Аԥсны Асахьаҭыхыҩцәа реидгыла 80 шықәса ахыҵра азгәарҭоит

27
(ирҿыцуп 15:17 04.12.2019)
Аԥсны Асахьаҭыхыҩцәа реидгыла аԥҵан Аҟәатәи асахьаҭыхратә ҵараиурҭа арҵаҩцәа раԥшьгарала 1939 шықәса рзы.

АҞӘА, ԥхынҷкәын 4 – Sputnik. Аԥсны Асахьаҭыхыҩцәа реидгыла 80 шықәса ахыҵра иазку ацәыргақәҵа аатуеит ԥхынҷкәын 10 асааҭ 12:00 рзы ацәыргақәҵатә зал хадаҿы. Абри атәы Sputnik иазааицҳаит Аԥсны Асахьаҭыхыҩцәа реидгыла ахантәаҩы Витали Џьениа.

"Ацәыргақәҵатә зал хадаҿы иқәыргылахоит еиуеиԥшым аамҭақәа иртәу аԥсуа сахьаҭыхыҩцәа рырҿиамҭақәа. Аҭааҩцәа ирыдгалахоит хынҩажәаҩык асахьаҭыхыҩцәа рырҿиамҭақәа", - ҳәа иҳәеит иара.

Иахьатәи аамҭазы Аԥсны Асахьаҭыхыҩцәа реидгыла иалахәуп 70-ҩык асахьаҭыхыҩцәа иҳәеит Витали Џьениа.

"Аԥсны асахьаҭыхратә ҟазара аҿиара ахәшьара ауҭозар, ибзиоуп ҳәа ахуҳәаар ауеит. Иахьа аԥсҭазаара акыр иуадаҩуп, бзиа иубо аус ада даҽакы унапы аламкра акыр ицәгьоуп. Убри аан ҳсахьаҭыхыҩцәа аҟыбаҩ бзиа рылоуп. Узеигәырӷьаша акәны иҟоуп аҿар ахьеиҵагыло", - иҳәеит иара.

Аԥсны Асахьаҭыхыҩцәа реидгыла 80 шықәса ахыҵра иазку ацәыргақәҵа аатуеит ԥхынҷкәын 10 асааҭ 12:00 рзы Ацәыргақәҵатә зал хадаҿы, аусгьы ауеит ԥхынҷкәын 19 рҟынӡа. Ацәыргақәҵа еиҿнакааит Аԥсны Акультура аминистрра.

Раԥхьаӡа акәны аԥсуа сахьаҭыхыҩцәа рцәыргақәҵа еиҿкаан 1940 шықәса рзы.

1992-1993 шықәсқәа рызтәи Аԥсны жәлар Рџьынџьтәылатә еибашьра ашьҭахьтәи аамҭа уадаҩқәа раангьы аԥсуа сахьаҭыхыҩцәа рус иаҿын, Шәача, Краснодар, Ростов-на-Дону, Саратов, Санкт-Петербург, Москва, Нхыҵ Кавказ ареспубликақәа рҿы ацәыргақәҵақәа ирылахәын.

Иара убас шәаԥхьар ҟалоит:

27

Аамҭалатәи аремонт: аҟәатәи амҩақәа фба рҿы ажрақәа акаҭран рҭадырҭәоит

1
(ирҿыцуп 11:03 05.06.2020)
Аԥсны аҳҭнықалақь амҩақәак рҟны акаҭран ахәҭак рыԥсахуеит. Иара убасгьы ақалақьтә коммуникациақәа рремонт ҟаҵатәуп, џьара-џьара иԥсахтәуп.

АҞӘА, рашәара 5– Sputnik. Амуниципалтә унитартә наплакы "Амҩаремонтргыларатә наплакы" ақалақь амҩақәа рҟны ажратә усурақәа мҩаԥнагоит ҳәа аанацҳауеит аҳҭнықалақь ахадара асаит.

© Sputnik / Томас Тхайцук
ақалақь ахадара амҩақәа рҟны ажратә усурақәа мҩаԥнагоит

Ахадара аусбарҭа анапхгаҩы Зураб Аҳәба иажәақәа рыла, аусурақәа мышқәак имҩаԥыслоит.

"Ақалақь амҩадуқәа рацәаны аремонт рҭахуп. Акаҭран Гәдоуҭантәи иааҳгоит. Иаци иахьеи машьынала иааҳгеит", - иҳәоит иара.

© Sputnik / Томас Тхайцук
ақалақь ахадара амҩақәа рҟны ажратә усурақәа мҩаԥнагоит

Планла ажратә ремонтқәа ҟаҵахоит Аиааира, Сахаров, Иналиԥа амҩақәа рҿы. Аҭыԥантәи амҩақәа ақалақь ахадара аԥаразоужьра рзыҟанаҵоит. Амҩатә фонд аԥаразоужьрала аремонтқәа ҟаҵахоит ареспубликатә ҵакы змоу Лакобеи Дбари рымҩақәа рҿы.

Зураб Аҳәба иазгәеиҭеит ари зегьы аамҭалатәуп, ахы инаркны аҵыхәанӡа амҩа акаҭран рықәҵаразы еиҭа аусурақәа аҭахуп ҳәа.

© Sputnik / Томас Тхайцук
ақалақь ахадара амҩақәа рҟны ажратә усурақәа мҩаԥнагоит

"Уи азы акоммуникациақәа, аӡымҩангагақәа, аӡышьҭрақәа, аканализациақәа ԥсахтәуп. Уи аамҭеи аԥареи аҭахуп. Уажәы ҳазҿу шықәсқәак ҳабоит. Нас ари азҵаара рыӡбозар акәхап", - иҳәеит иара.

Аҳәба иажәақәа рыла, акапиталтә ремонт ҟаҵахоит урҭ зегь аныԥсаххалак ашьҭахь. 2022 шықәса рзы иазԥхьагәаҭоуп Џьонуа, Абазақәа, Гәлиа амҩақәа рҿы.

Иара убас шәаԥхьар ҟалоит:

1

Анқәаб ареспублика ауааԥсыра хәшәыла реиқәыршәара азҵаара далацәажәеит

4
(ирҿыцуп 10:03 05.06.2020)
Александр Анқәаб иазгәеиҭеит льготала ахәшәқәа ззеихыршо ауаа иаку аҳәынҭқарратә база рҭагалара хымԥада ишаҭаху.

АҞӘА, лаҵара 5 - Sputnik. Аԥыза-министр Александр Анқәаб аилацәажәара мҩаԥигеит Агәабзиарахьчара аминистр Ҭамаз Ҵахнакьиеи "Аԥсныфармациа" адиректор Рустам Адлеибеи алархәны. Аилацәажәараан изҵаара хаданы иқәгылан ареспублика ауааԥсыра хәшәыла реиқәыршәара. Абри атәы аанацҳауеит Аминистрцәа реилазаара асаит.

Аилацәажәараан Агәабзиарахьчара аминистр Ҭамаз Ҵахнакьиа иҳәеит аусбарҭа курсла аҽыхәышәтәра ада ԥсыхәа змам атәылауаа хәшәыла реиқәыршәаразы хықәкылатәи апрограммақәа жәпакы шынанагӡо, аха иахьатәи аамҭазы урҭ рынагӡара 30% еиҳам ҳәа.

Арахь иаҵанакуеит абарҭ рҩызцәа апрограммақәа: "Агәыҵәкра иаҿагыланы ауааԥсыра рыцхраара", "Ахәышәтәырҭатә усҳәарҭақәа рзы џьарак ахәшәқәа раахәара", "Атерминалтә ҷаҷа зымхара змоу ачымазаҩцәа рзы аԥсахратә терапиа аҿиареи аиӷьтәреи реиқәыршәара " уҳәа егьырҭгьы.

Ҵахнакьиа иазгәеиҭеит апрограмма "Аԥсны Аҳәынҭқарра атәылауаа льгота ҳасабла хәшәыла реиқәыршәара" ес-ԥшьбарак 12 миллиони 500 нызқь мааҭ аҭахуп, иааидкыланы есышықәса – 50 миллион мааҭ. Апрограмма иалахәуп 8 500-ҩык Аԥсны атәылауаа. Иахьазы ари апрограмма аус ауам.

"Иарбоу апрограммақәа аԥара рзоужьразы Афинансқәа рминистррахь ахәаԥшразы ашәҟәы нашьҭуп", - ҳәа аҳәоит Аԥсны Аминистрцәа реилазаара асаит.

"Аԥсныфармациа" анапхгаҩы Рустам Адлеиба еиҭеиҳәеит анаплакы зымаҵ ауа Агәабзиарахьчара аминистрра, Аԥсны Аџьынџьтәылатә еибашьра аинвалидцәа рфонд, Хымԥадатәи амедицинатә ԥгаԥса афонд дара рҿаԥхьа 30 миллион мааҭ ауал шрықәу.

Агәабзиарахьчара аминистрра ауал – 18 миллион мааҭ; Хымԥадатәи амедицинатә ԥгаԥса афонд ауал –7 миллион мааҭ; Аԥсны Аџьынџьтәылатә еибашьра аинвалидцәа рфонд ауал – 9 миллион мааҭ.

Анқәаб Агәабзиарахьчара аминистрреи Афинансқәа рминистрреи ирыдиҵеит ауалшәара аграфик шьақәдыргыларц.

Аиԥылараҿы иара убасгьы иалацәажәан анырра ӷәӷәаны иҟазҵо ахәшәқәеи ахәшәлыхқәеи рыла ауаа реиқәыршәара апроцесс еиҳа еиӷьны ишеиҿкаатәу. Александр Анқәаб иазгәеиҭеит льготала ахәшәқәа ззеихыршо ауаа иаку аҳәынҭқарратә база рҭагалара хымԥада ишаҭаху.

Иара убас шәаԥхьар ҟалоит:

4