Казбек Кишмахов

Аԥсны ААР актәи ихаҭыԥуаҩ Казбек Кишмахов имаҵура дамхуп

31
(ирҿыцуп 18:41 02.12.2019)
Ашәахьа, ԥхынҷкәын 2 рзы Рауль Ҳаџьымба Гарри Аршба Аҩнуҵҟатәи аусқәа рминистр имаҵураҟынтәи дамихит, инапы аҵаиҩит Аԥсны Аҩнуҵҟатәи аусқәа рминистр аамҭала инапынҵақәа назыгӡо изы Аусԥҟа.

АҞӘА, ԥхынҷкәын 2 - Sputnik. Аԥсны Аҳәынҭқарра Аҩнуҵҟатәи аусқәа рминистр актәи ихаҭыԥуаҩ Казбек Кишмахов имаҵура дамхуп Аԥсны Аминистрцәа Реилазаара адҵала ашәахьа, ԥхынҷкәын 2 рзы. Абри атәы аанацҳауеит атәыла Аминистрцәа Реилазаара апресс-маҵзура.

"Кишмахова Казбек Мухадин-иԥа ԥхынҷкәын 2, 2019 шықәс рзы Аԥсны Аҳәынҭқарра Аҩнуҵҟатәи аусқәа рминистр актәи ихаҭыԥуаҩ имаҵураҟынтәи ихы дақәиҭтәызааит", - аҳәоит адҵаҿы.

Аԥсны Аҳәынҭқарра Аконституциатә закәан "Аԥсны Аҳәынҭқарра Аминситрцәа Реилазааразы" ахәҭаҷ 12 инақәыршәаны, аиҳабыра аԥыза-министр иадгаларала амаҵура ианаҭоит иагьамнахуеит аминистрцәеи аҳәынҭеилакқәа рхантәаҩцәеи рхаҭыԥуаа, егьырҭ аиҳабыра иаду аусбарҭақәа рнапхгаҩцәа рхаҭыԥуаа, Атәылахьчара аминистр ихаҭыԥуаа рыда.

Аҩнуҵҟатәи аусқәа рминистр инапынҵақәа шьҭаҵаны Аԥсны дықәҵроуп рҳәеит иахьа, ԥхынҷкәын 2 рзы Ахақәиҭра ашҭаҿы 200-ҩык инареиҳаны еизаз, абҵара 22 рзы Аҟәа аиҿахысраан иҭахаз Алхас Аҩӡбеи Асҭамыр Шамбеи рыуацәеи рҭынхацәеи. Анаҩс Аԥсны Апарламент ахыбрахь инеит.

Убри аан Аԥсны Аҳәынҭқарра ахада Рауль Ҳаџьымба аусԥҟа инапы аҵаиҩит Аԥсны Аҩнуҵҟатәи аусқәа рминистр Гарри Аршба имаҵураҟынтә ихы дшақәиҭитәуазы. Иара убасгьы ахада амчратә структурақәа алархәны аилацәажәара мҩаԥигеит.

Анаҩсан Апарламент аҟны маӡалатәи абжьыҭара алҵшәақәа рыла, адепутатцәа ирыӡбеит апрокурор хада Зураб Ачбеи уи ихаҭыԥуаҩ Ешсоу Какалиеи рмаҵурақәа рҟынтәи рамхра.

Иара убас шәаԥхьар ҟалоит:

31