Маркедонов: аԥснытәи ахҭысқәа Урыстәылеи иареи реизыҟазаашьа иаԥырхагахом

36
(ирҿыцуп 16:57 10.01.2020)
МГИМО жәларбжьаратәи аҭҵаарақәа Ринститут евро-атлантикатәи ашәарҭадара Ацентр аусзуҩ, аҭоурыхтә ҭҵаарадыррақәа ркандидат Сергеи Маркедонов Аԥсны аполитикатә ҭагылазаашьа ахҳәаа аиҭеит.

АҞӘА, ажьырныҳәа 10– Sputnik. Аԥснытәи ахҭысқәа Урыстәылеи иареи реизыҟазаашьа иаԥырхагахом иҳәеит арадио Sputnik аинтервиу аҭо МГИМО жәларбжьаратәи аҭҵаарақәа Ринститут евро-атлантикатәи ашәарҭадара Ацентр аусзуҩ, аҭоурыхтә ҭҵаарадыррақәа ркандидат Сергеи Маркедонов.

"Урыстәыла иаҿагыло апозициа аӡәгьы Аԥсны азхьаԥшра аиҭом. Уи азҵаара мчыла ирҿиоу зҵаароуп. Еиҿагыло аганқәа рыҩбагьы Аԥсны ахьыԥшымразы иқәԥоз роуп. Ихадароу ареспублика аԥеиԥш азы аҭакԥхықәра зго иоуп", - иҳәоит иара.

Аԥсны "маидан" аԥшаара иашьҭоу аҭагылазаашьа ззымдыруа роуп. Урҭ рҩызцәа роуп Қарҭ ма Мраҭашәара зышьҭашәарыцо.

"Украина аҿырԥшы ара аԥшаар иашам. Аԥсноума Ермантәылоума аҿагыларақәа рхатә ҟазшьа рымоуп" - иҳәоит Маркедонов.

Аполитолог еиқәиԥхьаӡеит Аԥсны аполитикатә кризис амзызқәа. Аполитолог игәалаиршәеит 2004, 2014 ашықәсқәа раантәи ахҭысқәа.

"Аҭыԥ амоуп аполитикатә еиҟәшара. Уи адацқәагьы акыр хара иҟоуп. Акризис амзызқәагьы акыр иҵаулоуп" - иҳәоит Маркедонов.

Амзызқәа ируакуп Аԥсны ахада иалхра аихшьаалақәа ҳәа азгәеиҭоит аполитолог.

"Иахьатәи ахада иԥыжәара акыр идумызт. Уи ауп изыхҟьаз алхрақәа рылкаақәа ииашам ҳәа рыхҳәаара алзыршаз. Уи адагьы Аслан Бжьаниа ахәшә иҭанҳәа иҟаз ахҭысгьы иахьа уажәраанӡа ишьақәыргылам", - иҳәоит иара.

Аԥсны акриминогентә ҭагылазаашьа акәзар амзызқәа ирылукаауаны дахәаԥшуеит аполитолог.

" Аресторан "Сан-Ремо" аҟны иҟалаз ауаа анырра ду рнаҭеит. Аԥсны еиҳа-еиҳа акриминалтә хҭысқәа аҭыԥ рымазаара акәзар, урҭ хырыҩ рыҭара акәзар – еиҳагьы ауаа агәҭынчымра рызцәырнагоит", - иҳәоит Маркедонов.

Иара игәаангарала Аԥсны азы иахәҭаны иҟоуп ахықәк ҿыцқәа рцәырҵра.

"Еснагь ииасхьоу азхьаԥшра иашам. Амшхәаԥштә азҵаара ҿыц цәыргатәуп. Ҳәарада ахаҿ ҿыц даҭахуп. Иахьазы иаабо уаанӡатәи аполитика зырҿиоз роуп", - азгәеиҭоит иара.

Иара убасгьы хра аманы иԥхьаӡоит 2008 шықәса рзы Аԥсны азхаҵара афакт.

"Аԥсны Урыстәылазы акрызҵазкуа хырхарҭоуп. Абри иқәныҟәаны астратегиатә уснагӡатәқәагьы мҩаԥгалатәуп", - агәаанагара имоуп Маркедонов.

Аҿагыларатә акциа хацыркын ажьырныҳәа 9 рзы. Аԥхьа ауаа еизеит Аԥсуа драматә театр аҿаԥхьа. Урҭ иҟоу акриминогентә ҭагылазаашьазы агәынамӡара аадырԥшуан.

Убри аамҭазы Иреиҳаӡоу аӡбарҭаҿы иахәаԥшуан атәыла ахадарахь кандидатс иҟаз Алхас Кәыҵниа ишшыԥхьыӡ.

Амитинг алахәылацәа атәыла ахада Иусбарҭа ахыбрахь инеиит алхрақәа рылкаақәа еиҭарыхәаԥшызарц азы адҵа ҟаҵо. Амитинг алахәылацәеи азинхьчаратә органқәеи рыбжьара аидысларақәа ҟалеит. Аоппозициа ахаҭарнакцәа ахыбра актәи аихагыла ашәқәеи аԥенџьырқәеи ԥҽны иҩналеит.

Абри ашьҭахь Аԥсны ахада Рауль Ҳаџьымба атәылауаа рахь ааԥхьара ҟаиҵеит аҽынкылара аадырԥшларц. Ҳаџьымба иазгәеиҭеит иҟоу аҭышәныртәаларазы атәылаҿ аҭагылазаашьа ҷыда алагалахар шалшо.

Иара убри аҽны адепутатцәа ԥыҭҩыки атәыла ахадеи аиԥылара рыман. Аиԥылара ашьҭахь Аԥсны Апарламент адепутцәа ақәҵара апроект рыдыркылеит. Апроект инақәыршәаны атәыла ахада иахь ааԥхьара ҟарҵеит инапынҵақәашьҭеиҵарц азы. Абри инадҳәаланы ахада ипресс-маҵзура аҭак ҳәамҭа рыланарҵәеит.

"Апарламент иҟанаҵаз аҳәамҭа, ԥхьаҟазы аҭынчра аҭышәныртәалара иазырхоуп ҳәа хықәкны ишазгәаҭоугьы ауаажәларра-политикатә ҭагылазаашьа еиҳагьы еицәанатәуеит, атәылазы еиҭакшьа змам ахылҿиаақәа ахҟьар ҟалоит" ҳәа аҳәоит аҳәамҭаҿы.

Акциа алахәылацәа иаашаанӡа ахыбра аанкыланы итәан. Иҟан адәахьы иҷаԥшьозгьы. Уажәтәи аамҭазы ахада Иусбарҭа, Апарламент, Аминистрцәа реилазаара рышәқәа аркуп.

36
Атемақәа:
Рауль Ҳаџьымба ԥхьатәара ицара (74)
Прокладка канализации на улице Имама Шамиля

Гәдоуҭа аканализациатә насос-станциақәа рремонт ахыркәшарахь инеиуеит

4
(ирҿыцуп 15:03 30.11.2020)
Гәдоуҭа аканализациатә насос-станциақәа рремонт иазоушьҭуп 152 миллион мааҭ Аԥсны асоциал-економикатә ҿиараз Аинвестпрограмма аҟынтә.

АҞӘА, абҵара 30 – Sputnik, Бадри Есиава. Гәдоуҭа аканализациатә насос-станциақәа ҩба рремонт ахыркәшарахь инеиуеит ҳәа Sputnik иазеиҭеиҳәеит акапиталтә ргылара Аусбарҭа аиҳабы ихаҭыԥуаҩ Демир Гамсониа.

"Ари аусура анагӡаразы иара убасгьы аремонт азуын звольт ҳараку аҳа – КНС 1, КНС 2 афымцалашара рызназго, ишьҭаҵан аколлектор ҿыц арыцқьаратә усурақәа рзы. Аусурақәа ҩымчыбжьҟа рнаҩс ихыркәшахоит", - иҳәоит иара.

© Sputnik / Бадри Есиава
Гәдоуҭа аканализациатә насос-станциақәа рремонт ахыркәшарахь инеиуеит

Гамсониа иҳәеит аканализациатә насос-станциақәа зԥыршьуа арыцқьаратә хархәагақәа Приморск ақыҭеи Гәдоуҭеи рыбжьара иҟоуп ҳәа. Дара асовет аамҭақәа раан иргылан. Урҭгьы аремонт рҭахны иҟоуп. Арҭ аусурақәа рхышәаҵышәа аплан аҿы ишарбоугьы Аинвестпрограмма иалагалам.

Аканализациатә насостә-станциақәа рремонт иалаган 2017 шықәсазы. 2017-2019 шықәсқәа рызтәи Аԥсны асоциал-економикатә ҿиараз Аинвестпрограмма иалагалан. Апроект ахәԥса 152 миллион мааҭ ыҟан. Урҭ рҟынтәи жәа-миллион мааҭ 2020-2022 шықәсқәазтәи апрограммахь ииаган.

4

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

16
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

16

Москвеи Санкт-Петербурги рҵараиурҭақәа адистанциатә ҵарахь ииаргеит

0
(ирҿыцуп 16:32 30.11.2020)
Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

АҞӘА, абҵара 30 — Sputnik. Акоронавирустә инфекциа алаҵәара инадҳәаланы Москвеи Санкт-Петербурги рҵараиурҭақәа адистанциатә ҵарахь ииаргеит ҳәа Telegram-канал аҿы адырра ҟанаҵоит Урыстәыла аҵара аминистрра. Абри атәы аанацҳауеит РИА Новости.

Адырраҭараҿы иарбоуп регионалтә ҵараиурҭақәакгьы адистанциатә ҵарахь ишиагоу.

Аминистрраҟны аус адырулеит аҵаратә процесс хра аманы аиҿкааразы абжьгарақәа.

Уаанӡа, Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

Арегионалтә ҵараиурҭақәагьы ирабжьган адистанциатә ҵарахь ииасразы.

Урыстәыла COVID-19 рыхьхьеит 2 295 65-ҩык. Рыԥсҭазаара иалҵит 39 895-ҩык, ргәы бзиахеит — 1 778 704-ҩык.

0