Азиндырҩы: Рауль Ҳаџьымба алхрақәа рҟынӡа ахада инапынҵақәа изынагӡаӡом

АҞӘА, ажьырныҳәа 12 – Sputnik. Рауль Ҳаџьымба алхрақәа рҟынӡа ахада инапынҵақәа изынагӡаӡом лҳәеит азиндырҩы Фрида Лазԥҳа, Sputnik аинтервиу аналҭоз.

"Рауль Ҳаџьымба иҭоубашьҭаҵара иадҳәалоу аҭагылазаашьа излаҳнарбо ала, уи алхрақәа рҟынӡа имаз инапынҵақәа шьҭеиҵеит. Аконституциа излаҳәо ала, ахада имаҵура иахагылара хәышықәса ҿҳәарас иамоуп, уи аанкылахоит иалырхыз ахада иҭоубашьҭаҵара инаркны. Иара далырхит ҳәа азыԥхьаӡаны, ҭоуба шьҭеиҵеит, уи алагьы уаанӡатәи инапынҵақәа ааникылеит", - лҳәеит лара.

Аха уажәшьҭа аӡбарҭа иаднакылаз аӡбара излаҳәо ала, алхрақәа шьақәымгылаӡеит, Ҳаџьымбагьы хадас уаҳа дыҟаӡам.

© Sputnik / Томас Тхайцук

Габниа далацәажәоит алхра ҿыцқәа мҩаԥысраны ишыҟоу

"Уи иаанаго уи ауп, ахада ҿыц имаҵура дахамгылаӡеит, уаанӡатәи ахадагьы инапынҵақәа шьҭеиҵахьеит. Ахада иалхрақәа рзы ахәҭаҷ аномер хәба ишаҳә ала, алхрақәа шьақәымгылеит ҳәа ԥхьаӡазар, уаанӡатәи ахада инапынҵақәа наигӡалароуп. Аха Ҳаџьымба урҭ ааникылеит иҭоубашьҭаҵарала. Даҽакала иуҳәозар, ахада инапынҵақәа шьҭеиҵахьазар, урҭ анаҩс рыцҵара азин имоуп ҳәа азакәан аҟны иазгәаҭаӡам. Ари азакәани иҟалаз ахҭысқәеи ҳрыхәаԥшуазар, Ҳаџьымба инапынҵақәа изынагӡаӡом. Убри азы уи амчраҿы дыҟазар ҟалаӡом, мамзар уи амчра закәандарала иааныиклоит ҳәа иазыԥхьаӡатәуп", - азгәалҭеит Фрида Лазԥҳа.

Аха азиндырыҩцәа зегьы ргәаанагарақәа еиқәшәом. Уаанӡа Гиви Габниа иҳәахьан ҩаԥхьа иҟало ахада иалхрақәа рҟынӡа ахада инапынҵақәа наигӡалар шакәу Рауль Ҳаџьымба.

© Sputnik

Нургалиев ибжьаҟазареи амитинг алахәылацәа рультиматуми

Аҟәа аԥшьаша, ажьырныҳәа 9 рзы аҿагыларатә акциақәа ирылагеит, аоппозициаа рхаҭарнакцәа ахада инапынҵақәа аанижьырц адҵа ҟарҵоит.

Ажьырныҳәа 10 рзы Иреиҳаӡоу аӡбарҭа ахашшааратә инстанциа цәыббрамзазы имҩасыз ахада иалхрақәа рылҵшәақәа рзы АКХ аӡбамҭа закәаным ҳәа иазханаҵеит.

Ҳаџьымба ахашшааратә коллегиа аӡбамҭа дахашшаарц игәы иҭоуп Иреиҳаӡоу аӡбарҭа Апрезидиум ахь.

Ахада иалхрақәа ҩаԥхьа имҩаԥысны ахада ҿыц инапынҵақәа дырхагылаанӡа азакәан инақәыршәаны аҳәынҭқарра ахада инапынҵақәа наигӡалоит Рауль Ҳаџьымба.

Аха аоппозициа ахада Иусбарҭа аҿаԥхьа амитинг шымҩаԥнагац имҩаԥнагоит, урҭ Рауль Ҳаџьымба инапынҵақәа шьҭеиҵарц адҵа шықәдыргылац иқәдыргылоит.

Иара убас шәаԥхьар ҟалоит:

• Витали Габниа: Ҳаџьымба алхра ҿыцқәа рахь анеира игәҭакуп

• Бжьаниа: ахада иалхра ҿыцқәа ҟалоит хәажәкыра 21 рзы