Аспектакль Кьоџьаа рҭыӡшәа

РУСДРАМ атруппа артистцәа ҿыцқәа рыла ихаҭәааит

18
Борис Шьчукин ихьӡ зху Атеатртә институт аушьҭымҭацәа Ирина Делԥҳаи Руслан Жьибеи РУСДРАМ атруппахь ирыдыркылеит ԥхынҷкәын 1 2019 шықәса рзы.

АҞӘА, ԥхынҷкәын 4 – Sputnik. Фазиль Искандер ихьӡ зху Аурыс драматә театр атруппа хаҭәаахеит Борис Шьчукин ихьӡ зху Атеатртә институт аушьҭымҭацәа Ирина Делԥҳаи Руслан Жьибеи рыла ҳәа арадио Sputnik иазеиҭеиҳәеит РУСДРАМ адиректор хада Иракли Хынҭәба.

"Абарҭ амшқәа рзы иҳадаҳкылеит актиорцәа Ирина Делԥҳаи Руслан Жьибеи. Дара Борис Шьчукин ихьӡ зху Атеатртә институт иаушьҭымҭацәоуп, аԥсуа курс аҿы аҵара рҵон. Уи аушьҭымҭацәа реиҳараҩык ҳтеатри Аԥсуа драматә театри рҿы аус руеит", - иҳәеит Хынҭәба.

Иара иажәақәа рыла, Ирина Делԥҳа Аԥсны аусурҭа лымамызт, акино аҿы лыҽҭылхуан, Аԥсны анҭыҵ аусура лҽазылшәон.

"Сара сгәанала, Ирина леиԥш аԥеиԥш змоу актриса лыԥсадгьыл аҿы аус луазароуп. Лара Аԥсны дшаангылоз анеилыскаа, илыдызгалеит ҳтеатр аҿы аусура далагарц. Уаанӡагьы "Кьоџьаа рҭыӡшәаҿы" дҳацықәгылахьан", - иҳәоит атеатр анапхгаҩы.

Руслан Жьиба иакәзар, РУСДРАМ аспектакльқәа хԥа дрылахәуп.

"Борис Шьчукин ихьӡ зху Атеатртә институт Аԥсны иҟоу аушьҭымҭацәа зегьы усурҭа ҭыԥла еиқәыршәоуп", - иҳәеит иара.

Уажәы РУСДРАМ аҿы аус руеит Борис Шьчукин ихьӡ зху Атеатртә институт аушьҭымҭацәа фҩык.

"Асезон ҿыц аҿы аԥхьарбарақәа фба мҩаԥаагараны ҳаҟоуп. Ашықәс ҿыц аламҭалаз идырбахоит ахәыҷтәы спектакль, нас – Клод Манье ипиеса иалху аспектакль "Оскар", - иҳәоит адиректор.

"Кьоџьаа рҭыӡшәа" РУСДРАМ асценаҟны>>

Ирина Делԥҳа РУСДРАМ алалара лыԥсҭазаараҿы ишьаҿа ҿыцны илшьоит.

"Ари сара сыԥсҭазаараҿы иҿыцӡоу даҟьоуп. Раԥхьа иргыланы иҭакԥхықәроуп. Даара сеигәырӷьоит сыԥсадгьыл аҿы ақәгылара ахьсылшо. Сыззыԥшу? Ароль хадақәа роуп", - лҳәоит лара.

Лара лҵара хлыркәшеит 2018 шықәса рзы, асериалқәа ҩба "Живая мина", "Вспышка" рҟны лыҽҭылхит.

Ԥхынҷкәын 6 рзы РУСДРАМ арт-фоие аҿы Ирина Делԥҳа алитературатә хәылԥазы мҩаԥылгоит, Викториа Токарева лырҿиамҭақәа дрыԥхьоит.

Иара убас шәаԥхьар ҟалоит:

18
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

4
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

4

Аԥсны АКХ: алхратә ҭыԥ хадақәа хԥа рҟны алхрақәа шьақәгылеит

10
(ирҿыцуп 17:34 12.07.2020)
Аԥсны Апарламент ахь алхрақәа рзы абжьыҭара алхратә ҭыԥ хадақәа ԥшьба рҟны ихыркәшахоит ԥхынгәы 12, асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа АКХ ахь аԥкаанҵақәа аннаргалак ашьҭахь.

АҞӘА, ԥхынгәы 12 - Sputnik, Сариа Кәарцхьиаԥҳа. Асааҭ 14:30 рызтәи адыррақәа рыла, Апарламент ахь алхрақәа ахьымҩаԥысуаз алхратә ҭыԥ хадақәа хԥа рҟны ауаа рааишьа иаҿырԥшны ишьақәгылеит ҳәа иԥхьаӡатәуп, абри атәы Sputnik акорреспондент илзеиҭеиҳәеит Алхратә комиссиа хада ахантәаҩы Ҭамаз Гогьиа.

"Абри аамҭазы алхратә ҭыԥ хадақәа хԥа рҟны абжьыҭара шьақәгылеит ҳәа уҳәар ҟалоит ауаа рааишьа инақәыршәаны", - ҳәа азгәеиҭеит Гогьиа.

  • Бзыԥтәи алхратә ҭыԥ хадаҟны ауаа рааишьа иартәоит 26,39%;
  • Оҭҳаратәи алхратә ҭыԥ хадаҟны - 21,28%;
  • Гәдоуҭатәи алхратә ҭыԥ хадаҟны - 27,98 %;
  • Кындыӷтәи алхратә ҭыԥ хадаҟны - 33,51% %.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа АКХ ахь аԥкаанҵақәа аннаргалак ашьҭахь. Гогьиа иҳәеит заанаҵтәи алҵшәақәа иахьагьы рыӡбахә рҳәар шалшо.

"Асааҭ 20:00 рышьҭахь абжьыҭара аанаҳкылоит. Алхратә ҭыԥ хадақәа адыркуеит. Алхратә ҭыԥқәа ркомиссиақәа алҵшәақәа еихыршьалалоит. Убри ашьҭахь алхратә ҭыԥқәа ркомиссиақәа аиааира згаз данеилыркаалак ашьҭахь ҳаргьы заанаҵтәи алҵшәақәа рылаҳҳәоит. Урҭ анрылаҳҳәо анакәхаҵәҟьо сызшәаҳәом, ҵхыбжьон асааҭ аказы акәхаргьы ҟалоит", - иҳәеит Гогьиа.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

"Аӡәгьы дмашшыр, аҵыхәтәантәи алҵшәақәа рылаҳәара аамҭа ҳцәагаӡом", - ҳәа иажәа иациҵеит АКХ ахантәаҩы.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

Иара убас шәаԥхьар ҟалоит:

10