Аҿар рреволиуциа, мамзаргьы зегьы ирҭахуп агәҭаны аиара

247
(ирҿыцуп 16:34 10.01.2020)
Аҟәа ҩымш имҩаԥысуа амчреи аоппозициеи рхаҭарнакцәа реиҿагылара зыхҟьази аҭагылазаашьа уадаҩ алҵразы мҩақәас иҟоуи рзы лгәаанагара хацеиҩылшоит Sputnik аколумнист Елеонора Коӷониаԥҳа.

Абар ҳаалагылеит даҽа политикатә хынҭаҩынҭарак. Сынтәа имҩаԥысуа хыԥхьаӡарала ахԥатәи ареволиуциа ҳәа азуҳәар ауеит аибашьра ашьҭахьтәи ҳаԥсҭазаараҿы.

Абхазский государственный драматический театр им. Самсона Чанба
© Sputnik / Эттингер

Иахьа Аԥсны иҟоу Еидгылоу аоппозициатә еиҿкаарақәа "2014 шықәса иҟаз ҳақәыӡбоит, ҳара азакәантә принципқәа рыла ҳақәԥара мҩаԥаҳгоит" рҳәон, аха ргәы иамузт, ажьырныҳәа 9 рзы изыцҵаз, Иреиҳау аӡбарҭаҿы аоппозициаа рхаҭаранак Алхас Кәыҵниа ишшыԥхьыӡ ахәаԥшра нагӡахаанӡа, амшын ахықәан игылоу, акырынтә изықәлахьоу аиҳабыра аус ахьыруа ахыбра ԥшӡа иажәлеит. Уи аҽны Кәыҵниа идукат "аӡбаҩ Роман Кәарҷиа аус аӡбара даԥырхзааит" ҳәа иҟалаҵаз ажәалагала аӡбаҩцәа мап шацәырымкызгьы,

2014 шықәсазы усҟан аоппозициа иҟаз, иахьа ипрезиденту Рауль Ҳаџьымба идгылаҩцәа ишыҟарҵаз иааицәоума уҳәо, жәларык аҿар, аиҳабацәагьы нарыдгыланы Ахада Иусбарҭа ахыбра иҿаз ашәқәа ҟәыбаса иганы, актәи аихагыла хыла-гәыла иааилаҟәыбаны рпозициақәа ааныркылеит. Хәҭакахьала, алабаҟәа (бумеранг - аред.) гьежьит, илоуҵаз ауп иааурыхуа рымҳәои, даҽа ганкахьала, аоппозициаа роппонент иаҵкыс изеиӷьымхеит амчра агара аҽазышәараҿы.

Ареволиуциақәа аҵаҵӷәы ахьыҟам иузыҟаҵаӡом, арҭ зегь мзызс ирымоуп акриминал иадҳәалоу ауаа атәыла ахада ихьчаҩцәа ргәыԥ иахьалоу ахьеилкаахаз.

Ишәгәаласыршәоит, абҵарамза 22, 2019 шықәсазы ақьафурҭа Сан-Ремо аҿаԥхьа иҟалаз ауаҩшьра далахәуп ҳәа гәҩарас дҟаҵаны ҳазҭалаз ашықәс ажьырныҳәа 2 рзы дшааныркылаз Рауль Ҳаџьымба дзыхьчоз Даҭо Ахалаиа. Абри ҟалазар, Facebook сдаҟьаҿы аҩра саҿын, ари акыр игәаӷьыуацәоу аус атәыла ахада дахаҵгыларц шихәҭоу атәы, аха апрезидент ари аҵыхәала ажәакгьы имҳәеит, уимоу, дзыхьчо аструктура ахада лахьыкгьы иимҭеит. Уаанӡа, апрезидент ихьчаҩцәа ируаӡәкыз Асҭамыр Џьапуа зықәра наӡам лцәа ахьԥиҽыз азы, мшаԥымза 13, 2018 шықәсазы 20 шықәса иџьбароу арежим изалнахт Аҟәатәи аӡбарҭа. Ари аҩыза ахҭыс аҳәынҭқарра ҵызшәаауа акакәны иҟоуп, аха, ишысҳәаз еиԥш, ажәлар иныҵыҩ-ааҵыҩны ираҳауаз ахьчацәа рыҭра иҭҟьаны ишыҟоу атәы ахада хырҩа азиуан.

Хәҭакахьала, аоппозициатә мчқәа "аҿар рреволиуциа" зыхьӡырҵаз инарыгӡаз аус ашьоуроуп изеиԥшу, ҳтәыла анаҩстәи аҿиаразы абзиа аганахь иалшо аҳәара уадаҩуп. Сгәанала, иҟалаз ахҭыс аоппозициатә мчқәа ирҳәози иҟарҵои шеишьашәалам аанарԥшуеит, иара убас, амчраҿы иҟоу раҳаҭыр каҳаны ишыҟоу ҳнарбоит.

Аԥсны аибашьра ашьҭахь имҩаԥысхьоу ахҭысқәа зегь бзианы изгәалашәо лаҳасабала, исҳәарц сылшоит ареволиуциақәа рышьҭахь, амитингқәа рҿы "ажәлар рыцҳахеит, анхаҩы идгылатәуп" ҳәа ирҳәо ариторика лыԥшаах, амчраҿ инеиуа аполитикцәа иаархашҭуеит, иҟалап убри азакәзаргьы иҳаҩысыз апрезиденттә алхарақәа рҿы 40 нызқьҩык ауааԥсыра уи рхы заладмырхәыз, насгьы аҩбатәи атур аҿы инеиз аполитикцәа ажәлар рӷьырак адгылара зрырымҭаз.

Иҟалаз ахҭысқәа уаанӡатәиқәа реиԥш, ҳтәыла ахаҿра дыреицакуеит, ҳаӷацәа гәахәала иалацәажәоит ахада иусурҭа ахыбра ҟәыбаса иахьышьҭарҵаз узырбо авидео материалқәа.

Сгәанала, ахада ԥхьатәара дцар иашахоит, уи иресурс уажәшьҭа арҿиара амҩахь ҳкылнагом, аха иара убас иҟоуп ашәарҭара, анаҩс ари аҭагылазаашьа зхы иархәаны амчрахь иааиуагьы ажәлар рсоциалтә ԥсҭазаара акәымкәа, ахатә интересқәа рырбеиара амҩахь еиҭананагар шалшо. Иахьа аиҳабыра рхыбра аԥхьа игылоу ҵәатәы шьаҟас ирымоу рӷьырак амчраҿ инеихьеит, шамаха иӷарны иҟоу ҳәа уаҩ дыҟам. Хшыҩла ихәыцуа ажәлар рхаҭарнакцәа уи рымбо иҟаларым, убри аҟынтә, дгылара дук аӡәгьы имоургьы алшоит алхра ҿыцқәа ҟаларгьы, ахԥатәи аган иатәу, акоррупциа ацәа зыҟәным политик ҿыцк дцәырымҵуазар. Асоциалтә ҳақәа ҳрыхәаԥшуазар, уаанӡа 2014 шықәсазы иҟалаз ҿаасҭароуп ҳәа ахҳәаа азҭоз, иацы иҟалаз "аҿар рреволиуица" абзиара иазҳәошәа иахцәажәоит. Ҳара аԥсуаа иаҳԥырхагоугьы абри аҩыза ахәыцра ауп.

Иацы ибзиамыз иахьа бзиашьас иамоузеи?! Абарҭ ахҭысқәа рзы алкаа ҟауҵозар, апоет Кьыршьал Чачхалиа "зегьы ирҭахуп агәҭаны аиара" ҳәа иажәамаанаҿы дызлацәажәо иашьашәаланы ауп ишубо.

Ишыдыдуеиԥш ақәа леиуам, хымԥада, аполитикцәа аицәажәарақәа мҩаԥыргашт, аҭынчра ҟаларгьы алшоит, аха ҳаԥсадгьыл ахьыԥшымразы иҭахаз рҿаԥхьа игәнаҳауп 27 шықәса ҳазҿу аибарххарақәа.

Иацы, иҟалашаз аныҟала, атәыла ахада еизигеит Ашәарҭадаратә хеилак. Ианыҟаҵатәыз изыҟамҵеит, убри аҟынтә, уи иаӡбаз рацәам. Аԥсуа политика ахахәаратә философиа аманаҵы, ҳара иаҳԥеиԥшхоит аамҭа-аамҭала ареволиуциа маҷқәа, уи аҩыза амҩа ианысыз атәылақәа маҷӡам. Зегьы агәҭа аиара анырҭаху, аҵыхәтәа абас иҟалоит…

Автори аредакциеи ргәаанагарақәа еиқәымшәозар ҟалоит.

247

COVID-19 рзықәыргылоуп даҽа жәҩык Аԥсны ауааԥсыра

14
(ирҿыцуп 20:02 10.08.2020)
Апандемиа ҟалеижьҭеи Аԥсны ачымазара здырбалахьоу рхыԥхьаӡара 143-ҩык ыҟоуп. Урҭ рахьтә 45-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 10 - Sputnik. Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 55-ҩык ауааԥсыра, адиагноз COVID - 19 рзықәыргылоуп жәҩык ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 36-ҩык апациентцәа. Згәабзиара ҭышәынтәалаз апациентцәа быжьҩык ахәышәтәырҭа илыҩҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц: асоциалтә дистанциа укызароуп, унапқәа сапынла лассы-лассы иӡәӡәалатәуп, еиҳаракгьы адәахьынтә аҩны уанааилак ашьҭахь.

Аԥсны агәабзиарахьчара аминистрра аҭел ҷыда:

  • Аҟәа 925 – 10 – 06; 995 – 02 – 07; 935 – 30 – 71
  • Очамчыра 925 -10 – 09
  • Тҟәарчал 925 -10 – 03
  • Гал 925 -10 – 07
  • Гагра 925 -10 – 05
  • Гудоуҭа 925 -10 – 02
  • Агуӡера 925 -10 – 04

Акоронавирус иадҳәалоу ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау
Руслан Хашиг

Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

9
(ирҿыцуп 19:22 10.08.2020)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы Белоруссиа ажурналистцәа раанкылара ахҭыс ахҳәаа азыҟаиҵеит.
Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

"XXI ашәышықәсазы ас еиԥш иҟоу ахҭысқәа, аҳәынҭқарра ахьӡи аҳаҭыри лазырҟәуа акакәны иҟоуп. Аинтернет аҟны иаҳбо авидеонҵамҭақәа ақәыӡбара акәым, хаҭала згәы иалсыз рацәаҩуп, уи рбеижьҭеи Аԥсны ажурналистцәа реидгылахь аҭел иасуан, еилыркааз ажәабжь ҳзеиҭарҳәон. Ҳара ари ахҭыс ҳакәыӡбеит, ааԥхьарагьы ҟаҳҵеит белоруссиатәи аҳәынҭқарра анапхгареи белоруссиатәи ажурналистцәеи рахь ауаа раужьразы. Ииҩбахаз - хаҭала издыруаз ажурналистцәа рахь аҭел ҳасны агәҭынчымра ааҳарԥшит. Алхра аламҭалази алхра ашьҭахи еснагь адунеи аҿы иаҳбац аибырххарақәа ыҟоуп, аха уи ахҭысқәа имҩаԥысуа ауаа иреилзыркаауа ажурналистцәа рахь амч ахархәара, хаҭала Семен Пегов иҭагылазаашьа, ихдырра ицәыӡыртә аҟынӡа инагара, ари аҳәынҭқарра зырԥхашьо ҳҭысуп", - азгәеиҭеит Ҳашыг.

Белоруссиатәи амчрақәа рахь ааԥхьара ҟалҵеит иара убас RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

  • Аԥсны ажурналистцәа Реидгыла иақәыӡбоит Белоруссиа ажурналистцәа раанкылара
  • Семион Пегов дахьыҟоу еилкаахеит

9
Семен Пегов

Минск иаанкылаз урыстәылатәи ажурналист Семион Пегов доушьҭуп

3
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

3