Гогьиа алхра ҿыцқәа ирԥырхагоу азиндырратә еиқәымшәарақәа ртәы далацәажәеит

34
(ирҿыцуп 16:32 12.01.2020)
Аԥсны Алхратә комиссиа хада аӡбамҭа аднакылеит 2020 шықәса хәажәкырамза 22 рзы аиҭалхрақәа мҩаԥгазарц.

АҞӘА, ажьырныҳәа 12 – Sputnik, Бадри Есиава. Аԥсны Алхратә комиссиа хадаҿы еиқәырыԥхьаӡеит атәыла азакәанԥҵараҿы алхрақәа ирԥырхагахар зылшо аҭагылазаашьақәа.

"Ҳара иахьа азҵаарақәа рацәаны ҳрылацәажәеит. Алхрақәа рзы азакәан аԥсахрақәа аҭахуп. Уа ирацәоуп еиҿагылоу аҭагылазаашьақәа. Урҭ рыԥсахра хымԥада иаҭахуп. Иаҳҳәап, ахәҭаҷ 20. Иарала аӡбамҭа адкылара аҿҳәара иахысхьеит", - иҳәоит Гогьиа.

Атәыла ахада иалхразы азакәан ахәҭаҷ 20 ала аиҭалхрақәа мҩаԥгахароуп алхра хадақәа рышьҭахь ҩымз ирхымгакәа. Арахь, 2019 шықәса цәыббрамза аахыс хымз ҵхьеит. АКХ ари шаднакылаша аздырам иҳәеит иара.

Уи адагьы, апроблема аҵоуп закәанла аиҭалхрақәа раан уаанӡатәи алхраан ахархәара змаз алхыҩцәа рсиа хадала рымҩаԥгара.

Гогьиа дҵаауеит ибжьысыз аамҭазы зықәра наӡаз ауаа ишԥарзутәу ҳәа. Иара игәаанагарала, ари аимак-аиҿак цәырнагоит.

Иреиҳаӡоу аӡбарҭа ахашшааратә коллегиа ажьырныҳәа 10 рзы аиҭалхрақәа раантәи абжьыҭирақәа рылкаақәа иашам ҳәа ахнаҳәааит. Ари аӡбамҭа азашшра алшоит ҩымз рыҩнуҵҟа Иреиҳаӡоу аӡбарҭа Апрезидиум аҿы. Апрезидиум акәзар, иарахьы ашшыԥхьыӡ аннеилак ашьҭахь, жәымз рыҩнуҵҟа абри аус аӡбалар ҟалоит.

Апрезидиум ахашшааратә коллегиа аӡбамҭа алхрақәа ҟалаанӡа ииашам ҳәа ахнаҳәаар, алхрақәа аԥыххоит.

"Ари аҩыза аҭагылазаашьаан сара иҟаҵатәу сыздыром", - иҳәоит Гогьиа.

Иара убасгьы еилкаам аҩбатәи атур ахь ҩыџьа акандидатцәа неир, аха руаӡәк еилкаам мзызқәак ирхырҟьаны аиҭалхра дзалахәымхар. Ари азҵаарагьы ҭакдоуп.

Азиндырратә зҵаарақәа рыдагьы АКХ ахантәаҩы афинанстә уадаҩрақәа ҟалоит иҳәеит. Арҭ азҵаарақәа зегьы уажәнатә рыӡыбра хымԥадатәиуп.

Иреиҳаӡоу аӡбарҭа ахашшааратә коллегиа ажьырныҳәа 10 рзы аиҭалхрақәа раантәи абжьыҭарақәа рылкаақәа иашам ҳәа ахнаҳәааит. Ари азашшра алшоит ҩымз рыҩнуҵҟа Иреиҳаӡоу аӡбарҭа Апрезидиум аҿы. Апрезидиум акәзар, иарахьы ашшыԥхьыӡ аннеилак ашьҭахь жәымз рыҩныҵҟа абри аус аӡбалар ҟалоит.

Рауль Ҳаџьымба ахашшааратә коллегиа аӡбамҭа азашшра игәҭакуп Иреиҳаӡоу аӡбарҭа Апрезидиум аҿы.

Иара убас шәаԥхьар ҟалоит:

34
Атемақәа:
Рауль Ҳаџьымба ԥхьатәара ицара (74)

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

4
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

4

Сергеи Багаԥшь ибаҟа апроект алкааразы апроектқәа рекспозициа аадыртит

5
Сергеи Багаԥшь ибаҟа апроект алкааразы аусумҭақәа рцәыргақәҵа мҩаԥысуеит Аҟәа, хәажәкыра 3 рҟынӡа.

АҞӘА, жәабран 24 – Sputnik, Бадраҟ Аҩӡба. Аԥсны аҩбатәи ахада Сергеи Багаԥшь ибаҟа апроектқәа рекспозициа аатит Аҟәатәи Ацәыргақәҵатә зал хадаҿы жәабран 24 рзы.

"Аконкурс иалахәуп апроектқәа жәба. Урҭ рҟынтәи ааба Аҟәа атема иадҳәалоуп. Абаҟа ықәыргылахоит Сергеи Багаԥшь ихьӡ зху ашҭаҿы. Иара убасгьы абаҟа ықәыргылахараны иҟоуп Очамчыра араион ахадара ахыбра аҿаԥхьа", - ҳәа иҳәеит Аԥсны акультура аминистр Гәдиса Агрба.

Изҭаху зегьы неины ирбар рылшоит Аԥсны асахьаҭыхыҩцәа Рцәыргақәҵатә зал хадаҿы ҳәа иҳәеит иара.

"Хәажәкыра хԥа рзы Аҳәынҭқарратә монументалтә комиссиа аилатәара мҩаԥнагоит иреиӷьу апроект алхразы. Акомиссиа иалахәуп 14-ҩык – аскульпторцәа, асахьаҭыхыҩцәа", - ҳәа иҳәеит Агрба.

Уи адагьы, аминистрра асаит аҿы имҩаԥысраны иҟоуп онлаин бжьыҭира. Уи аихшьаалақәа аконкурстә комиссиа алахәылацәа руаӡәк ибжьы иаҟаратәхоит ҳәа иҳәеит аминистр.

  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik / Марианна Кубрава
  • Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы
    © Sputnik
1 / 10
© Sputnik / Марианна Кубрава
Сергеи Багаԥшь ибаҟа апроект алкааразы апроектқәа рекспозициа аадыртит Ацәыргақәҵатә зал хадаҿы

Акомиссиа алахәыла Нугзар Логәуа иазгәеиҭеит инагоу аусумҭақәа акыр агәахәара урҭартә ишынагӡоу.

"Аицлабра иалахәуп архитекторцәеи адизаинерцәеи аҿар рҟынтәи. Урҭ аметодқәеи аформа ҿыцқәеи рхы иадырхәеит. Сгәы иаанагоит апроектқәа ирылухыша ҟалоит ҳәа", - иҳәеит иара.

Аԥсны аҩбатәи ахада Сергеи Багаԥшь ибаҟа апроектқәа рзы аицлабра аартын 2019 шықәса ԥхынгәы 1 азы.

Сергеи Багаԥшь диит 1949 шықәса хәажәкыра 4 рзы. 2005 шықәса рзы иара Аԥсны ахадас далхын, 2009 шықәсазы – деиҭалхын. Иԥсҭазаара далҵит лаҵара 29 2011 шықәса рзы.

5