Ҳагба Аԥсны аполитикатә ҭагылазаашьазы: амилаҭтә хдырра аарԥштәуп

22
(ирҿыцуп 17:23 12.01.2020)
Аполитолог Беслан Ҳагба арадио Sputnik Аԥсны аефир аҿы иҳәеит ҳтәылаҿы имҩаԥысуа аполитикатә хҭысқәа рыӡбаразы акомпромисс ӷәӷәақәа шыҟаҵатәу.

 

Ҳагба Аԥсны аполитикатә ҭагылазаашьазы: амилаҭтә хдырра аарԥштәуп

"Макьана иҟоу аиҿагыларатә форма Алхратә комиссиа хада ақәҵара иамнамхыр ҟалоит. Аԥсны алхрақәа аҵыхәтәантәи аамҭазы, џьара гәыԥқәак ақәыӷәӷәара арҭоит. Урҭ ирцырҟьоу нас ахҭыс аҿиара аиуеит. Алхрақәа рылҵшәа ҳадаҳкыларгьы, иалырхуа аполитик аус ахьынӡаиуа уи дышнеиз ала адырга шимац имазаауеит. Ас еиԥш аҭагылазаашьа анышьақәгылалак, ауаажәларратә гәыԥқәа ирыдыркылоит ахҭысқәа иҟалаз зегьы рылҵразы, џьара ҿҳәарак аҭаны, алхрақәа мҩаԥаагаразы. Иара алхратә комиссиагьы ирыдыркылаз ақәҵара егьырҭ аполитикатә еиҿкаарақәа иргәамԥхар, нас иҟалои? Абри ҳалымҵӡакәа абас ҳаҿызаауама? Ара иҟаҵатәу акомпромисс ӷәӷәақәа роуп, аиҿагыларатә форма змоу амч аҿы инеирц зҭаху иаадырԥшыр ауп амилаҭҭә хдырра. Аԥыза Аԥсны дшамам иаҳнарбеит ари ахҭыс", - иҳәеит Ҳагба.

 

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

22

Кәакәасқьырԥҳа Жәлар Реизарахь алхрақәа рзы: бзыԥаа ҳҿахәы зҳәаша иалхра ҳазыхиоуп

25
(ирҿыцуп 21:25 09.07.2020)
Гагра араион, Бзыԥта аҳаблан иҟоу алхырҭатә ҭыԥ хада акомиссиа ахантәаҩы Асида Кәакәасқьырԥҳа арадио Sputnik Аԥсны аефир аҿы еиҭалҳәеит иааиуа амҽыша атәылаҿы имҩаԥгахо Жәлар Реизарахь адепутатцәа ралхра аус иахьынӡазыхиоу атәы.

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.
Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи. Бзыԥтәи алхратә ҭыԥ хада № 10 аҟынтә Жәлар Реизара адепутатрахь кандидатцәас иқәгылоуп: Ҭамаз Леибеи Ҭемыр Беиеи.

Раионк аԥсҭазаараҟынтә: Кәакәасқьыр Жәлар реизарахь адепутатцәа ралхра иахьынӡазыхиоу иазкны

"Ажәабатәи алхырҭатә ҭыԥ хадаҿы ашәҟәы иҭагалоуп алхыҩцәа 5-нызықьҩык инареиҳаны. Ҳокруг аҿы иҟоуп алхырҭатә ҭыԥқәа хәба. Алхыҩцәа рсиақәа зегьы кнаҳауп, ачымазаҩцәа рҟнытә арзаҳалқәа адкылара ҳалагахьеит. Ҳкомиссиа ахадацәа зегьы рҭыԥқәа рҿы иҟоуп. Асабша асиақәа еиҭагәаҭахоит, ари аамҭа иалагӡаны аиҭакрақәа ҟалазар урҭ ашәҟәы иҭаҳгалоит, иара убасгьы ианыхтәу дҟаларгьы уи аусгьы нагӡахоит", - ҳәа еиҭалҳәеит Кәакәасқьырԥҳа.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Иара убас шәаԥхьар ҟалоит:

 

25

Акоронавирус змоу ҩыџьа апациентцәа Гәдоуҭатәи ахәышәтәырҭаҿ ишышьҭац иаанхоит

13
(ирҿыцуп 18:54 09.07.2020)
Иаҳхысыз уахыки-ҽнаки рыла Аԥсны 12-ҩык акоронавирустә инфекциа амазааразы агәаҭара иахысит.

АҞӘА, ԥхынгәы 9 - Sputnik. Ҩыџьа апациентцәа макьана Гәдоуҭатәи ахәышәтәырҭаҿы ишышьҭац иаанхоит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Ииасыз уахыки-ҽнаки рыла акоронавирустә инфекциа агәаҭаразы абиоматериал арҭеит 12-ҩык атәылауаа. COVID-19 аӡәгьы идбалам", - аҳәоит адырраҭараҿы.

Аԥсны иахьаҵанакуа акоронавирус зынӡа 38-ҩык ирыдбалоуп. Ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Џьон Хопкинс ихьӡ зху ауниверситет адыррақәа рыла, адунеи аҿы акоронавирус захьыз рхыԥхьаӡара 12 миллионҩык инархыҳәҳәахьеит.

Акоронавирус иазку ажәабжьқәа зегьы шәрыԥхьар ҟалоит абра>>

 

13
Атемақәа:
Ачымазара ҿкы – акоронавирус Аԥсни адунеи аҿи: иалкаау