Афон-ҿыцтәи Симон-Кананиттәи аберҭыԥ

Атурфорум SIFT алахәылацәа Аԥсны аӡыргаратә тур рзеиҿыркааит

14
(ирҿыцуп 10:31 25.11.2019)
VI Жәларбжьаратәи атуристтә форум SIFT-2019-и Атуроператорцәеи атурагентцәеи IV рконгресси мҩаԥысуеит абҵара 20 - 22 рзы Гәбаадәы.

АҞӘА, абҵара 25– Sputnik, Бадри Есиава. Аԥсныҟа аӡыргара-информацитә тур мҩаԥган VI Жәларбжьаратәи атуристтә форум SIFT-2019-и Атуроператорцәеи атурагентцәеи IV рконгресси рлахәылацәа рзы абҵара 22 рзы ҳәа Sputnik иазеиҭеиҳәеит Аԥсны акурортқәеи атуризми рзы аилак ахантәаҩы ихаҭыԥуаҩ Асҭамыр Барцыц.

"Аԥсныҟа иаҳзааит атурагентцәа, атуроператорцәа Ҟрым, Карелиа, Ростовтәи, Архангельсктәи, Бриансктәи аобластқәа рҟынтәи", - иҳәеит Барцыц.

Урыстәылатәи атуриндустриа ахаҭарнакцәеи аԥсуа гани реилацәажәарала атурқәа азыԥхьагәаҭоуп 2020 шықәса ааԥынра инаркны.

Аԥсны Акурортқәеи атуризми рзы Аԥсны аҳәынҭеилакы ахантәаҩы Авҭандил Гарцкьиа атурфорум SIFT-2019 аартраан данықәгылоз, афорум алахәылацәа Аԥсныҟа ааԥхьара риҭеит.

"Гәахәарыла Аԥсныҟа шәнасыԥхьоит. Зегь иреиӷьу аныҟәарақәа аиҩызаратә ныҟәарақәа роуп. Ҳаҭыр зқәу сасцәаны ҳашәԥылоит. Ҳара досу ҳаиныррала ҳԥышәа еимаадоит. Аҿҵаа бзиоуп. Ҳара ҳганахьала гәахәара дуны иаабоит миллионла урыстәылаа зҭаауа ҳтәыла шәаргьы шәылала ижәбар", - иҳәеит иара иааԥхьараҿы.

Гарцкьиа иара убасгьы иазгәеиҭеит Аԥсны аҭаара зҭаху зегь рзи атуроператорцәеи атурагентцәеи рзи ишазыхиоу аӡыргаратә, ардырратә ныҟәарақәа реиҿкаара.

Жәларбжьаратәи атуристтә форум SIFT аханатә зықьҩыла ауаа реидкылара алнаршо, еиҳа иналукааша ҭыԥны иҟалеит атуризм ахырхарҭаҿы.

Жәларбжьаратәи атуристтә форум SIFT мҩаԥыргоит 2014 шықәса раахыс. Афорум ахь инаԥхьоуп Урыстәылатәи Афедерациа аиҳабыра, Абанк Хада, Афедерациатә хеилак, Аҳәынҭқарратә дума рхаҭарнакцәа.

Иара убас шәаԥхьар ҟалоит:

14
Кабинет министров республики Абхазия

Аминистрцәа Реилазаара ашколқәа акарантин азы иадыркуеит ҳәа ирҳәаз аԥнарҟәҟәааит

13
(ирҿыцуп 22:08 25.09.2020)
Акоронавирус азы атәылаҿы ишьақәгылаз аҭагылазаашьа иахҟьаны Аԥсны ашколқәа зегьы рҟны акарантин алагалоуп ҳәа аинформациа АИХқәа рҿы ирыладырҵәеит ахәаша, цәыббра 25 рзы СЕС аиҳабы Лиудмила Скорик иҟалҵаз аҳәамҭа ҵаҵӷәыс иҟаҵаны.

АҞӘА, цәыббра 25 – Sputnik. Аԥсны Аминистрцәа Реилазаара апресс-маҵзураҿы ииашам ҳәа ахырҳәааит Аԥсны ашколқәа зегьы рҟны цәыббра 25 инаркны жьҭаара 16 рҟынӡа акарантин аларгалоит ҳәа уаанӡа АИХқәа рҟны ицәырҵыз аинформациа.

"Аминистрцәа Реилазаара акәым, Ауааԥсыра акоронавирус рацәыхьчаразы акоординациатә штаб акәым ашколқәа рҟны аҵаратә процесс аанкыларазы азҵаара иалацәажәомызт, аӡбамҭа ҳәагьы акгьы рыдрымкылацт", - ҳәа аанацҳауеит Аминистрцәа Реилазаара асаит.

Акоординациатәи аоперативтәи штабқәа иааиԥмырҟьаӡакәа ичмазаҩхази згәы бзиахази ауаа ирыцклаԥшуеит, иара убасгьы аҵара аусҳәарҭақәа рҟны ачымазара зыхьыз рхыԥхьаӡара гәарҭоит ҳәа аарыцҳаит Аминистрцәа Реилазаара апресс-маҵзураҿы.

"Аиҳабыреи акоординациатә штаби ирыдыркыло аофициалтә ӡбамҭақәа зегьы Аминистрцәа Реилазаара аофициалтә саит аҟны иҟалоит", - ҳәа азгәарҭеит апресс-маҵзураҿы.

Уаанӡа цәыббра 25 ахәылбыҽха Агәабзиарахьчара аминистрра апресс-маҵзура Аԥсны асанитартә ҳақьым хада Лиудмила Скорик адырра ҟалҵеит атәыла ашколқәа зегьы рҟны жьҭаара 16 рҟынӡа акарантин алагалахоит ҳәа.

Скорик ишылҳәаз ала, ари аҩыза аӡбамҭа атәыла аиҳабыра иаднакылеит Агәабзиарахьчара аминистрреи Асанитартә епидемиологиатә маҵзуреи иҟарҵаз абжьгарақәа инрықәыршәаны.

13
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

10
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

10