Аԥсны ААР амашьына

Аҟәа ирӷьычыз ахаҵа ихы дақәиҭтәуп

49
Аԥсны атәылауаҩ Армен Григориан идырым џьоукы дырӷьычит абҵара 24 рзы ахәылбыҽха, асааҭ фба рыбжазы.

АҞӘА, абҵара 2 - Sputnik, Асмаҭ Ҵәыџьԥҳа. Аԥсны Аҩнуҵҟатәи аусқәа рминистрреи Аԥсны Ашәарҭадаратә маҵзуреи уаанӡа идырым шьоукы ирӷьычыз Армен Григориан иоушьҭра алдыршеит ԥхынҷкәын 1 азы. Абри атәы Sputnik иазеиҭарҳәеит Аԥсны ААР апресс-маҵзураҿы.

Аусбарҭа адыррақәа рыла, иара дыԥшаан аоператив-ԥшааратә уснагӡатәқәа рхархәарала Гәдоуҭа араион аҿы. Ацәгьоура иалахәуп ҳәа гәҩарас ирымоу рахьтә иаанкылоу ыҟоуп.

"Аҟәа ақалақь апрокуратура ашьаус хацнаркит Аԥсны Азакәанеидкыла ахәҭаҷ 119 ахәҭа 2 "а" инақәыршәаны", - ҳәа азгәарҭеит аусбарҭаҿы.

Армен Григориан игәабзиара аҭагылазаашьа бзиоуп. Аусҭҵаара-оперативтә уснагӡатәқәа ирыцҵоуп.

Армен Григориан, 1976 шықәса рзы ииз, абҵара 24 асааҭ 17:30 рзы аԥсыжырҭа "Лечкоп" иахьаҵанакуа аҭыԥ аҿы дӷьычын.

49

Даур Ақаҩба Аԥсны Адәныҟатәи аусқәа рминистрс дҟаҵоуп

3
(ирҿыцуп 15:14 15.07.2020)
Даур Ақаҩба Аԥсны Аҳәынҭқарра Адәныҟатәи аусқәа рминистрс дыҟан 2016 шықәса жьҭаарамза аахыс.

АҞӘА, ԥхынгәы 15 - Sputnik. Аԥсны ахада Аслан Бжьаниа аусԥҟа инапы аҵаиҩит Даур Ақаҩба Аԥсны Адәныҟатәи аусқәа рминистрс иҟаҵаразы ҳәа аанацҳауеит ахада исаит.

Даур Вадим-иԥа Ақаҩба диит хәажәкыра 15, 1979 шықәса рзы Аԥснытәи АССР Аҟәа ақалақь аҿы.

2000 шықәса рзы Башкиртәи аҳәынҭқарратә университет, "Азиндырратә" факультет далгеит (азанааҭ – "адәныҟатәи економикатә усура азинтә еиқәыршәара").

1995-2000 шш. – ареферент, Ареспублика Башкортостан аҿы Аԥсны Ахаҭарнакраҿы абжьгаҩ.

2000-2009 шш. – Ареспублика Башкортостан аҿы Аԥсны Аҷыдалкаатә Зинмчы змоу ахаҭарнак.

2005-2006 шш. – Аԥсны Адәныҟатәи аусқәа рминистрраҿы жәларбжьаратәи аҟәша аиҳабы.

2006-2010 шш. – Аԥсны Адәныҟатәи аусқәа рминистр ихаҭыԥуаҩ.

2010-2011 шш. – Аԥсны Аминистрцәа Реилазаара Аппарат аиҳабы.

2012 шықәса лаҵарамза инаркны абҵарамзанӡа – Аԥсны иҷыдоу аҭагылазаашьақәа рзы Аусбарҭа азинтә ҟәша аиҳабы.

2012-2014 шш. – Урыстәылатәи Икоммерциатәым Афонд "Институт Евразийских исследований" анапхгаҩы ихаҭыԥуаҩ.

2014 шықәса – Аԥсны Ахада ипротокол Аусбарҭа аиҳабы.

2016 шықәса жьҭаарамза инаркны – Аԥсны Адәныҟатәи аусқәа рминистр.

3

Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа

33
(ирҿыцуп 13:32 15.07.2020)
Аԥсны Ахада аҳәааҿы аԥкрақәа рыҿҳәара анахаразы аусԥҟа инапы аҵаиҩит Ауааԥсыра акоронавирус рацәыхьчаразы акоординациатә штаб иаднакылаз аӡбамҭа инақәыршәаны.

АҞӘА, ԥхынгәы 15 - Sputnik. Аԥсны ахада Аслан Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа, абри атәы аанацҳауеит атәыла ахада ипресс-маҵзура.

Адырраҭараҿы иазгәаҭоуп аԥсуа ган аурыс-аԥсуа ҳәаа ахысразы иҟоу аԥкрақәа раԥыхра алзыршо ажәалагалақәа шышьақәнаргылаз.

Урыстәыла аиҳабыра рхада Михаил Мишустин ихьӡала ашәҟәы нашьҭуп Аԥсны аҳәааҟны аԥкрақәа рахыхра шрылшо, иахәҭоу асанитар-епидемиологиатә усмҩаԥгатәқәа ирықәныҟәозар.

Уажәазы аҩганк реиҳабырақәа рхаҭарнакцәа злахәу аилацәажәарақәа мҩаԥысуеит аҳәааҟны аԥкрақәа раԥыхра алзыршо еицырзеиԥшу аӡбамҭа рыдыркыларц азы.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьатәи аамҭазы Аԥсны Аҳәынҭқарраҟны акоронавирустә инфекциа зыхьуа ҳәа аӡәгьы дыҟаӡам.

Иара убас шәаԥхьар ҟалоит:

33