Ԥсоу иааныркылеит Урыстәылаҟа ииаргоз аҭаҭын аконтрабанда

39
(ирҿыцуп 12:30 05.12.2019)
Иаанкылоу амашьына аҵаҿы ҷыдала аметалл иалхны аҭыԥ ҭацә ҟаҵан изакәанымкәа аалыҵ аҳәаа ахыгара алыршаразы.

АҞӘА, ԥхынҷкәын 5 – Sputnik. Ԥхынҷкәын 3 ауха, аидарамҩангага машьына "Mercedes-Benz" ала Аԥсны аҵакыраҟынтә Урыстәыла аҵакырахь аиагара рҽазыршәеит аҭаҭын аалыҵ партиа рацәала. Абри атәы аанацҳауеит Шәачатәи аҳазалхратә усбарҭа апресс-маҵзура.

Аҳазалхыҩцәа ргәы рҽаннаҵеит амашьына аԥсҟы зкыз иццакра. Амашьына агәаҭага ҷыдала иҭаԥшыхәын. Аҵәахырҭа маӡаҿы иԥшаан акцизтә маркақәа зқәымыз 1000 пачка асигарет. Иааидкыланы: 1191 ҭоԥ (11910 пачка, 238200 цыра).

Атауари автомашьынеи аанкылоуп. Аҭаҭын аалыҵ аекспертизахь инашьҭуп. Административтә зинеилагара ҳәа аусҭҵаарақәа ҩба хацыркуп.

© Foto / Пресс-служба Сочинской таможни
Иаанкылоу амашьына аҵаҿы ҷыдала аметалл иалхны аҭыԥ ҭацә ҟаҵан изакәанымкәа аалыҵ аҳәаа ахыгара алыршаразы.

Аҳазалхырҭа-аушьҭырҭатә ҭыԥ "Адлер" аиҳабы Алексеи Быков иажәақәа рыла Евразиатәи аекономикатә еидгыла аҳазалхратә ҵакырахь 200 сигарет иреиҳамкәа аҭагалара ҟалоит.

Иара убас шәаԥхьар ҟалоит:

39
Кран

Нанҳәа 12 аҽны Аҟәа ахәҭак ӡыда иаанхоит

6
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

6

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

18
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

18