Аԥсны АКХ ахантәаҩы: аӡбарҭа иаӡбаз нагӡатәуп, ҳгәаанагара иахьмырԥшкәа

© Sputnik / Томас ТхайцукҬамаз Гогьиа
Ҭамаз Гогьиа - Sputnik Аҧсны
Анапаҵаҩра
Иҳаҩсыз ашықәс цәыббрамзазы имҩаԥысыз ахада иалхрақәа раан аиҭабжьыҭара алҵшәақәа рзы АКХ аӡбамҭа закәаным ҳәа азхазҵаз аӡбарҭа ахашшааратә коллегиа аӡбамҭа амзызыркратә хәҭа Алхратә комиссиа хадахьы инеит асабша, ажьырныҳәа 11 рзы.

АҞӘА, ажьырныҳәа 11 – Sputnik, Сариа Кәарцхьиаԥҳа. Иреиҳаӡоу аӡбарҭа ахашшааратә коллегиа аӡбамҭа нагӡатәуп ҳара ҳгәаанагара ҳахьымԥшкәа иҳәеит аԥсны Алхратә комиссиа хада ахантәаҩы Ҭамаз Гогьиа.

"Алхратә комиссиа хада ахатә гәаанагара шамац иаанхоит, аха аӡбарҭа аӡбамҭа ыҟоуп. Ишыжәдыруа еиԥш, АКХ аҭакҟаҵаҩыс иқәгылан, уи ахатә хыдҵақәа амоуп. Аха ҳгәаанагара ҳахәамԥшкәа, АКХ наҟ-наҟ ари аӡбамҭа иахашшаауа-иахамышшаауа ҳахьымԥшкәа, аӡбарҭа иаӡбаз иашьашәало ауснагӡатәқәа зегьы мҩаԥаагоит. Азакәан инақәыршәаны ҳара хәымш ҳамоуп, аха уаанӡа инаҳгаӡом. Уажәоуп аӡбамҭа анҳауз, макьана амзызркратә хәҭа ҭаҳамҵааӡацт", - иҳәеит Гогьиа.

Алхратә комиссиа хада алахәылацәа аилатәара мҩаԥыргароуп, анаҩс ашәахьа, ажьырныҳәа 13 иахымгакәа ахада иалхра ҿыцқәа ррыцхә рыларҳәароуп.  Гогьиа иазгәеиҭеит АКХ аус зуа азакәанԥҵареи иара убас иҳаҩсыз ашықәс цәыббрамзазы имҩаԥысыз ахада иалхрақәа раан аиҭабжьыҭара алҵшәақәа рзы АКХ аӡбамҭа закәаным ҳәа азхазҵаз аӡбарҭа ахашшааратә коллегиа аӡбамҭеи ишрықәныҟәо.

Аԥсны АКХ ахада иалхра арыцхә ашәахьаҽны ирыланаҳәоит - Sputnik Аҧсны
Аԥсны АКХ ахада иалхра арыцхә ашәахьа, ажьырныҳәа 13 рзы ирыланаҳәоит

Иара убас Гогьиа иазгәеиҭеит АКХ дақәыӷәӷәоит ҳәа далагар шиҭахым, избанзар усҟан "АКХ алахәылацәа роушьҭрахь икылнагар ҟалоит".

"Ари аамҭа рацәаны иагар алшоит. Уи ҳтәылазы иҽеим даҽа процесск акәхоит. Зегьы ргәы кыдгыланы иҟоуп. Ари аимак-аиҿак аҟны акәаԥ ҳаргылар ҳҭахуп. Ҳаргьы ари аус хара имгакәа иӡбазар ҳҭахуп", - иҳәеит Гогьиа.

АКХ ахантәаҩы адепутатцәа рахь ихы нарханы иҳәеит иаарласны Аԥсны алхратә закәанԥҵара иеиҭахәаԥшырц, избанзар хәҭаҷқәак рҟны, ҷыдала иааугозар аиҭалхрақәа ирызку ахәҭаҷгьы аҟны, еиуеиԥшым аилыркаарақәа ыҟоуп.

Иара убас шәаԥхьар ҟалоит:

Ажәабжьқәа зегьы
0