Амитинг иалахәу еимпырц ргәы иҭаӡам, Ҳаџьымба инапынҵақәа шьҭеимҵакәа

50
(ирҿыцуп 01:05 11.01.2020)
Иреиҳаӡоу аӡбарҭа ахашшааратә инстанциа ахәаша, ажьырныҳәа 10 рзы ақәҵара аднакылеит Аԥсны ахада иалхра ҿыцқәа рымҩаԥгаразы.

АҞӘА, ажьырныҳәа 10 - Sputnik. Аполитикатә партиа "Иаку Аԥсны" (Аоппозициатә мчрақәа рблок иалоу - аред.) Сергеи Шамба Sputnik акорреспондент иеиҳәеит Иреиҳаӡоу аӡбарҭа ахашшааратә инстанциа ахада иалхрақәа рылҵшәақәа изакәаным ҳәа разхаҵаразы иаднакылаз аӡбара ԥсахшьа шамам, уи анрыларҳәа инаркны амч шаиуа.

"Уа еилыкка иҳәоуп Алхратә комиссиа хада аиҭалхрақәа мҩаԥнагароуп ҳәа. АКХ алхрақәа мҩаԥнагароуп Аконституциаҟны иарбоу аҿҳәаразы. Аха даҽа ганкахьала Рауль Ҳаџьымба уи аӡбара дахашшаар ҟалоит, азакәан инақәыршәаны уи иахашшаара аӡбарҭа жәымз иахәаԥшлар ҟалоит", - азӷәеиҭеит Шамба. 

Аоппозициа иқәнаргыло азҵаара хада шыҟац иаанхоит - Рауль Ҳаџьымба имаҵура шаанижьуазы рылеиҳәарц, иҳәеит Сергеи Шамба.

Иара иажәақәа рыла, еизаз ауаа Ахада Иусбарҭа ааныжьны еимпырц ргәы иҭаӡам аҳәынҭқарра ахада инапынҵақәа шышьҭеиҵо рылеиҳәаанӡа.

"Азакәан инақәыршәаны ахада инапынҵақәа наигӡаларц илшоит алхра ҿыцқәа рымҩаԥгаранӡа ҳәа зҳәо ыҟоуп. Аха ҳара еилаҳкаауеит Ҳаџьымба алхрақәа ҟалаанӡа инапынҵақәа шынаигӡоз, аха урҭ рыҿҳәара нҵәеит. Уажәшьҭа ҳара уи хатәгәаԥхарала инапынҵақәа аанижьаанӡа ҳҽаанаҳкылаӡом", - иҳәеит Шамба.

Иара убас шәаԥхьар ҟалоит:

50
Атемақәа:
Рауль Ҳаџьымба ԥхьатәара ицара (74)

Кәакәасқьырԥҳа Жәлар Реизарахь алхрақәа рзы: бзыԥаа ҳҿахәы зҳәаша иалхра ҳазыхиоуп

24
(ирҿыцуп 21:25 09.07.2020)
Гагра араион, Бзыԥта аҳаблан иҟоу алхырҭатә ҭыԥ хада акомиссиа ахантәаҩы Асида Кәакәасқьырԥҳа арадио Sputnik Аԥсны аефир аҿы еиҭалҳәеит иааиуа амҽыша атәылаҿы имҩаԥгахо Жәлар Реизарахь адепутатцәа ралхра аус иахьынӡазыхиоу атәы.

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.
Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи. Бзыԥтәи алхратә ҭыԥ хада № 10 аҟынтә Жәлар Реизара адепутатрахь кандидатцәас иқәгылоуп: Ҭамаз Леибеи Ҭемыр Беиеи.

Раионк аԥсҭазаараҟынтә: Кәакәасқьыр Жәлар реизарахь адепутатцәа ралхра иахьынӡазыхиоу иазкны

"Ажәабатәи алхырҭатә ҭыԥ хадаҿы ашәҟәы иҭагалоуп алхыҩцәа 5-нызықьҩык инареиҳаны. Ҳокруг аҿы иҟоуп алхырҭатә ҭыԥқәа хәба. Алхыҩцәа рсиақәа зегьы кнаҳауп, ачымазаҩцәа рҟнытә арзаҳалқәа адкылара ҳалагахьеит. Ҳкомиссиа ахадацәа зегьы рҭыԥқәа рҿы иҟоуп. Асабша асиақәа еиҭагәаҭахоит, ари аамҭа иалагӡаны аиҭакрақәа ҟалазар урҭ ашәҟәы иҭаҳгалоит, иара убасгьы ианыхтәу дҟаларгьы уи аусгьы нагӡахоит", - ҳәа еиҭалҳәеит Кәакәасқьырԥҳа.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Иара убас шәаԥхьар ҟалоит:

 

24

Акоронавирус змоу ҩыџьа апациентцәа Гәдоуҭатәи ахәышәтәырҭаҿ ишышьҭац иаанхоит

12
(ирҿыцуп 18:54 09.07.2020)
Иаҳхысыз уахыки-ҽнаки рыла Аԥсны 12-ҩык акоронавирустә инфекциа амазааразы агәаҭара иахысит.

АҞӘА, ԥхынгәы 9 - Sputnik. Ҩыџьа апациентцәа макьана Гәдоуҭатәи ахәышәтәырҭаҿы ишышьҭац иаанхоит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Ииасыз уахыки-ҽнаки рыла акоронавирустә инфекциа агәаҭаразы абиоматериал арҭеит 12-ҩык атәылауаа. COVID-19 аӡәгьы идбалам", - аҳәоит адырраҭараҿы.

Аԥсны иахьаҵанакуа акоронавирус зынӡа 38-ҩык ирыдбалоуп. Ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Џьон Хопкинс ихьӡ зху ауниверситет адыррақәа рыла, адунеи аҿы акоронавирус захьыз рхыԥхьаӡара 12 миллионҩык инархыҳәҳәахьеит.

Акоронавирус иазку ажәабжьқәа зегьы шәрыԥхьар ҟалоит абра>>

 

12
Атемақәа:
Ачымазара ҿкы – акоронавирус Аԥсни адунеи аҿи: иалкаау