Аԥсныи Ҟрыми реиҭанеиааира паранла еидҳәалахар ҟалоит

15
(ирҿыцуп 10:07 09.01.2020)
Урыстәыла ахада иҿы иҟоу Ареспублика Ҟрым ахаҭарнак Георги Мурадов иазгәеиҭеит Аԥсныи Ҟрыми рыбжьара мшынла аиҭанеиааира амҩа аҵак ду аманы ишыҟоу.

АҞӘА, ажьырныҳәа 9 – Sputnik. Ҟрым аԥыза-министр ихаҭыԥуаҩ, Урыстәыла ахада иҿы иҟоу Ареспублика Ҟрым ахаҭарнак Георги Мурадов иазгәеиҭеит Аԥсныи Ҟрыми рыбжьара мшынла аиҭанеиааира амҩа аҵак ду аманы ишыҟоу. Абри атәы аанацҳауеит РИА Новости.

"Апаран абжьалара хра шамоу аиҳаракгьы аинтерес рыманы иаадырԥшуеит амшынԥшаҳәатә тәылақәа: Ҭырқәтәыла, Аԥсны, Болгариа", - иҳәоит иара.

Иара убри аан иазгәеиҭеит "Аԥсны ари апроект анагӡараз ԥынгылак шамбо, убри аан Ҭырқәтәылеи Болгариеи рнапхгара макьаназы рҭахрақәа рыда аус ахь анеира иазыхиам" ҳәа.

Мурадов иара убасгьы иҳәеит Ҭырқәтәыла Ҟрымҟа аидара шынанашьҭуа, аха абаӷәазақәа Кавкази Новороссиски рыла.

2019 шықәса ԥхынҷкәын 3 рзы Аԥсныи Ҟрыми реиҳабырабжьаратә комиссиа аилацәажәара мҩаԥыргеит.

Аиҳабырабжьаратә комиссиа аԥсуа хәҭа алацәажәеит ахәаахәҭра-економикатәи, аҭҵаарадырра-техникатәи, агуманитартәи усеицуразы аиқәшаҳаҭра ахықәкқәа рынагӡаразы сынтәа, ԥхынҷкәын 12-15 рзы Симферополь имҩаԥысраны иҟоу аҩбатәи аилатәара амшхәаԥштә азҵаара.

Аиԥылара алахәылацәа ражәақәа рыла, акомисссиа аҳәаақәа ирҭагӡаны ԥхьаҟатәи аизыҟазаашьақәа ашьаҭа бзиа рзырхиахароуп, аицпроектқәа русура ырҭбаахароуп.

Аԥсныи Ҟрыми ахәаахәҭра-економикатә, аҭҵаарадырратә-техникатә, агуманитартә усхк аҟны русеицуразы аиҳабырабжьаратә комиссиа 2019-2021 шықәсазтәи аусура аплани аԥкаанҵеи рнапы рыҵарҩит 2018 шықәса абҵарамзазы.иара убасҟан иазырхиан иагьышьақәырӷәӷәан акомиссиа арегламент.

Ирыдыркылаз адокумент аҿы иарбан 40 рҟынӡа уснагӡатә ахырхарҭақәа жәаба рҟны: ахәаахәҭра-економикатә, ақыҭанхамҩатә, ааглыхратә, атуризм, атранспорттә еиқәыршәара, аргылареи архитектуреи, аҵарадырреи аҭҵаарадырреи, абаҩырҵәыреи аспорти, акультуреи, аҿартә политикеи русхк аҟны.

Иара убас шәаԥхьар ҟалоит:

15