АҞӘА, абҵара 26 — Sputnik. Ԥхынҷкәын 1 инаркны актриса Ирина Делԥҳа Фазиль Искандер ихьӡ зху аурыс театр атруппа хадахьы дрыдыркылоит, абри атәы иҳәеит РУСДРАМ адиректор хада Иракли Хынҭәба.
"Ирина- москватәи атеатртә институт аԥсуа студиа доушьҭымҭоуп, лара агәаҳәара аалырԥшит Аԥсны даанханы аус луларц. Иҳаҩсыз ашықәс азы лара лхы ԥылшәон акино аҟны, аҳәаанырцә еиуеиԥшым аспектакльқәа рҟны дықәгылон, уажәы сара избеит Аԥсны аусура шылҭаху. Сгәы иаанагоит Ирина еилылкаауеит ҳәа ари аӡбамҭа аҭакԥхықәра ду шлыднаҵо, избан акәзар ҳтеатр аҟны аусура акыр иуадаҩуп", - иҳәеит Хынҭәба.
Ирина Делԥҳа ахәаԥшцәа деицырдыруеит аспектакль "Кьоџьаа рҭыӡшәа" ала, иара убас Ирина Делԥҳа РУСДРАМ арт-фоие аҟны ԥхынҷкәын фба асааҭ 19:00 рзы апрозаик Викториа Токариова лҩымҭа "Самый счастливый день" ала амоноспектакль ықәлыргылоит.
Иара убас шәаԥхьар ҟалоит:
- РУСДРАМ афестиваль аҿы хьыӡла-ԥшала иқәгылеит
-
Жорданиа РУСДРАМ агастрольқәа рзы: ԥсеивгара ҳамаӡам
