Аԥсны ахада Аконституциатә ӡбарҭа алахәылацәа дырԥылеит

14
Аконституциа Амш Аԥсны иазгәарҭоит есышықәса абҵара 26 рзы. 2019 шықәса рзы ҳҳәынҭқарра азакәан хада 25 шықәса ахыҵуеит.

АҞӘА, абҵара 25 – Sputnik. Аԥсны ахада Рауль Ҳаџьымба дырԥылеит Аԥсны Аконституциатә ӡбарҭа аӡбаҩцәа. Абри атәы аанацҳауеит атәыла ахада исаит.

Ҳаџьымба еизаз зегьы ирыдиныҳәалеит иааиуа Аконституциа амш, иргәалаиршәеит атәыла азакәан хада аԥҵара аҭоурых.

"1999 шықәса жьҭаара 3 рзы ареферендум аҟны ирыдыркылаз Аконституциа ишьақәнарӷәӷәеит ажәлар зых иақәиҭу, адемократиатә ҳәынҭқарра шалырхуа, жәларбжьаратәи азин иахәҭакны иҟалар шрылшо", - иҳәеит Ҳаџьымба.

Иара иазгәеиҭеит арҭ ашықәсқәа ирылагӡаны Аԥсны Аконституциа ишаанарԥшыз амчлшара.

Аԥсны Аконституциатә ӡбарҭа еиқәыршәоуп
© Sputnik Леон Гәниа Аԥсны Аконституциатә ӡбарҭа еиқәыршәоуп

"Аконституциатә реформақәа мҩаԥысуеит. Иаԥҵоуп иахәҭоу алшарақәа. Аус ауеит Аконституциатә ӡбарҭа", - иҳәоит ахада.

Аконституциатә ӡбарҭа ахантәаҩы Нури Ҭаниа далацәажәеит уи аусура.

"Аконституциатә ӡбарҭаҿ ииасыз ашықәс иалагӡаны 19 ус ирыхәаԥшын. Иазгәаҭатәуп арҭ аусқәа аҽа ҳәынҭқаррак аҿы аналог шрымам. Урҭ рҟынтәи ааба атәылауаа рышшыԥхьыӡқәа роуп, егьырҭ аӡбарақәеи аиҿкаарақәеи рҟынтә иҳауит", - иҳәоит иара.

Аиԥылара иалахәыз Аԥсны Жәлар Реизара – Апарламент аиҳабы Валери Кәарҷиа иазгәеиҭеит Аконституциа аԥсуа жәлар рмилаҭ-хақәиҭратә қәԥареи Аџьынџьтәылатә еибашьреи рылҵшәақәа шышьақәнарӷәӷәаз.

Иара убас шәаԥхьар ҟалоит:

14