Иара ма лара: иарбан ҳамҭоу Ашықәс ҿыц азы ирхиатәу

14
Ашықәс ҿыц ашәхымс ихгылоуп. Иазхәыцтәуп иузааигәоу ауаҩы дызлаургәырӷьаша. Иахьа иааухәаша шырацәоугьы, аҳамҭа бзиа алԥшаара зынӡа имариоу усӡам. Sputnik акорреспондент иазлырхиеит аныҳәаз Иара ма Лара еиҳа изеигәырӷьаша аҳамҭақәа реиқәыԥхьаӡа.

Асмаҭ Ҵәыџьԥҳа, Sputnik

Иара изы аҳамҭа

Аҳамҭа аҭара имариоу акакәым. Ауаҩы игәы иахәо ҟауҵарц азы игәы иахәогьы удыруазароуп.

Ахаҵа иԥсҭазаара иабжаны ишьозар имашьына, уи иатәу аҳамҭа изыҟауҵар, дургәырӷьеит ауп иаанаго. Арахь иаҵанакыр ҟалоит амашьынақәа рзы ҷыдала иҭрыжьуа агәамеизгага, авидеоҭаҩырҭа, ма даҽакы иаламҩашьо еишьҭагыло аномер ҿыцқәа.

Анардқәа, ашахматқәа, ма аколлекциатә мацақәа бзиа избо рацәаҩуп. Урҭ реиԥш аҩны аҟазаара аҵкыс аԥсабараҿ аԥсшьара бзиа избо рзы аԥсыӡкра, ашәарыцара еиҳа изырмарио аҳамҭақәа ааухәар, рыгәгьы еиҳа иахәоит.

Аԥснытәи ахацәа рыбжьара имаҷҩым аекстрим бзиа избо. Ус анакәха урҭ рзы џьиппинг азы асертификат, ма авертолиот ала аԥырра, апарашиут ала аԥара уҳәа рсертификат ҳамҭа духоит. Ашьапылампыл бзиа избо рзеиԥш, аконцертқәа рҭааҩцәа рызгьы иҳамҭа шьахәуп абилеҭ.

Пату ззақәу изы иҳамҭа бзиоуп ажәлантә дамыӷ зну амаҭәар. Уи еиуеиԥшым аҟазшьақәа амазар ҟалоит.

Лара лзы аҳамҭа

Аҭыԥҳа аҳамҭа лзыԥшаара еиҳа имарианы иԥхьаӡоуп. Ашәҭ шьыҵәра, ма ахәыдхаҵа ԥшӡа ихнамхуа дмаҷуп. Ус шакәугьы, лгәы иҭаӡамкәа акы ҳамҭас ианлуҭо, игәазырҳагахоит.

Уажә имоданы иҟоуп апарфиумериатә сертификатқәа. Лара лхала иалылхыр ҟалоит еиҳа лыгә иақәшәо аҳамҭа.

Бзиа еицырбоит hand-made аалыҵ – аҽаӡә иикым асумка, аԥараҭра, анапхаҵа, ахәыдхаҵа.

Дарбан ҭыԥҳау зегь деицгәарҭар зҭахым? Афотоҭыхра бзиа избо рзы иҳамҭа дууп афотосессиазы асертификат аҭара. Урҭ афотоқәа акраамҭа асоциалтә ҳақәа рҟны ауаа инеимда-ааимдо иахәаԥшлоит.

Аԥсҭазааратә мҩа акраамҭа шәеицанызар, ҳамҭа хкыс иҟоу зегь еимыжәдахьазар, шәазыхынҳә аклассика – аресторан аҟны ахәылԥаз аицымҩаԥгара аӡәгьы мап изахҳәаауам. Иара убасгьы мап узҳәом аԥсшьарамшқәа аҳәаанырцәтәи ақалақь ԥшӡаҿы аицхгарагьы.

Иара убас шәаԥхьар ҟалоит:

14
Кран

Нанҳәа 12 аҽны Аҟәа ахәҭак ӡыда иаанхоит

3
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

3

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

12
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

12