Рауль Ҳаџьымба Аԥсны ААР реилазаара аминистр ҿыц дыдирдырит

41
Ԥхынҷкәын 4 рзы Аԥсны ахада аусԥҟа инапы аҵаиҩит Раули Смыр Аԥсны Аҩнуҵҟатәи аусқәа рминистрс иҟаҵаразы. Абри аҭыԥ аҿы иара диԥсахит Гарри Аршба.

АҞӘА, ԥхынҷкәын 5 – Sputnik, Асмаҭ Ҵәыџьԥҳа. Аԥсны Ахада Рауль Ҳаџьымба Аԥсны Аҩнуҵҟатәи аусқәа рминистрра аилазаара дыдирдырит Аԥсны Аҩнуҵҟатәи аусқәа рминистр ҿыц Раули Смыр.

Ахада инаҵшьны иазгәеиҭеит уаанӡатәи аминистр Гарри Аршба иамхра зыхҟьаз абҵара 22 рзы иҟалаз ацәгьоура ианаамҭаз аарԥшра аҿҳәара ахьахигаз шакәу.

"Хымш заҵәык ракәын ҿҳәарас иҭаз ҳәа ацәажәарақәа рылоуп. Сара схаҭа азинхьчаратә усбарҭақәа рҿы аус зуан. Ибзианы издыруеит хымш иаанаго ацәгьоура аарԥшраан. Уаанӡатәи аминистр аӡәы диеицәан ҳәа сҳәом, аха инапы ианырҵаз аус шшыз ҩ-напыкла иктәын. Ус ҟаҵамызт. Ауаажәларра алҵшәақәа ирзыԥшын. Абарҭ амзызқәа рылоуп иҟаҵоу алкаагьы зыҟаҵаз. Аӡәгьы имҳәааит ауаажәларра рнырроуп уи дзамхыз ҳәа", - иҳәеит Ҳаџьымба.

Иара иазгәеиҭеит аминистр ҿыц раԥхьа иргыланы иҿаԥхьа иқәыргылахо аус Асҭамыр Шамбеи, Алхас Аҩӡбеи, Доминика Ақырҭааԥҳаи рышьра ҟазҵаз рыԥшаара шакәу. Атәыла ахада азхьаԥшра аиҭеит ареспублика азинхьчаратә структурақәа рыбжьара аинырра шыҟам.

Раули Смыр диит Гәдоуҭа араион Ҟәланырхәа ақыҭан 1953 шықәса рзы. 20 шықәса инарзынаԥшуа Аԥсны азинхьчаратә усбарҭақәа рҿы аус иухьеит.

© Sputnik / Томас Тхайцук
Рауль Ҳаџьымба Аԥсны ААР реилазаара аминистр ҿыц дыдирдырит

2018 шықәса хәажәкырамзазы амилициа аполковник Раули Смыр "Аԥсны Аҳәынҭқарра аҩнуҵҟатәи аусқәа русбарҭаҿы акыршықәсатәи иусурази ипрофессионализм ҳаракази" ианашьан аорден "Ахьӡ-Аԥша" III аҩаӡара. Аԥсны Афырхаҵа ҳәа ахьӡ ҳаракы даԥсоуп.

Иара убас шәаԥхьар ҟалоит:

41

Ҩышәҩык апассаџьырцәа: Ҭҟәаԥсынтә Гагра иааит атуристтә ретро-дәыӷба

1
Ҭҟәаԥси Гагреи ирыбжьалаз аретро-дәыӷбала Аԥсныҟа иалааит ҩышәҩык инареиҳаны аҭыԥ ԥшӡарақәа збарц зҭахыз асасцәа.

Аҟәа, нанҳәа 15- Sputnik. Cаида Жьиԥҳа. Гагратәи авокзал аԥхьа иаанҿасит ҩышәҩык инареиҳаны Ҭҟәаԥсынтәи асасцәа аазгаз аретро-дәыӷба, нанҳәа 15 аҽны, ашьыжь.

Апассаџьырцәа ирԥылеит жәлар рыкәашарақәа рыла. Адәыӷба аусзуҩцәа иранашьан ашәҭқәа. Авокзал аҿы ныҳәан. Аретро-дәыӷба иалааз асасцәа бзиала шәаабеит ҳәа рарҳәеит Аԥсны атуризм аминистр Ҭеимураз Хышба, Гагра араион анапхгара, акультура аҟәша аусзуҩцәа, ақалақьуаа гәыԥҩыуаак.

Гагра араион Ахадара аиҳабы ихаҭыԥуаҩ Алхас Барцыц асасцәа ирзеиӷьеишьеит изҭааз атәылаҿы ргәы иҭымҵо, ацәанырра шьахәқәа рызҭо аԥсшьараамҭа рхыргарц.

Атуризм аминистр Ҭеимураз Хышба иазгәеиҭеит, хтәылаҿы атуризм аҿиараҿы ари ахҭыс аҵак ду шамоу.

"Ари аретро-дәыӷба ҳтуризм арҿиараҿы асимволтә ҵакы амоуп. Агәра згоит ҳаԥхьаҟа аретро-дәыӷба Аԥсны егьырҭ акурорттә ҭыԥқәа рҿынӡагьы ицартә иҟалап ҳәа", - иҳәеит Хышба.

70-80-тәи ашықәсқәа рыстиль зныԥшуа, 11 вагон иҟоу, ҩ-ресторанк змоу амшын аԥшаҳәеи, ашьха ссирқәеи ирыбжьысуа адәыӷбала аныҟәара агәахәара унамҭар залшом, ҳәа азгәарҭон асасцәа.

"Адәыӷба аанҿасаанӡагьы иаҳбеит милаҭ маҭәала еилаҳәаз аҿар. Адәыӷба ҳанылбаа аԥсуа музыка абжьы ссири, ҳазхәаԥшуаз ашьха ҳаракқәеи исырҭаз ацәаныррақәа реиҭаҳәара сцәыуадаҩуп. Иахьа исымоу аамҭа схы иархәаны, Гагра ақалақь аҭыԥ ԥшӡарақәа сырҭаарц сгәы иҭоуп", - лҳәеит асас Елена Новикова.

© Foto / Александра Данелиа/ Саида Жьиԥҳа
Ҭҟәаԥси Гагреи ирыбжьалаз аретро-дәыӷба

Апассаџьырцәа изларҳәаз ала, адәыӷбала аҳәаа ахысра даара иманшәалан, аамҭа рацәагьы аҭахымхаӡеит. Хықәкыла акурорт иаднаԥхьалаз атуристцәа рахьтә иҟан Лӡаатәи амшын аԥшаҳәа аӡбахә заҳаны уахь ицаз, убас Шлыпра, аӡиа Риҵа, иҟан Гагра ақалақь аҩнуҵҟа анаиааира згәы иҭазкызгьы.

Аретро-дәыӷба бжьазаауеит есыҽны. Ҭҟәаԥсынтәи амҩа иқәлоит ашьыжь 5.20 рзы, Гагратәи авокзал ахь ааира аамҭа арбоуп 10:10 рзы. Шьҭахьҟа идәықәлоит 19:55 рзы.

 

1

Бзыԥ аӡы иагаз Питертәи атуристка лыԥсыбаҩ ԥшаауп

4
(ирҿыцуп 13:31 15.08.2020)
Аԥсны Аҭагылазаашьа ҷыдақәа рминистрра аҟазауаа, Бзыԥ аӡы дагеит ҳәа иршьоз атуристка ԥшьымш лыԥшаара иаҿын.

АҞӘА, нанҳәа 15 – Sputnik. Бзыԥ аӡы дагеит ҳәа иршьоз Питертәи атуристка лыԥсыбаҩ ԥшаауп, абри атәы аанацҳауеит Аԥсны Аҭагылазаашьа ҷыдақәа рминистрра апресс-маҵзура.

Аԥшаарақәа ирылахәын Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи, аволонтиорцәеи.

Аӡӷаб лыԥсыбаҩ ԥшаан амашәыр ахьыҟалаз аҭыԥ аҟынтәи шә-метрак инахыганы, ацаҟьа азааигәара, ԥшьметрак аҵаулараҟны.

Ҩыџьа атуристцәа зықәтәаз аквадроцикл Риҵаҟа узгоз амҩа иаҿҟьеит нанҳәа 12 рзы.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Иара убас шәаԥхьар ҟалоит:

  • Атуристцәа зықәтәаз аквадроцикл Бзыԥ аӡиас иалаҳаит

 

 

4