Атурнир

Самбо азы аиндаҭлараҿы аԥснытәи аспортсменцәа аԥхьахәқәа ргеит

13
Абҵара 24 рзы Новочеркасск имҩаԥысит Урыстәылазегьтәи самбо Амш иазку арԥарацәеи аҭыԥҳацәеи рыбжьара самбо азы атурнир.

АҞӘА, абҵара 27 – Sputnik, Сариа Кәарцхьиаԥҳа. Аԥснытәи аспортсменцәа Новочеркасск имҩаԥысыз самбо азы атурнир аҟны "ахьы", "араӡны", "аџьаз" ранашьахеит ҳәа Sputnik иазеиҭеиҳәеит азыҟаҵаҩ Виктор Акуциа.

"Аԥсны ахьӡала быжьҩык аспортсменцәа ықәгылон. Аԥснытәи акоманда актәи аҭыԥқәа хԥеи, аҩбатәи ҭыԥки ахԥатәи ҭыԥки ргеит. Актәи аҭыԥқәа ргеит: Дмитри Мосикиан, Ельбрус Батчаев, Батчаев Ислам, аҩбатәи аҭыԥ – Георги Чижик, ахԥатәи аҭыԥ – Книазь Батчаев", – иҳәеит Акуциа.

Самбо азы атурнир иалахәын Ростовтәи аобласти, Краснодартәи атәылаҿацәи, ЛЖәР-и Аԥсни рыспортсменцәа.

2019 шықәса цәыббрамзазы Аҟәа имҩаԥысит самбо азы атурнир "Аиааира Ахраҿа". Атурнир иалахәын 240 спортсмен – Аԥсны, Ҟарачы-Черкесск, Адыгеиа, Риазань, Ростов-на-Дону, Белоруссиа рҟынтәи.

Иара убас шәаԥхьар ҟалоит:

13