Аӡы

Зегь зхароу атрубоуп: Аҟәа аӡы аҟамзаара зыхҟьо

33
Иахьатәи Аҟәатәи аӡымҩангагақәа аусура иаларган ХХ ашәышықәса 70-тәи ашықәсқәа раан. Уи аахыс аӡымҩангагақәа рымԥсахыцт.

Аҳҭнықалақь аӡымҩангагатә ҳа аҭагылазаашьа зеиԥшроуи, уи еиҭакшьаз иамоуи ртәы арадио Sputnik иазеиҭеиҳәеит АУН "Аӡыканал" адиректор Александр Ҳаразиа. 

Sputnik

Аӡымҩангагақәа рҭагылазаашьа акыр иуашәшәыроуп. Иахьатәи Аҟәатәи аӡымҩангагақәа аусура иаларган ХХ ашәышықәса 70-тәи ашықәсқәа раан.

АУН "Аӡыканал" адиректор Александр Ҳаразиа иажәақәа рыла, атрубақәа рхархәара аамҭа цахьеит. Ус шакәугьы атрубақәа ҳамԥсахыцт.

Аӡы ааныркылоит анаплакы аплантә усурақәа анымҩаԥнаго. Аиҳарак аӡы аанкылара авариақәа рыҟалара иахҟьоит.

"Аремонт аҟаҵараан аӡы анашьҭра аанумкылар ҟалом. Асистемаҿы аӡы ыҟанаҵ аусура ҳзалагом.  Ҩба-хԥа сааҭ аусура ҳагозаргьы, иаашаанӡа асистемақәа аӡы рыҭрыцқьаатәуп. 12-13 сааҭ ҳаныԥшуа ыҟоуп атрубақәа барц азы. Ҭыԥк аҿы аремонт аҟаҵаразы араион зегьы аӡы рымаҳхыр акәхоит", - ҳәа еиҭеиҳәоит Александр Ҳаразиа. 

Аҟәа ақалақь агәаҿы есыуаха аӡы ааныркылоит. Асеиԥш зыҟало арезервтә ӡыҭгагақәа ахьыҟам ауп. "Апроблема зыӡбар ауа аӡыҭгага ҿыц аахәароуп", - иҳәоит Ҳаразиа.

Уи адагьы комплексла аӡымҩангагақәа ԥсахтәуп. Ари иаанаго аӡымҩангага цәаҳәақәа рыԥсахра адагьы, аӡыҭгагақәа, аӡыҭгагатә станциақәа, аӡеизгарҭақәа шьаҭанкыла рыԥсахроуп. Абри азы аԥара заҟа аҭаххо атәы "Аӡыканал" адиректор изҳәом. Бжьаратәла ҩба-хԥа миллиард артәар ҟалоит. Ареспублика асеиԥш алшара амам.

Аҵыхәтәантәи ахәышықәса рыҩнуҵҟа аӡымҩангага трубақәа ԥсахуп Арӡынбеи Имам Шамили рыхьӡ зху амҩақәа рҿы.

Аинвестициатә программа инақәыршәаны Алада Ешыра аӡыҭгагатә станциа ҿыц ргылоуп.

"Аргыларақәа хышықәса имҩаԥысуан. Астанциа ахархәарахь лассы ирыҭахоит. Иара ӡыла еиқәнаршәоит Алашарбага араион, Ешыра ақыҭа, ақалақь агәы", - иҳәоит Александр Ҳаразиа. 

2020-2022 шықәсазтәи Аинвестпрограммаҿ иарбоуп АУН "Аӡыканал" иатәу, аремонт ззутәу аобиектқәа реиқәыԥхьаӡа.

Макьаназы аӡынкылара аԥыххап ҳәа ҳәашьа амам. Аӡынкылара алшоит аӡымҩангагатә цәаҳәақәа зегьы шьаҭанкыла ианыԥсаххалак ашьҭахь.

Иара убас шәаԥхьар ҟалоит:

33

Даур Ақаҩба Аԥсны Адәныҟатәи аусқәа рминистрс дҟаҵоуп

3
(ирҿыцуп 15:14 15.07.2020)
Даур Ақаҩба Аԥсны Аҳәынҭқарра Адәныҟатәи аусқәа рминистрс дыҟан 2016 шықәса жьҭаарамза аахыс.

АҞӘА, ԥхынгәы 15 - Sputnik. Аԥсны ахада Аслан Бжьаниа аусԥҟа инапы аҵаиҩит Даур Ақаҩба Аԥсны Адәныҟатәи аусқәа рминистрс иҟаҵаразы ҳәа аанацҳауеит ахада исаит.

Даур Вадим-иԥа Ақаҩба диит хәажәкыра 15, 1979 шықәса рзы Аԥснытәи АССР Аҟәа ақалақь аҿы.

2000 шықәса рзы Башкиртәи аҳәынҭқарратә университет, "Азиндырратә" факультет далгеит (азанааҭ – "адәныҟатәи економикатә усура азинтә еиқәыршәара").

1995-2000 шш. – ареферент, Ареспублика Башкортостан аҿы Аԥсны Ахаҭарнакраҿы абжьгаҩ.

2000-2009 шш. – Ареспублика Башкортостан аҿы Аԥсны Аҷыдалкаатә Зинмчы змоу ахаҭарнак.

2005-2006 шш. – Аԥсны Адәныҟатәи аусқәа рминистрраҿы жәларбжьаратәи аҟәша аиҳабы.

2006-2010 шш. – Аԥсны Адәныҟатәи аусқәа рминистр ихаҭыԥуаҩ.

2010-2011 шш. – Аԥсны Аминистрцәа Реилазаара Аппарат аиҳабы.

2012 шықәса лаҵарамза инаркны абҵарамзанӡа – Аԥсны иҷыдоу аҭагылазаашьақәа рзы Аусбарҭа азинтә ҟәша аиҳабы.

2012-2014 шш. – Урыстәылатәи Икоммерциатәым Афонд "Институт Евразийских исследований" анапхгаҩы ихаҭыԥуаҩ.

2014 шықәса – Аԥсны Ахада ипротокол Аусбарҭа аиҳабы.

2016 шықәса жьҭаарамза инаркны – Аԥсны Адәныҟатәи аусқәа рминистр.

3

Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа

33
(ирҿыцуп 13:32 15.07.2020)
Аԥсны Ахада аҳәааҿы аԥкрақәа рыҿҳәара анахаразы аусԥҟа инапы аҵаиҩит Ауааԥсыра акоронавирус рацәыхьчаразы акоординациатә штаб иаднакылаз аӡбамҭа инақәыршәаны.

АҞӘА, ԥхынгәы 15 - Sputnik. Аԥсны ахада Аслан Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа, абри атәы аанацҳауеит атәыла ахада ипресс-маҵзура.

Адырраҭараҿы иазгәаҭоуп аԥсуа ган аурыс-аԥсуа ҳәаа ахысразы иҟоу аԥкрақәа раԥыхра алзыршо ажәалагалақәа шышьақәнаргылаз.

Урыстәыла аиҳабыра рхада Михаил Мишустин ихьӡала ашәҟәы нашьҭуп Аԥсны аҳәааҟны аԥкрақәа рахыхра шрылшо, иахәҭоу асанитар-епидемиологиатә усмҩаԥгатәқәа ирықәныҟәозар.

Уажәазы аҩганк реиҳабырақәа рхаҭарнакцәа злахәу аилацәажәарақәа мҩаԥысуеит аҳәааҟны аԥкрақәа раԥыхра алзыршо еицырзеиԥшу аӡбамҭа рыдыркыларц азы.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьатәи аамҭазы Аԥсны Аҳәынҭқарраҟны акоронавирустә инфекциа зыхьуа ҳәа аӡәгьы дыҟаӡам.

Иара убас шәаԥхьар ҟалоит:

33