Аԥсны иҟоу урыстәылатәи арратә базаҿы аруаа изаамҭанытәиу реиҭныԥсахлара мҩаԥысит

16
70% рҟынӡа ҿыц аррахь инаԥхьоу аҿар арратә ҭоубашьҭаҵара мҩаԥганы аԥхьанатәтә ҽазыҟаҵарақәа ирхысит.

АҞӘА, ажьырныҳәа 15 - Sputnik. Аԥсны иҟоу урыстәылатәи арратә базаҿы аруаа изаамҭанытәиу реиҭныԥсахлара мҩаԥысит. Жьҭаарамза инаркны аррамаҵзура иахысыз рцынхәрас иаашьҭуп 200-ҩык рҟынӡа ҿыц аррахь инаԥхьоу. Абри атәы аанацҳауеит абаза апресс-маҵзура.

70% рҟынӡа ҿыц инаԥхьоу аҿар арратә ҭоубашьҭаҵара мҩаԥганы аԥхьанатә ҽазыҟаҵарақәа ирхысит. Амедикцәеи аԥсихологцәеи агәаҭарақәа ирыхрыжьит.

Апресс-маҵзура адырра ишаҳәо ала Аԥсны иҟоу арратә базақәа рҟны иахәҭаны иҟоу аҭагылазаашьақәа зегьы аԥҵоуп асолдаҭцәа рыррамаҵзура ахысразы. Рыкрыфарҭаҟны еиҿкаауп "шведски стол" ҳәа изышьҭо аформа. Дасу ииҭаху афатә алихуеит.

Аиҭныԥсахлара инамаданы абазаҿ иҟоу аруаа рзеиԥш хыԥхьаӡара еицакым.

16

Даҽа быжьҩык ауаа акоронавирус рыдбалоуп Аԥсны

5
(ирҿыцуп 19:52 12.08.2020)
Аԥсны зынӡа ачымазара здырбалахьоу рхыԥхьаӡара 155-ҩык рҟынӡа инаӡоит. Урҭ рахьтә 51-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 12 - Sputnik. Даҽа быжьҩык ауаа акоронавирус рыдбалоуп ҳәа адырра ҟанаҵоит Ауааԥсыра акоронавирустә ҿкы рацәыхьчаразы аоперативтә штабнанҳәа 12 рзы.

"Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 131-ҩык ауааԥсыра, адиагноз COVID-19 рзықәыргылоуп быжьҩык", - ҳәа азгәаҭоуп аацҳамҭаҿы.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 40-ҩык апациентцәа. Урҭ рахьтә фҩык - хәыҷқәоуп, зҭагылазаашьа уадаҩу хҩык ыҟоуп. Згәабзиара ҭышәынтәалаз пациентк ахәышәтәырҭа дылыҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау
Рита Жиба

Ажьиԥҳа аибашьра агәалашәарамш азы: есышықәса ишыҟаҳҵалац еиԥш изыҟалаӡом

4
(ирҿыцуп 18:51 12.08.2020)
Тҟәарчал араион акультура аҟәша аиҳабы Рита Ажьиԥҳа еиҭалҳәеит нанҳәа 14, Аџьынџьтәылатәи еибашьра аналага амш иазкны иазгәаҭан ирымоу аусмҩаԥгатәқәа ртәы.
Раионк аԥсҭазаараҟынтә: Ажьиԥҳа нанҳәа 14 рзы иазгәаҭан ирымоу аусмҩаԥгатә атәы

"Ашьыжь асааҭ 11 рзы, Владислав Арӡынба ибаҟаҿы ишьҭаҳҵоит ашәҭқәа, анаҩс амемориалтә комплекс аҿгьы ус. Афырхацәа раллеиаҿы имҩаԥгахоит амитинг. Аусмҩаԥгатә еиҿкаахоит амузеи аусзуҩцәа рыла. Ҳәарада, ачымазара иахҟьаны зхы алазырхәуа рхыԥхьаӡара маҷхоит, есышықәса ишыҟаҳҵалац еиԥш изыҟалаӡом, аха иагьа ус иҟазаргьы, ҳақалақь ахышәы-ҵышәа уиаҟара идууӡам азы аигәныҩра иаҳа имариоуп егьырҭ ақалақьқәа рҿы аасҭа. Ҳара аусбарҭақәа зегьы ҳасны ирылаҳҳәоит еиҿкаахо аусмҩагатә атәы. Ҳгәы ҳнархьуеит ауаа рхыԥхьаӡара ахьмаҷхо, аха арыцхә азгәаҳамҭаргьы ауам", - ҳәа еиҭалҳәеит Ажьиԥҳа.

Тҟәарчал Афырхацәа рмузеи есыҽны еиԥш иаартхоит, изҭаху зегь уи иааҭартә еиԥш алшара роуеит ҳәа азгәалҭеит араион акультура аҟәша аиҳабы.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

4