Аршба ахада Иусбарҭа иаҭоу аԥхасҭазы: изыхәҭоу аусбарҭақәа иҭырҵаароуп

34
Хымшуп Аԥсны ахада Иусбарҭа ахыбра аҿаԥхьа аҿагыларатә акциа мҩаԥысуеижьҭеи, уи ахада ихан аоппозициа ахаҭарнакцәа иаанкыланы ирымоуп, уаҩ дыҩнарыжьлом.

АҞӘА, ажьырныҳәа 11 - Sputnik, Бадри Есиава. Атәыла ахада Иусбарҭа ажәлараан иҟаҵаз аԥхасҭа аӡәы аԥара ахишәаароуп, абри аус изыхәҭаны иҟоу аусбарҭақәа рнапы ианҵатәуп иҳәеит аԥыза-министр ихаҭыԥуаҩ Даур Аршба.

Иара иазгәеиҭеит арҭ аусбарҭақәа аԥхасҭа ахышәа-ҵышәа шьақәыргыланы иҟазҵаз ахаҿқәагьы шьақәдыргылароуп ҳәа.

"Административтә хыбра иақәланы идырбгеит. Сара уахь сыҩнамлеит, аха асоциалтә ҳақәа рҟны акадрқәа збеит. Аиашазы, даҽакы ҳазыԥшымызт", - иҳәеит иара.

Аҿагыларатә акциа хацыркын ажьырныҳәа 9 рзы. Уи аиҿкааҩцәа иазгәарҭоит абри аҩыза аҭагылазаашьахь икылызгаз аҵыхәтәантәи хәышықәса рыҩнуҵҟа иҟоу аҭагылазаашьа шакәу. Ауаа агәҭынчымра ду рнаҭоит ареспубликаҿы иҟоу акриминогентә ҭагылазаашьа.

Амитинг алахәылацәа атәыла ахада Иусбарҭа ахыбрахь инеит алхрақәа рылкаақәа еиҭарыхәаԥшызарц азы адҵа ҟаҵо. Амитинг алахәылацәеи азинхьчаратә усбарҭақәеи рыбжьара аидысларақәа ҟалеит. Аоппозициа ахаҭарнакцәа ахыбра актәи аихагыла ашәқәеи аԥенџьырқәеи ԥҽны иҩналеит.

Абри ашьҭахь Аԥсны ахада Рауль Ҳаџьымба атәылауаа рахь ааԥхьара ҟаиҵеит аҽынкылара аадырԥшларц. Ҳаџьымба иазгәеиҭеит иҟоу аҭышәныртәаларазы атәылаҿ аҭагылазаашьа ҷыда алагалахар шалшо.

Ашәарҭадаратә хеилак ахантәаҩы Муҳаммад Кьылба иажәақәа рыла, Ахада Иусбарҭаҟны иҟоу абџьарҵәахырҭа иҩналаны, абџьар ҩныганы иргеит.

Аҿагыларатә акциа аиҿкааҩцәа руаӡәк Ахра Аҩӡба анаҩс излеиҳәаз ала, дара рхаҭарнакцәа ус еиԥш ахымҩаԥгашьа аадмырԥшит.

Иара убри аҽны адепутатцәа ԥыҭҩыки атәыла ахадеи аиԥылара рыман. Аиԥылара ашьҭахь Аԥсны Апарламент адепутатцәа ақәҵара апроект рыдыркылеит. Апроект инақәыршәаны атәыла ахада иахь ааԥхьара ҟарҵеит инапынҵақәа шьҭеиҵарц азы. Абри инадҳәаланы ахада ипресс-маҵзура аҭак ҳәамҭа рыланарҵәеит.

Ажьырныҳәа 9-10 ауха иаашаанӡа аоппозициаа рхаҭарнакцәа ахада Иусбарҭа аҿаԥхьа игылан. Шьыжьнаҵы аҭагылазаашьа ҭынчын.

Ахада Иусбарҭа акәша-мыкәша иҷаԥшьон амилициа аусзуҩцәеи аҟәша ҷыдақәа русзуҩцәеи.

Аҩнуҵҟатәи аусқәа рминистр Раули Смыр иажәақәа рыла, азинхьчаратә усбарҭақәа дҵа хадас ирымоу амчра адгылаҩцәеи аоппозициа адгылаҩцәеи реиҿанагалара алмыршароуп.

Ажьырныҳәа 10 асааҭ 8:15 рзы зусурахь иааз Аԥсны аԥыза-министр Валери Бганба уа игылаз иусурҭатә ҭыԥ ахь днармышьҭит. Иара игәаанагарала иазиԥхьаӡоит азинеиҿкаара ҟаларц азы аицәажәара аҭахуп ҳәа.

Аԥсны аԥыза-министр Валери Бганба иазгәеиҭеит аминистрцәа реилазаара аусура мҩаԥнагоит, аха ихарҭәаамкәа ҳәа.

Асааҭ 12:30 рзы Аминистрцәа реилазаара ахыбра аҿаԥхьа еизеит Рауль Ҳаџьымба идгылаҩцәа.

Иара убри аамҭазы иазԥхьагәаҭан ахашшааратә инстанциа аилатәарагьы.

Аӡбара хдыртит аӡбаҩцәа: Ҭемыр Ҭарба, Екатерина Онишьченко, Лиа Адлеиԥҳа. Аилатәарахь иааиит Алхас Кәыҵниа, адукат Инга Габилаиаԥҳа, апрокурорцәа Даур Амҷба, Елена Ҷыҭанааԥҳа. Ашшыԥхьыӡ ахәаԥшрахь имнеиӡеит аҭакҳәаҩ ихаҭарнакцәа: Кристина Габелиаԥҳа, Марина Ҭаниаԥҳа, Дмитри Шамба, Гиви Габниа, Валери Агрба.

Асааҭ 21:40 рзы Иреиҳаӡоу аӡбарҭа ахашшааратә инстанциа Аԥсны ахадарахьы ԥасатәи акандидат Алхас Кәыҵниа аӡбарҭа актәи аинстанциа ахада иалхрақәа аҩбатәи ртур закәантәуп ҳәа иаднакылаз аӡбаразы иашшыԥхьыӡ нанагӡеит.

Аԥсны ахада иалхра ҿыцқәа мҩаԥысроуп ҩба-хԥа мзы ирҭагӡаны, абри атәы Sputnik акорреспондент изеиҭеиҳәеит аӡбарҭаҟны аҭакҟаҵаҩ ихаҭарнак Гиви Габниа.

Габниа иажәақәа рыла, азакәан инақәыршәаны ахашшааратә инстанциа аӡбамҭа амч аиуеит уи анрыларҳәа инаркны.

Абри ашьҭахь Иреиҳаӡоу аӡбарҭа ахашшааратә инстанциа аӡбамҭа азакәанԥҵара еилаганы ирыдыркылеит, уи ишьақәгылаз ауаажәларра-политикатә ҭагылазаашьа еиҳагьы еицәанатәыр алшоит ҳәа аанацҳауеит аҳәынҭқарра ахада Рауль Ҳаџьымба ипресс-маҵзура.

"Ари аӡбамҭа рыдыркылеит аиҳабыратә хыбрақәа анеиларыжьуаз, ахада Иусбарҭа анааныркылаз, Иреиҳаӡоу аусбарҭа ахыбра иакәшаны ианыркыз аҭагылазаашьақәа раан. Абри аҩыза ақәыӷәӷәараан Иреиҳаӡоу аусбарҭа аобиективтә ӡбамҭа аднаклар алшон ҳәа узҳәом", - аҳәоит адырраҭараҟны.

Иара убас иазгәаҭоуп Иреиҳаӡоу аӡбарҭа аӡбамҭа Апрезидиум ахь ахәаԥшразы ишахашшаахо, избанзар уи рыдыркылеит аус зуа азакәанԥҵара ӷәӷәала еилаганы.

Акциа алахәылацәа ракәзар аимыҵра рыгәҭакым рыдҵа хада – Рауль Ҳаџьымба инапынҵақәа мап рцәикаанӡа. Убри аан Аслан Бжьаниа аҳәамҭа ҟаиҵеит алхрақәа мҩаԥгахаанӡа Аԥсны ахада инапынҵақәа Апарламент аиҳабы инеигӡалар алшоит ҳәа.

Иара убас шәаԥхьар ҟалоит:

34
Атемақәа:
Рауль Ҳаџьымба ԥхьатәара ицара (74)

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

4
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

4

Сергеи Багаԥшь ибаҟа апроект алкааразы апроектқәа рекспозициа аадыртит

6
Сергеи Багаԥшь ибаҟа апроект алкааразы аусумҭақәа рцәыргақәҵа мҩаԥысуеит Аҟәа, хәажәкыра 3 рҟынӡа.

АҞӘА, жәабран 24 – Sputnik, Бадраҟ Аҩӡба. Аԥсны аҩбатәи ахада Сергеи Багаԥшь ибаҟа апроектқәа рекспозициа аатит Аҟәатәи Ацәыргақәҵатә зал хадаҿы жәабран 24 рзы.

"Аконкурс иалахәуп апроектқәа жәба. Урҭ рҟынтәи ааба Аҟәа атема иадҳәалоуп. Абаҟа ықәыргылахоит Сергеи Багаԥшь ихьӡ зху ашҭаҿы. Иара убасгьы абаҟа ықәыргылахараны иҟоуп Очамчыра араион ахадара ахыбра аҿаԥхьа", - ҳәа иҳәеит Аԥсны акультура аминистр Гәдиса Агрба.

Изҭаху зегьы неины ирбар рылшоит Аԥсны асахьаҭыхыҩцәа Рцәыргақәҵатә зал хадаҿы ҳәа иҳәеит иара.

"Хәажәкыра хԥа рзы Аҳәынҭқарратә монументалтә комиссиа аилатәара мҩаԥнагоит иреиӷьу апроект алхразы. Акомиссиа иалахәуп 14-ҩык – аскульпторцәа, асахьаҭыхыҩцәа", - ҳәа иҳәеит Агрба.

Уи адагьы, аминистрра асаит аҿы имҩаԥысраны иҟоуп онлаин бжьыҭира. Уи аихшьаалақәа аконкурстә комиссиа алахәылацәа руаӡәк ибжьы иаҟаратәхоит ҳәа иҳәеит аминистр.

  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik
1 / 10
© Sputnik / Марианна Кубрава
Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы

Акомиссиа алахәыла Нугзар Логәуа иазгәеиҭеит инагоу аусумҭақәа акыр агәахәара урҭартә ишынагӡоу.

"Аицлабра иалахәуп архитекторцәеи адизаинерцәеи аҿар рҟынтәи. Урҭ аметодқәеи аформа ҿыцқәеи рхы иадырхәеит. Сгәы иаанагоит апроектқәа ирылухыша ҟалоит ҳәа", - иҳәеит иара.

Аԥсны аҩбатәи ахада Сергеи Багаԥшь ибаҟа апроектқәа рзы аицлабра аартын 2019 шықәса ԥхынгәы 1 азы.

Сергеи Багаԥшь диит 1949 шықәса хәажәкыра 4 рзы. 2005 шықәса рзы иара Аԥсны ахадас далхын, 2009 шықәсазы – деиҭалхын. Иԥсҭазаара далҵит лаҵара 29 2011 шықәса рзы.

6