәа Реилазаара иаднакылеит Агәабзиарахьчара аминистрреи Асанитартә епидемиологиатә станциеи иҟарҵаз абжьгара инамаданы.

"Аԥсны Аҳәынҭқарраҿы COVID-19 амҽхак арҭбаауа иалагеит, уи мзызс иаиуит аҿкы цәыббра 1, 2020 шықәса инаркны аиҿкааратә коллективқәа ирҭаауа иалагаз ахәычқәа рыбжьара иалаҵәо иахьалагаз. Арҵаҩратә коллективқәа уи иазыҟаҵамызт, аҳәынҭқарратә санитартә маҵзура иҟанаҵаз абжьгарақәа аԥхынтәи аамҭазы иахьрықәымныҟәаз, хырҩа ахьрырҭаз. Раԥхьа арҵаҩцәа чмазаҩхо иалагеит. Убри аҟнытә Аԥсны Аҳәынҭқарра аиҳабыра Агәабзиарахьчара аминистрреи Асанитартә-епидемиологиатә маҵзуреи иҟарҵаз абжьгарақәа инарықәыршәаны ирыӡбеит иахьа инаркны Аԥсны ашколқәа зегьы рҿы акарантин рыларҳәарц", - ҳәа азгәалҭеит Скорик.

Лара еиҭалҳәеит акарантин алагарала атәыла аиҳабыра ишырҭаху иахьынӡауа идырмаҷырц ачымазара зызшәарҭоу ахаҿқәеи иара зыдбалоу ауааи реигәныҩрақәа.

Аԥсны ашколқәа зегьы рҟны акарантин рылаҳәоуп 2020 шықәса жьҭаара 16 рҟынӡа.

Скорик иазгәалҭеит ашколқәа русзуҩцәа зегьы аҽыԥхьакра иқәныҟәаларц шрабжьагоу.

Иара убас шәаԥхьар ҟалоит:

10
Атемақәа:
Ачымазара ҿкы – акоронавирус Аԥсни адунеи аҿи: иалкаау