Абхазская лига КВН

КВН Аԥснытәи алига афинал 1/8 Аҟәа имҩаԥгахоит

14
(ирҿыцуп 11:12 29.11.2019)
КВН Аԥснытәи алига афинал 1/8 иалахәхоит акомандақәа ԥшьба: Аҟәа ақалақь, Аҟәатәи, Пицундатәи, Тҟәарчалтәи араионқәа рхаҭарнакцәа.

АҞӘА, абҵара 29– Sputnik. Изаамҭанытәи КВН Аԥснытәи алига афинал 1/8 мҩаԥгахоит абҵара 29 рзы Аԥснытәи аҳәынҭқарратә филармониаҟны ҳәа арадио Sputnik Аԥсны иазеиҭеиҳәеит аиҿкааҩцәа ируаӡәку Михаил Цкуа.

"Аҟәантәи агәыԥ "Авангард", Пицундатәи "Сейчас все будет", аерманцәа рдиаспора еидызкыло агәыԥ, иара убас Тҟәарчалынтәи "Дождевой удар"- абарҭ акомандакәа ҳрыхәаԥшхьеит. Сынтәа дара рактиортә ҟазара еизҳаит, иҳәатәуп, есышықәса рыҩаӡара иаҳа-иаҳа ишацло. Сынтәатәи апремиер-лигаҿы иқәгылоит уаанӡа иҟаз акомандақәа ҩба: аерманцәа-ачемпионцәа, иара убас тҟәарчалтәи акоманда", - иҳәеит Цкуа.

Иара иҳәеит сынтәатәи ашықәс нҵәаанӡа асезон шызхыркәшамхо, аамҭа маҷны иахьынхаз иахҟьаны. Егьырҭ аетапқәа мҩаԥысраны иҟоуп 2020 шықәса рзы.

Иахьатәи аҿар аҟазара рылоуп, "Нарты из Абхазии" "Маленькая страна" ҿырԥшыгасгьы ирымоу ҳәа азгәеиҭеит иара.

Аиҿкааҩцәа иргәиҭоуп 2021 шықәса рзы Шәача имҩаԥысраны иҟоу аӡынтә фестиваль алахәхаразы Аԥснытәи акоманда аизгара.

14

Аԥсны иҟоу Урыстәыла аруаа аҽазыҟаҵарақәа мҩаԥыргоит

1
Аԥсны иалагеит Аладатәи арратә округ иаҵанакуа Урыстәыла арратә база аррамаҵзурауаа рыплан иалаз аҽазыҟаҵарақәа.

АҞӘА, ԥхынгәы 15 - Sputnik. Аԥсны иҟоу Урыстәыла Аладатәи арратә округ аррамаҵзурауаа иаалырҟьаны иргылан аплантә ҽазыҟаҵарақәа рҳәаақәа ирҭагӡаны. Абри атәы аанацҳауеит Урыстәыла Аладатәи арратә округ апресс-маҵзура.

Аҽазыҟаҵарақәа мҩаԥысуеит арратә округ адҵаҟаҵаҩ, ар реинрал Александр Дворников инапхгарала.

Иазԥхьагәаҭоуп арҟәшақәа Аԥсны, ашьхатә полигон Ҵабали Амшынԥшаҳәатә полигон Нагвалоуи рҟны арратә обиектқәеи асоциалтә инфраструктуреи рыхьчара аусқәа аус рыдырулоит ҳәа.

Зынӡа аҽазыҟаҵарақәа ирылархәразы иргылан 1,5 нызқьҩык аруаа, 300 ак арратә техника.

Иара убас шәаԥхьар ҟалоит:

1

Џьапуа еиҭеиҳәеит археологиахь имоу абзиабара хыҵхырҭас иамоу атәы

4
Аҵарауаҩ, археолог, Аԥснытәи Аҳәынҭқарратә музеи аиҳабы Аркади Џьапуа ԥхынгәы 15 рзы иазгәаиҭоит ииубилеи, иара ихыҵит 65 шықәса. Арадио Sputnik Аԥсны аефир аҿы иара еиҭеиҳәеит археологиа агәыбылра шикыз, насгьы аԥсуаа иреиҳаӡоу шәарҭараны иҳамоу атәы.
Аԥсны еицырдыруа ахьыӡқәа: Џьапуа иԥсҭазааратә мҩа иазкны

"Ҷлоу Аимара аҳаблан сахьиз, сахьааӡаз, ҳаҩны аган аҟынҵәҟьа ииасны ицон Аԥсуа баагәара. Ҳхәыҷқәамзи, убра џьит ҳахәмаруан, ҳаҩуан, ҳаԥон, археологиа аганахьалагьы абзиабара сзыркыз убри ауп. Ҳара ажрақәа мҩаԥаагомызт, аха аԥшаахқәа ҳанрықәшәоз ыҟан, уи аҭоурых ауп бзиа исзырбазгьы. Аҩбатәи – аҭоурых ҳазҭоз арҵаҩы Константин Ԥарулуа уи цәгьа ҳгәы азыҟаҵан Аԥсны аҭоурых ҳзеиҭеиҳәон, иара ибзоуроуп аҭоурых ахь исымоу абзиабара ҳәа исыԥхьаӡоит", - ҳәа еиҭеиҳәеит Џьапуа.

Археолог арадиоефир аҿы иазгәеиҭеит аԥсуаа ҳбызшәа еиуеиԥшым ашықәсқәа рызгьы ауадаҩра ишҭагылаз, аха иахьатәи аамҭа иаҿырԥшны иухәозар, усҟан уи ала ицәажәон ақыҭақәа.

"70-тәи ашықәсқәа рзы ашкол ҳалган аҵара ҳанҭала, Аҟәа ҳанааи, ҳахьнеилакгьы атәым бызшәа ҳаҳауан, сҩызцәеи сареи шәааи-сааи ԥсышәала ада ҳамцәажәап атәымуаа рцас азы ҳәа еибыҳәаны аԥсышәала ҳцәажәауан. Убасҟан саԥхьа иааԥшуа иалагеит абызшәа аҭагылазаашьа, ауадаҩра, аха усҟан ҳқыҭақәа хьчан, иҭәын, уи ҳбызшәа ахьчауан. Иахьа ус еиԥш иҟам. Уахьынтә иалҵны аҿар анаа, ақыҭаҿы иаанхеит абыргцәа. Иахьа абызшәа аҭагылазаашьа аиҳа еиҳау апроблема аибашьра анаҩс иҳамаӡам", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4