Италиатәи акинорежиссиорцәа Аԥсны иазку адокументалтә фильм ҭырхит
(ирҿыцуп 18:04 28.11.2019)
Адокументалтә фильм "Иӡыз џьанаҭ" ҭырхуан, Аҟәа, Гәылрыԥшь, Очамчыра, Тҟәарчал араионқәа рҿы. АҞӘА, абҵара 28– Sputnik, Асмаҭ Ҵәыџьԥҳа. Италиатәи акинорежиссиор Алессандро Тезеии афотоҭыхыҩ-аоператор Пьерпаоло Миттики адокументалтә фильм, усутә хьыӡны "Иӡыз џьанаҭ" зырҭаз актәи ахәҭа ҭырхит ҳәа Sputnik иазеиҭеиҳәеит Аԥсны адәныҟатәи аусқәа рҟны анапынҵа ҷыдақәа змоу Ацҳаражәҳәаҩ, ВААК аппарат анапхгаҩы Кан Ҭаниа.
Иара иажәақәа рыла акинорежиссиорцәа акыр шықәса ҵуеит адокументалтә фильмқәа ҭырхуеижьҭеи аетникатәи аполитикатә шьаҭа змоу аимакқәа ахьымҩаԥысуаз аҭыԥқәа ирызкны.
Адокументалтә фильм "Иӡыз џьанаҭ" ҭырхуан, Аҟәа, Гәылрыԥшь, Очамчыра, Тҟәарчал араионқәа рҿы.
"Афотосахьақәа рҟны ҳаԥшӡарақәа ихырхит. Аинтерес ркит игәыгәҭажьу архитектуратә хыбрақәа рбаразы атуризм аҿиара. Сгәанала асеиԥштәи ахырхарҭа змоу атуризм Аԥсны аекономикатә ҿиара иацхраауеит, аҳәаанырцә Аԥсны аӡбахә ӡырнагоит ", - иҳәоит Ҭаниа.
Адокументалтә фильм "Иӡыз џьанаҭ" аҭыхра иацҵахоит Гәдоуҭа араион аҿы.
Посмотреть эту публикацию в InstagramАлессандро Тезеи и Пьерпаоло Миттика из Италии сняли фильм про грузино-абхазскую войну 1992-1993 гг.
Иҳаҩсыз уахыки-ҽнаки рыла Аԥсны акоронавирус ҩажәаҩык ирыдырбалеит
(ирҿыцуп 21:06 24.02.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.АҞӘА, жәабран 24 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 260-ҩык атестқәа рзыҟаҵан, урҭ рахьтә 20-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.
©
AP Photo / Vincent Thian
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 43-ҩык акоронавирус адиагноз рзышьақәыргылоуп, рҭагылазаашьа бааԥсуп 16-ҩык, ибжьаратәуп - 14-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 12-ҩык апациентцәа, Очамчыра ирхәышәтәуеит быжьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 14-ҩык апациентцәа.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.
Акоронавирус иазку ажәабжьқәа зегьы шәрыԥхьар ҟалоит абра>>
Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы. Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны
"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.
Иаҳа инеиҵыху аиҿцәажәара шәазыӡырҩыр шәылшоит аудио аҿы.