Аҟәа ақалақь ахадара аныҳәатә программа аиҿкаашьа иалацәажәеит

23
(ирҿыцуп 16:25 10.12.2019)
Сынтәатәи аныҳәа азгәарҭоит аҳҭнықалақь уаанӡатәи ахадара иазыԥхьагәарҭахьаз аплан ала, еиҭакра маҷқәак алагаланы.

АҞӘА, ԥхынҷкәын 10 - Sputnik. Аҟәа ақалақь ахадара аныҳәатә программа аиҿкаашьа атәы рҳәеит.

"Акультура аусбарҭа имҩаԥнагараны иҟоуп аконцертқәа ҩба. Аҵара аусбарҭа ахатә программа азнархиахьеит. Ирацәахоит ахәыҷқәеи аҿари рзы аинтерактивтә хәмаррақәа", - ҳәа еиҭалҳәоит Аҟәа ақалақь ахада ихаҭыԥуаҩ инапынҵақәа назыгӡо Ирина Зарқәуаԥҳа.

Лара иазгәалҭеит аҳҭнықалақь ахадара аҽеиҭакра мҩаԥысижьҭеи рацәак ахьымҵуа иахҟьаны, иазыԥхьагәаҭаз апрограмма еиҭакра дук аиуам, избанзар уаанӡа иарбаз ахарџьқәа ирықәныҟәатәуп ҳәа.

Ԥхынҷкәын 20 рзы Ахақәиҭра ашҭаҿы идыргылоит аԥсаӡ хада, асцена. Ахәыҷқәа рзы ауснагӡатәқәа рымҩаԥгарҭа ахәҭа алкаахоит.

"Ақалақь ахадара аҿари аспорти рзы аилак еиҿнакаараны иҟоуп ақалақьтә квест", - лҳәоит лара.

Акультура аусбарҭа имҩаԥнагараны иҟоуп аконцертқәа ҩба. Аҵара аусбарҭа ахатә программа азнархиахьеит. Ирацәахоит ахәыҷқәеи аҿари рзы аинтерактивтә хәмаррақәа.

Ашҭаҿы иргылахоит аекран ду. Асааҭ 17:00 инаркны ахәыҷқәа рзы амультфильмқәа цалоит. Асааҭ 20:00 инаркны изҭаху ахәаԥшырц рылшоит Ашықәс ҿыц иазку акиносахьақәа.

"Ахақәиҭра ашҭаҿы раԥхьаӡа акәны еиҿкаахоит аҵаақәшьқьырырҭа. Ари аиҳарак изыбзоурахо ахада ҿыц иоуп. Иара убасгьы иаартхоит апавильонқәа, зыҟны акаҳуа, ачаи, ахаа-мыхаақәа раахәара алшо", - лҳәоит Зарқәуаԥҳа.

Аныҳәамшқәа раан "иаразнактәи алотереиа" аахәара ҟалоит. Аҭыԥ аҿы иаразнакы ухәыҷы изы аҳамҭа алухуа алшара уоуеит.

Иара убри аан азин ҟаҵахом апетардақәа, арԥжәагақәа рыҭира ҳәа азгәалҭоит Ирина Зарқәуаԥҳа.

Иара убас шәаԥхьар ҟалоит:

23