Гогьиа: уажәтәи алхрақәа ирықәхарџьхо иаҳхысыз раасҭа еиҳамхароуп

31
(ирҿыцуп 10:03 16.01.2020)
АКХ ахантәаҩы иҳәеит алхрақәа раан абиуџьет анырра ду шаиуа, аха алхратә комиссиа иалшо зегь шыҟанаҵо амцхә анымхразы.

АҞӘА, ажьырныҳәа 16 – Sputnik. Уажәтәи алхрақәа ирықәхарџьхо иаҳхысыз раасҭа еиҳамхароуп иҳәеит арадио Sputnik аинтервиу азҭаз Аԥсны АКХ ахантәаҩы Ҭамаз Гогьиа. Ҭагалантәи алхрақәа ирыхшәаан 18 миллион мааҭ.

Гогьиа иҳәеит уажәазы ишаахәатәымхо абжьыҭаразы аурнақәа, амҳәырқәеи аштампқәеи, апресс-центр азы ахархәагақәа. Алхрақәа аԥара рзоужьхоит ареспубликатә биуџьет аҟынтәи.

"Атәылаҿ актәи афинанстә аԥшьбарак еснагь ауадаҩрақәа амоуп, уажәтәи аҭагылазаашьақәа ирхьырԥшны урҭ еиҳагьы ирыцлоит. Абиуџьет ҳәарада анырра аҭахоит. Ҳара иҳалшо ҟаҳҵоит уи мыцхәы анымхразы", - иҳәеит иара.

Гогьиа иажәақәа рыла, атәыла ахада иалхра аамҭеи аҭыԥантәи ахаланапхгараҭаратә усбарҭақәа ралхра аамҭеи еиқәшәоит.

"Убри инадҳәаланы Апарламент ахь ашәҟәы наҳашьҭит аҵыхәтәантәиқәа рыҿҳәара инахазарц", - иҳәоит иара.

Гогьиа иазгәеиҭеит абжьыҭирҭа ҭыԥқәа шаартхо Москвеи Нхыҵ Кавкази.

Сҭампыл аартра азҵаара макьаназы иалацәажәам.

Аҵыхәтәантәи алхрақәа раантәи аԥсахрақәа шыҟац иаанхоит. 2019 шықәса мшаԥы 4 рзы Апарламент аилатәараҟны адепутатцәа алхрақәа раан абжьыҭара апроцедурахь аԥсахрақәа аларгалеит. Апарламент асессиа аҩбатәи аҵыхәтәантәи аԥхьараҟны ирыдыркылаз азакәан апроект инақәыршәаны, анацәа адырганҵареи абиуллетенқәа рҟны акандидатцәа рыхьӡқәа рҵәаӷәара аметоди аԥыхын, уажәшьҭа рыбжьы зырҭар рҭаху акандидат ихьӡ авараҟны адырга ықәдыргылароуп.

АКХ аплан

Аԥсны Алхратә комиссиа хада аиҭалхрақәа рымзартә план еиҿнакааит.

Аԥшьгаратә гәыԥқәеи апартиақәеи рҭаҩра иалагоит ажьырныҳәа 22 инаркны жәабран 11 рҟынӡа.

Ахадарахьы акандидатцәа рҭаҩра мҩаԥысуеит адокументқәа анынарышьҭ ашьҭахь жәамш рыҩнуҵҟа.

Алхыҩцәа рсиа адырразы иӡыргахоит алхрақәа жәамш шрыгу.

Алхратә комиссиақәа биуллитенла еиқәыршәахоит 2020 шықәса хәажәкыра 20-21 рзы. Абжьыҭира мҩаԥгахоит хәажәкыра 22 асааҭ 08.00-20.00 рзы.

Алхратә комиссиақәа абжьыҭара алҵшәақәа рзы аԥкаанҵақәа хәажәкыра 22-23 рзы акомиссиа хадақәа ирзынарышьҭуеит, усынтәи АКХ инеиуеит. План ЦИК.

Аԥсны ахадас дҟалар илшоит милаҭла иаԥсыуоу, аҳәынҭқарратә бызшәа цқьаны издыруа, 35 шықәса иреиҵам, аха 65 шықәса иреиҳам, алхратә зин змоу, аҵыхәтәантәи хәышықәса иааиԥмырҟьаӡакәа Аԥсны инхо Аԥсны атәылауаҩ. Аамҭакала далырхуеит акандидат зыӡбахә иҳәо ахада ихаҭыԥуаҩ.

Алхрақәа-2019

Цәыббра 8, 2019 шықәса рзы имҩаԥгахеит Аԥсны ахада иалхрақәа. Атәыла ахадас ркандидатура ықәдыргылеит: Рауль Ҳаџьымба, Алхас Кәыҵниа, Олег Аршба, Асҭамыр Ҭарба, Леонид Ӡаԥшьба, Шамиль Аӡынба, Алмас Џьапуа, Артур Анқәаб, Асҭамыр Какалиа.

Аҩбатәи атур аҟны еиндаҭлон Рауль Ҳаџьымбеи Алхас Кәыҵниеи. Аҩбатәи атур аан аԥыжәара игеит Рауль Ҳаџьымба, 47,39% бжьы иманы, аха ажьырныҳәа 10, 2020 шықәса рзы Иреиҳаӡоу аӡбарҭа ахашшааратә колегиа урҭ алхрақәа реихшьаала иашамызт ҳәа аӡбамҭа аднакылеит. Убри ашьҭахь Алхратә комиссиа хада алхра ҿыцқәа ррыцхә шьақәнаргылеит - хәажәкыра 22, 2020 шықәса.

Иара убас шәаԥхьар ҟалоит:

31
Атемақәа:
Аԥсны ахада иалхрақәа -2020 (125)
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

5
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

5
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

2
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

2