Виноградная лоза и вино в бокале на винодельческом предприятии Массандра в Крыму.

Аԥсуа ҩы ахьтәы медал анашьахеит Москва

14
"Аҩқәеи аџьбарра злоу арыжәтәқәеи Жәларбжьаратәи рыпрофессионалтә конкурс" мҩаԥысуан Москва, абҵара 14-23 рзы.

АҞӘА, абҵара 28– Sputnik, Бадри Есиава. Аҩы "Ашҭа Лаша" (аилахәыра "Аԥсны аҩқәеи аӡқәеи") ахьтәы медал анашьахеит "Аҩқәеи аџьбарра злоу арыжәтәқәеи Жәларбжьаратәи рыпрофессионалтә конкурс" аҟны ҳәа Sputnik акорреспондент изеиҭеиҳәеит аилахәыра "Аԥсны аҩқәеи аӡқәеи" рҩыҟаҵаҩ хада Валери Аҩӡба.

"Аконкурс аҿы еиндаҭлоз рацәаҩын. Ҳара инаагеит "иахьҭыжьу аҭыԥ зыхьӡ адҳәало" акатегориа иаҵанакуаз аҩхкқәа ҩба: "Ашҭа Лаша", "Аҭауад". Иалтеиԥш араҟагьы "Ашҭа Лаша" ахьтәы медал анашьахеит", - иҳәоит Аҩӡба.

XXIII "Аҩқәеи аџьбарра злоу арыжәтәәқеи Жәларбжьаратәи рыпрофессионалтә конкурс" мҩаԥысуан Москва, абҵара 14-23 рзы. Иара еиҿнакааит ауарашыршратәи аҩыҟаҵаратәи ааглыхраз Урыстәылазегьтәи аҭҵаарадырратә институт.

Аинститут аофициалтә саит аҿы ишазгәаҭо ала аконкурс ахь инаган 340 ҩы-хкы адунеи атәылақәа 17 рҟынтәи. Ара иҟан Аԥсны, Урыстәыла, Франциа, Австралиа, Аргентина, Испаниа, Италиа рыҩхкқәа.

Иара убас шәаԥхьар ҟалоит:

14

Ажьырныҳәа-лаҵара рзтәи аҳазалхратә шәарақәа 2019 шықәсазтәи арбагақәа иреиҳауп

3
2020 шықәса ажьырныҳәамза инаркны лаҵарамзанӡа еизгоу аҳазатә шәарақәа 2019 шықәсазтәи арбагақәа иреиҳахеит. Азеиԥш шәарақәа 687 миллион мааҭ ҟалеит.

АҞӘА, рашәара 2 – Sputnik. 2020 шықәса ажьырныҳәамза инаркны лаҵарамзанӡа еизгоу аҳазатә шәарақәа 94% инагӡоуп ҳәа азаарыцҳаит Sputnik Аҳәынҭқарратә ҳазалхратә еилакы аҟынтәи.

"Апандемиа инадҳәаланы аԥкырақәа шалагалазгьы 2020 шықәса ажьырныҳәамза инаркны лаҵарамзанӡа еизго аҳазатә шәарақәа 94% инагӡоуп. Азеиԥш шәарақәа 687 миллион мааҭ ҟалеит" ҳәа азгәарҭеит аусбарҭаҿы.

Ажьырныҳәа-лаҵара рзтәи аҳазалхратә шәарақәа 2019 шықәсазтәи арбагақәа иреиҳауп 85 миллион рыла рҳәеит аилак аҿы.

Лаҵара 12 рзы афинансқәа рминистрреи ашәахтәеизгареи аҳазалхратәи усбарҭақәеи русеицурала лаҵара раԥхьатәи жәамш рзы иалыршахеит 80 миллион мааҭ абиуџьет ахь инеиртә аҟаҵара иҳәеит Владимир Делба аԥыза-министр имҩаԥигаз аилацәажәараан.

Делба иажәақәа рыла, арҭ аԥарақәа иалдыршоит аҭыԥантәи абиуџьетқәа цхыраагӡак аҳасабала абиуџьет усхк аусзуҩцәа руалафахәы аларшәарц рыҭара.

Иара убас шәаԥхьар ҟалоит:

3

Уахыки-ҽнаки рыла Аԥсны акоронавирус азы игәаҭан 56-ҩык ауааԥсыра

14
(ирҿыцуп 20:58 01.06.2020)
Аԥсны Аҳәынҭқарра иахьаҵанакуа акоронавирустә инфекциа зыхьыз ҳәа ҿыц аӡәгьы дшьақәыргылам ииасыз уахыки-ҽнаки рыла.

АҞӘА, рашәара 1 - Sputnik. 50-ҩык инареиҳаны ауааԥсыра гәаҭан акоронавирус рымоу ирымаму ҳәа иҳаҩсыз уахыки-ҽнаки рзы, абри атәы аанацҳауеит Ауааԥсыра акоронавирус рацәыхьчаразы аоперативтә штаб.

"Рашәара 1 азтәи аҭагылазаашьа абас иҟоуп: иҳаҩсыз уахыки-ҽнаки рзы игәаҭан 56-ҩык ранализқәа, урҭ зегьы ршьа акоронавирус шаламыз шьақәыргылан",  - ҳәа аанацҳауеит адырраҭара.

Иахьатәи аамҭазы Гәдоуҭатәи ахәышәтәырҭаҟны ишьҭоуп 3-ҩык апациентцәа, урҭ зегьы ирзышьақәыргылаз акоронавирустә инфекциаҟынтәи ирхәышәтәуеит.

Акоронавирус азы апандемиа ааҟалеижьҭеи Аԥсны иахьаҵанакуа 28-ҩык ари аҿкы чымазара рыхьхьеит. Урҭ рахьтә 23-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау

Урыстәыла Аконституциа ариашарақәа рзы абжьыҭара ҟалоит ԥхынгәы 1 азы

4
(ирҿыцуп 10:21 02.06.2020)
Урыстәылатәи Афедерациа Аконституциахь аԥсахрақәа ралагаларазы абжьыҭара ҟалараны иҟан мшаԥы 22 рзы, аха акоронавирус иахырҟьаны иахыган.

АҞӘА, рашәара 2 - Sputnik. Урыстәыла ахада Владимир Путин аусԥҟа инапы аҵаиҩит Урыстәыла Аконституциа ариашарақәа рзы абжьыҭара ҟалоит ԥхынгәы 1 азы ҳәа. Аусԥҟа атекст кьыԥхьуп Кремль асаит аҿы.

"2020 шықәса ԥхынгәы 1 Аконституциа аԥсахрақәа ралагаларазы абжьыҭира иамшны ишьақәгылазааит", - ҳәа аҳәоит адокумент аҿы.

Аусԥҟаҿ иарбоуп абжьыҭараан ишазхьаԥштәу аепидемиологиатә ҭагылазаашьа, ауааԥсыра рсанитар-епидемиологиатә хьчара.

Ԥхынгәы 1 Урыстәыла иԥсшьарамшхоит.

Иара убас шәаԥхьар ҟалоит:

4