"Князь Владимир" Аҟәатәи амшынтә баӷәаза иадгылеит

48
(ирҿыцуп 10:11 02.12.2019)
Аҵыхәтәаны Аҟәатәи амшын баӷәаза акруизтә лаинерқәа адгылон 1993 шықәсазы. Аибашьра ашьҭахьи иахьауажәраанӡеи арахь иааиуаз аидарамҩангагатә ӷбақәа ракәын.

АҞӘА, ԥхынҷкәын 2 - Sputnik, Асмаҭ Ҵәыџьԥҳа. Урыстәылатәи акруизтә лаинер "Князь Владимир" ԥхынҷкәын 2 асааҭ 9:40 ‪рзы Аҟәатәи амшынтә баӷәаза иадгылеит ҳәа аалыцҳауеит Sputnik Аԥсны акорреспондент аҭыԥ аҟынтәи.

Алаинер иаԥылеит аҳазалхратә хылаԥшратә маҵзура, Аԥсны амшынтә ӷбарныҟәара аусбарҭа рхаҭарнакцәагьы. Иазыԥшуп атәыла ахада Рауль Ҳаџьымба иааира.

Аҳәынҭнаплакы "Аԥснытәи амшынӷбарныҟәара" адиректор хада Даур Арӡынба иажәақәа рыла, алаинер Аҟәатәи абаӷәаза ааннажьыр алшоит ашәахьа ахәылбыҽха.

"Аӷба 127-ҩык ауааԥсыра ҭоуп, аекипаж, асасцәа, Урыстәыла амшынтәи аӡиастәи транспорт азы Афедералтә маҵзура ахаҭарнакцәа назлоу. Анаҩс Севастопольҟа ицар ҟалап. Ари раԥхьаӡа акәны ҳбаӷәаза иахьадгылаз злакәу ала, зегь бзианы имҩаԥысит", - иҳәеит Арӡынба.

© Sputnik / Томас Тхайцук
Круизный лайнер "Князь Владимир" в Сухумском порту

Ашьыжь асааҭ фба инаркны иҟаз ахьҭагьы иацәымшәакәа арахь иааит ақалақь ауааԥсыра. Урҭ шәҩык инарзынаԥшуа иҟоуп. Дара напеинҟьарыла аӷба иаԥылеит.

Асеиԥш иҟоу аӷба ду Аҟәаҟа ааира аратәи ауааԥсыра 26 шықәса ҵуеит иазыԥшуижьҭеи.

Аиҩызцәа – Диана, Светлана, Наҭелла ашьыжь асааҭ 6 рзы игылеит абри иҭоурыхтәу ахҭыс рбарц азы. Диана илгәалалыршәеит асовет аамҭақәа раан лҩызцәеи лареи рыгәқәа хыҭхыҭуа аӷбақәа ишырзыԥшыз. Усҟан дара урҭ ирҭаз аҳәаанырцәтәи атуристцәа амаҭәа ԥшӡақәа рымрыхәҳаауаан.

"Аӷбақәа ҳарзыԥшын. Аҳәаанырцәтәи атуристцәа усҟан ара иуԥыхьамшәоз амаҭәа ԥшӡақәа рҭиуан. Аӷба акгьы ҭугар ҟаломызт азы аҟаԥҟаԥқәа ҳашьаҵаны ҳҭалон. Ҳанҭыҵуаз ҳцырцыруа ҳаилаҳәан. Ана-ара аҟаԥҟаԥ ахькажьыз убон", - ҳәа лҳәоит лара, аччаԥшь лҿықәыхх.

Арахь иааит аҿаргьы.

© Sputnik / Томас Тхайцук
Ашьыжь асааҭ фба инаркны иҟаз ахьҭагьы иацәымшәакәа арахь иааит шәҩык инарзынаԥшуа ақалақь ауааԥсыра. Дара напеинҟьарыла аӷба иаԥылеит.

"Сгәы иаанагоит ҳтәылазы ари акрызҵазкуа хҭысуп ҳәа. Атуризм аҿиара аекономикагьы арҿиоит", - ҳәа азылыԥхьаӡоит ақалақьуаҩ Илона.

Еизаз афотои авидеои ҭыхны асоциалтә ҳақәа ирҭарҵоит.

Аԥсни Урыстәылеи ркурортқәа рыбжьара акруизтә еимадара хацыркхараны иҟоуп 2020 шықәса рзы. Абри азы "Аԥсны амшынӷбаныҟәареи" "Амшынеиқәатә круизқәеи" "Урыстәылатәи аинвестициатә форум - 2019" аҿы аиқәшаҳаҭра рнапы аҵарҩит. Афорум мҩаԥысуан Шәача.

2019 шықәса рзы аусура иалагоит раԥхьатәи агәаҭаратә ныҟәарақәа аӷба "Князь Владимир" ала, иара уажәы Шәача-Новороссиск-Иалта-Севастополь-Шәача амаршрут ала иныҟәоит. Уажәшьҭа Аҟәагь абарҭ ақалақьқәа ирыцлоит.

"Князь Владимир" 600-700 пассаџьыр рҟынӡа рымҩангараз алшара амоуп.

Князь Владимир в Сухумском порту
© Sputnik / Томас Тхайцук
"Князь Владимир" Аҟәатәи амшынтә баӷәаза иадгылеит асааҭ 9:40 рзы.

Sputnik аинтервиу азҭаз Урыстәыла амшынтәи аӡиастәи транспорт азы Афедералтә маҵзура аиҳабы ихаҭыԥуаҩ Захари Џьиоев иажәақәа рыла, ауаа еиҳа ирацәаҩхар аӷбақәа рхыԥхьаӡарагьы иацҵахоит.

Аҵыхәтәантәи 26 шықәса Аҟәатәи амшынтә баӷәаза иаҭаауаз аидарамҩангага ӷбақәа ракәын.

48

Аҟәа ахәышәтәырҭаҟынтәи ибналаз ахаҿы иҽриҭеит

2
Гурген Кракосиан уаанӡагьы аусӡбара даҵанакхьан. Уажәы ибналара адагьы абџьари аџьаԥҳани закәаншьаҭада рымазаара ихарарҵоит.

АҞӘА, рашәара 5 - Sputnik. Рашәара 1 азы Ареспубликатә хәышәтәырҭа хадаҟынтәи ибналаз, зус рыӡбараны иҟаз Гурген Киракосиан азинхьчаратә усбарҭақәа иҽриҭеит ҳәа аанацҳауеит Аҩнуҵҟатәи аусқәа рминистрра апресс-маҵзура.

"Киракосиан азинхьчаратә усбарҭақәа рахь дцәырҵны ихы риҭеит рашәара 4 рзы иара иганахьала аоператив-ԥшааратә уснагӡатәқәа рымҩаԥгараан", - ҳәа арбоуп адырраҭараҿы.

Уаанӡатәи адыррақәа рыла, Иашҭхәа ақыҭан инхо Гурген Киракосиан, абџьари аџьаԥҳани закәаншьаҭада рымазаара зхараҵаны зус рыӡбараны иҟаз, Ареспубликатә хәышәтәырҭа ахирургиа аҟәшаҿы дышьҭан.

Рашәара 1 ашьыжь асааҭ фба рзы иара инапқәа злаҿаҳәаз ԥыртны, ашьаршьафқәа еидҿаҳәаланы ахԥатәи аихагыла аԥенџьыр аҟынтәи дылбааны дыбналеит.

Абри ахҭыс ала Киракосиан иганахь ихацыркын "дахьҭакыз аҟынтәи абналара" иаҵанакуа ацәгьоуразы ахәҭаҷ инақәыршәаны.

Уажәы Киракосиан Аԥсны ААР аамҭалатәи аанкыларҭаҿы дҭакуп ҳәа аҳәоит апресс-маҵзура адырраҭараҿы.

Иара убас шәаԥхьар ҟалоит:

2

Барганџьиа аԥхасҭа узҭо амаҵақәа рҿагылара иазкны: ахәшәқәа рзы уадаҩра ҟалом

11
(ирҿыцуп 12:16 05.06.2020)
Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik Аԥсны аефир аҟны еиҭеиҳәеит ахәаҷамаҷқәа рҿагыларазы аԥхьатәи ахәшәтәра зламҩаԥыргаша араионқәа рқыҭанхамҩатә ҟәшақәа ирызшоуп ҳәа.
Барганџьиа ахәаҷамаҷакәа рҿагылара иазкны: ахәшәқәа рзы уадаҩра ҟалом

"Ақыҭанхамҩа аминистрраҟынтәи ахәшәқәа араионқәа зегьы ираҳҭеит. Уажәааны амармалташьтә пты ацәырҵра иалагоит. Иаагозар, араионқәа абас ирзеихаҳшеит: Гагра - 100 литрак, Гәдоуҭа - 700, Аҟәа - 160, Гәылрыԥшь - 1200, Очамчыра - 140, Тҟәарчал - 900, Гал - 1600 литра. Апальмақәа рыхәшәтәразы ақыҭанхамҩатә институт 100 литрак раҳҭеит, аекологиазы аҳәынҭқарратә еилакы - 500 литра уҳәа. Иааизакны иуԥхьаӡозар еихаҳшаз ахәшәқәа 6 нызқьи 400 литра рҟынӡа инаӡоит. Ари уажәы аԥхьатәи аҿагыларазы ирызхоит. Иҵегьы ҳара ҳазыԥшуп Урыстәыла ақыҭанхамҩа аминистрраҟынтәи ацхыраара, иҳауроуп ахәшәқәа. Урҭ ақыҭақәа еихшаны ирырҭароуп араионқәа рыҟны иҟоу ақыҭанхамҩатә ҟәшақәа. Аҭыԥ аҟны иазҿлымҳаны ианаамҭоу анхацәа ирзыршароуп. Аминистрраҟынтәи убӷа икыдуҵо ахәшә ақәҭәагақәа сынтәа араионқәа ираҳҭеит 106 цыра. Ахәшәқәа ршараан иара (аԥхасҭа ҟазҵо амаҵа - аред.) иаҳа иахьҿио ҳәа ҳасаб азун. Ҵыԥх акәзар, араионқәа рҟынтәи иҳадаҳкылаз амармалташьтә пты 5 тоннаки 400 кьыла рҟынӡа ыҟан", - ҳәа азгәеиҭеит Барганџьиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

11

Бырзентәыла Атәылахьчара аминистрра Ҭырқәтәылеи иареи реибашьра ишазыхиоу аҳәеит

1
Мышқәак раԥхьа Ҭырқәтәыла аиҳабыра ргазеҭ аҿы аҳәамҭа ҟаҵан абырзен дгьылбжьахақәа рааигәара арацәаӡри аҟазаара аҭҵаареи аҵхреи рзы азин ҷыда аиуразы азыҳәа ҟаҵоуп ҳәа.

АҞӘА, рашәара 5 - Sputnik. Бырзентәыла Атәылахьчара аминистр Никос Панаиотопулос аҳәамҭа ҟаиҵеит атәыла асуверентә зинқәа рыхьчаразы бџьаршьҭыхла аҿагылара ишазыхиоу.

"Аҵыхәтәантәи аамаҭқәа рзы Ҭырқәтәыла ахымҩаԥгашьа агрессиа аҵоуп. Сара исыԥхьаӡоит Ҭырқәтәыла ахымҩаԥгашьа арҭынчразы ганкахьала иҟоу адипломатиатә лшарақәа зегьы ахархәара рыҭатәуп, даҽа ганкахьала арратә мчра ахы иархәатәуп", - иҳәеит иара, ателеканал Star аинтервиу аҭо. Абри атәы аанацҳауеит РИА Новости.

Ателеканал ажурналист изҵаара "Иазыхиоума Бырзентәыла бџьаршьҭыхла аимак аҭыԥ ақәҵара?" Панаиотопулос аҭак аиҭеит "Иазыхиоуп" ҳәа.

"Ҳара аҭагылазаашьа аиҭакра ҳазыхиоуп. Арбџьармчқәа рхархәарагьы абрахь иналаҵаны. Усеиԥш ҳҭахым, аха ҳзинқәа рыхьчаразы уаҳа аҽак аанымхозар, ҳахиоуп", - иҳәеит аминистр.

Мышқәак раԥхьа Ҭырқәтәыла аиҳабыра ргазеҭ аҿы иҟаҵан аҳәамҭа абырзен дгьылбжьахақәа рааигәара арацәаӡри аҟазаара аҭҵаареи аҵхреи рзы азин ҷыда аиуразы азыҳәа ҟаҵоуп ҳәа.

Бырзентәыла Адәныҟатәи аусқәа рминистр Никос Дендиас ашәахьаҽны аҳәамҭа ҟаиҵеит Ҭырқәтәыла Бырзентәыла асуверентә зинқәа амнахырц агәы иҭоуп ҳәа. Ари провокациоуп ҳәагьы ахиҳәааит.

Аганқәа рыбжьара аибарххара ҟалеит жәабранмза анҵәамҭазы. Усҟан Ҭырқәтәыла аҳәамҭа ҟаанҵеит Идлибтәи амигрантцәа шазаанымкыло азы, Евроеидгылеи иареи рҳәаа аанартит. Зықьҩыла ахҵәацәа Бырзентәылаҟа идәықәлеит.

Афины аҭакс аҳәаақәа анаркит. Ҭырқәтәылеи Бырзентәылеи рҳәаа 190 километра иреиҳауп.

Бырзентәыла Османтәи аимпериаҟынтә ахьыԥшымра аиуит 1821 шықәса рзы. Уи аахыс бџьаршьҭыхлатәи аиҿагыларақәа ԥшьынтә аҭыԥ рыман: 1897 шықәса рзы, Актәи Балкантәи аибашьраан, Актәи адунеизегьтәи еибашьраан, 1919—1922 шықәсазы аҭырқә-абырзен еибашьраан.

1