Аҟәа имҩаԥысуаз аҿагыларатә акциазы апрокуратура ашьаус хацнаркит

Аҟәа имҩаԥысуаз аҿагыларатә акциазы апрокуратура ашьаус хацнаркит

28
Амазара аԥхасҭа аҭареи абжьыхреи лҵшәас изауз амассатә еилаҩеиласрақәа реиҿкаареи рылахәреи рфакт азы ашьаус хацыркуп.

АҞӘА, ажьырныҳәа 11 - Sputnik. Аҟәа имҩаԥысыз амассатә еилаҩеиласрақәа рфакт ала ашьаус хацыркуп ҳәа аанацҳауеит Аԥсны Апрокуратура хада асаит.

"Аҟәа ақалақь ажьырныҳәа 9, 2020 шықәса рзы иҟалаз Аԥсны Аҳәынҭқарра ахада Иусбарҭа ахьыҟоу аиҳабыратә хыбрақәа ркомплекс иажәлан ианааныркылаз амассатә еилаҩеиласрақәа инарыдҳәаланы ашьаус хацыркуп Аԥсны Аҳәынҭқарра Ашьаустә закәанеидкыла ахәҭаҷ №206 "Амазара аԥхасҭа аҭареи абжьыхреи лҵшәас изауз амассатә еилаҩеиласрақәа реиҿкаареи рылахәреи" ахәҭақәа 1, 2 рыла", - аанацҳауеит адырраҭара.

Уаанӡа ирҳәахьан Аԥсны Аҳәынҭқарратә шәарҭадаратә маҵзура Апрокуратура хадеи ААРи алархәны ашьаусԥшааранӡатәии аоператив-ԥшааратәии уснагӡатәқәа рымҩаԥгара иалагеит ҳәа, аиҳабыратә хыбрақәа аԥхасҭа аҭара аиҿкааҩцәеи уи иалахәызи ахаҿқәа рышьақәыргылареи аҭакԥхықәрахь радԥхьалареи рзы.

Аҟәа аҿагыларатә акциа иалагеит ажьырныҳәа 9 рзы. Амитинг иалахәу Аԥсны ахада Иусбарҭ рнапахьы иааргеит, ашәқәа, аԥенџьырқәа ԥырҽит актәи аихагылаҿы, акабинеҭқәа хыла-гәыла еиларыжьит.

Иара убас шәаԥхьар ҟалоит:

28
Атемақәа:
Рауль Ҳаџьымба ԥхьатәара ицара (74)

Иҳаҩсыз уахыки-ҽнаки рыла Аԥсны акоронавирус ҩажәаҩык ирыдырбалеит

6
(ирҿыцуп 21:06 24.02.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

АҞӘА, жәабран 24 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 260-ҩык атестқәа рзыҟаҵан, урҭ рахьтә 20-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 43-ҩык акоронавирус адиагноз рзышьақәыргылоуп, рҭагылазаашьа бааԥсуп 16-ҩык, ибжьаратәуп - 14-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 12-ҩык апациентцәа, Очамчыра ирхәышәтәуеит быжьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 14-ҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

12
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

12