РУСДРАМ аусзуҩцәа Чехов ихьӡ зху атеатр аҿы рԥышәа еиздырҳауеит

15
(ирҿыцуп 13:15 15.01.2020)
РУСДРАМ адиректор хада МХТ асахьаркыратә директор ихаҭыԥуаҩ Марина Андреикина длыҳәеит алашареи абжьыи роператорцәа аԥышәахысразы ирыдыркыларц.

АҞӘА, ажьырныҳәа 15 – Sputnik, Сариа Кәарцхьиаԥҳа. Фазиль Искандер ихьӡ зху Аурыс драматә театр алашареи абжьыи роператорцәа аԥышәахысразы МХТ ахь ицоит ажьырныҳәа 15 - 21 рзы, абри атәы Sputnik иазеиҭеиҳәеит РУСДРАМ адиректор хада Иракли Хынҭәба.

Москваҟа амҩа иқәлоит рдыррақәа реизырҳаразы Илларион Пасаниеи Васили Ерлихи.

"Атеатртә сезон ҿыц аан апроект уадаҩқәа рынагӡара ҳагәҭакуп. Есышықәса актиорцәа рҟазареиԥш атехника аус адызуло рҟазарагьы иазҳауазароуп. Ҭыԥк аҿы агылара ҟалом", - иҳәеит иара.

РУСДРАМ адиректор хада МХТ асахьаркыратә директор ихаҭыԥуаҩ Марина Андреикина длыҳәеит алашареи абжьыи роператорцәа аԥышәахысразы ирыдыркыларц.

"Марина Сергеи-иԥҳа дақәшаҳаҭхеит, ҳаргьы аофициалтә шәҟәы ҳашьҭит. Уажәы дара уа ирзыԥшуп. Сара агәра згоит абарҭ абжьымш рыла рдырреи рԥышәеи акыр ишазҳауа. Ҳахәаԥшыҩгьы уи шгәеиҭо агәра згоит", - иҳәеит иара.

Фазиль Искандер ихьӡ зху Аурыс драматә театр алашареи абжьыи роператорцәа аԥышәахысразы МХТ ахь ицоит ажьырныҳәа 15 - 21 рзы.

15