Приднестровие ахьчаҩцәа Аԥсны ареабилитациатә курсқәа ирхысраны иҟоуп

14
(ирҿыцуп 14:42 05.12.2019)
Приднестровие иҟоу Аԥсны Азинмчы змоу ахаҭарнак Приднестровие-Молдавиатәи Ареспубликаҿы аиԥыларақәа раан дрылацәажәеит аҩганктәи аусеицуреи 2020 шықәсазы апротезҟаҵаразы аиқәшаҳаҭра аиқәыршәареи ирыдҳәалоу азҵаарақәа.

АҞӘА, ԥхынҷкәын 5 – Sputnik. Ԥхынҷкәын 4 рзы Приднестровие-Молдавиатәи Ареспублика асоциалтә еиқәыршәареи аџьеи рминистрраҿ имҩаԥысит Приднестровиатәи Молдавиатәи Ареспубликаҿы Аԥсны Аҳәынҭқарра Азинмчы змоу ахаҭарнак Александр Ватамани Приднестровие-Молдавиатәи Ареспублика Асоциалтә еиқәыршәареи аџьеи рминистр ихаҭыԥуаҩ Олег Федотови реиԥылара. Абри атәы аанацҳауеит Приднестровие-Молдавиатәи Ареспубликаҿы Аԥсны Ахаҭарнакра асаит.

Аиԥылара иатема хаданы иҟалеит Аԥснытәи ареспубликатә реабилитациатә центр аҿы приднестровиатәи аинвалидцәа апротез рзыҟаҵара азҵаара.

Приднестровиатәи аинвалидцәа Аԥсны рыҟазаареи апротезқәа рзыҟаҵареи мҩаԥгахоит Приднестровие-Молдавиатәи Ареспублика асоциалтә еиқәыршәареи аџьеи рминистрреи (АУ "Апротезҟаҵарази аортопедиеи рзы ареспубликатә центр, Тирасполь) Аԥсны Агәабзиарахьчареи асоциалтә еиқәыршәареи рминистрреи (Аԥсны ареспубликатә реабилитациатә центр, ақ. Гагра) рнапы зҵарҩыз аиқәшаҳаҭра инақәыршәаны.

Уажәтәи аамҭазы Аԥсны ишьапқәа рыҩбагь апротез азыҟарҵоит азеиԥшреспубликатә еиҿкаара "Инвалиды войны – защитники Приднестровья" ахантәаҩы Николаи Кушнир.

2018 шықәса рзы приднестровиатәи аинвалидцәа апротез рзыҟаҵара апрограмма иалнаршеит Аԥсны ареспубликатә реабилитациатә центр аҿы жьҭаарамзази ажьырныҳәамзази ҩ-гәыԥк аинвалидцәа рыдкылара.

Иахьатәи аиԥылараҿы аганқәа алацәажәеит 2020 шықәсазтәи аусурақәа реиҿкааратә план.

Иара убас шәаԥхьар ҟалоит:

14
Кран

Нанҳәа 12 аҽны Аҟәа ахәҭак ӡыда иаанхоит

6
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

6

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

20
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

20