Мутко ААУ аспорттә зал аиҭашьақәыргыларазы ацхыраара шыҟаиҵо иҳәеит

22
Аԥснытәи аҳәынҭқарратә университет аремонт аҟаҵара хацыркын 2010 шықәса рзы Аинвестициатә программа аҳәаақәа ирҭагӡаны. Ихыркәшан 2017 шықәса рзы.

АҞӘА, ԥхынҷкәын 19 – Sputnik, Бадри Есиава. Урыстәылатәи Афедерациа аԥыза-министр ихаҭыԥуаҩ Витали Мутко ԥхынҷкәын 18 рзы Аԥснытәи аҳәынҭқарратә университет даҭан. Аиԥылараан астудентцәа Витали Мутко иҳәеит аспорттә зал аиҭашьақәыргылараҟны ацхыраара рзыҟаиҵарц. Абри атәы аҭыԥ аҟынтәи иааицҳаит Sputnik акорреспондент.

Витали Мутко Валери Бганба ажәадгала ииҭеит Аинвестициатә программа аҳәаақәа ирҭагӡаны ирылшаз аекономиа абри аус иазырхазарц. Аидеиа иадгылеит Валери Бганбеи Сергеи Чеботариови.

Аԥснытәи аҳәынҭқарратә университет аремонт аҟаҵара хацыркын 2010 шықәса рзы Аинвестициатә программа аҳәаақәа ирҭагӡаны. Ихыркәшан 2017 шықәса рзы. Иара иазоужьын 706,8 миллион мааҭ.

Урыстәылатәи Афедерациа аԥыза-министр ихаҭыԥуаҩ Витали Мутко зхадараҿы дыҟоу Аԥсни Урыстәылеи рыбжьара асоциал-економикатә усеицуразы Аиҳабырабжьаратә комиссиа алахәылацәа Аԥсны иааны иҟоуп. Ахашаҽны, ԥхынҷкәын 18 рзы имҩаԥысит жәаатәи апленартә еилатәара.

Аиҳабырабжьаратә комиссиа аилатәарақәа мҩаԥысуеит инеиҭак-ааиҭакны: зны - Аԥсны, зны - Урыстәыла. Аԥхьатәи аилатәара мҩаԥган 2010 шықәса рзы, Москва.

Иара убас шәаԥхьар ҟалоит:

22